❤️✨️ശാലിനിസിദ്ധാർത്ഥം13✨️❤️ [??????? ????????] 437

“നിങ്ങളെ നമ്മുടെ ഹെഡ് വിളിക്കുനുണ്ട്…” അവൾ മറുപടി നൽകി.

സിദ്ധാർഥ് : “എന്തിനാ…! ഇന്ന് നടന്ന സംഭവത്തെ കുറിച്ച് പറയാനാണോ…???”

“അതെ കാര്യമതൊക്കെ തന്നെ… നീയെങ്ങനെ പ്രതികരിച്ചത് അവർക്ക് വല്ലാത്ത നീരസമുണ്ടാക്കിയിട്ടുണ്ട്.”

ഉടനെ കൂടെയുണ്ടായിരുന്ന പെൺകുട്ടി കാര്യമങ്ങു പറഞ്ഞു. അത് കേട്ടതും സിദ്ധാർഥ് ചെറുതായി പുഞ്ചിരിക്കുക മാത്രം ചെയ്തു.

” അതൊക്കെ സ്വാഭാവികം…! ഞങ്ങൾ പോയി ടീച്ചറിനെ കണ്ടു കൊള്ളാം. നിങ്ങൾ പോയ്‌ക്കോളു.. ടീച്ചേർസ് വിളിച്ചു എന്ന് പറയുന്നതിന് പകരം ആ ഗുണനായകിന്റെ അസിസ്റ്റന്റ് വന്നു എന്നാണ് നിങ്ങൾ വന്ന് പറഞ്ഞിരുന്നതെങ്കിൽ പിന്നെയും കൊള്ളാമായിരുന്നു. അതൊന്നും സിദ്ധാർഥിൽ വലിയ ചലനമുണ്ടാക്കിയില്ല.

“ശെ.. ശെരി…” സിദ്ധാർഥിന്റെ ഒഴുക്കൻ മട്ടിലുള്ള മറുപടി കേട്ട് ഒരു നിമിഷം അന്തം വിട്ടിരുന്ന ശേഷം അവർ അവനോട് വിട പറഞ്ഞിട്ട് തിരികെപോയി.

ജയസൂര്യ :” നീയെന്താ സിദ്ധാർഥ്, ആ പെൺപിള്ളേർ വന്ന് സീരിയസായിട്ടൊരു കാര്യം പറഞ്ഞപ്പോൾ അതങ്ങു തമാശയായിട്ടങ്ങു എടുക്കുന്നത്. ഇതെന്താ കുട്ടിക്കളിയാണോ ! പിന്നെ നീയെന്തിനാ ഗുണനായകിനെയോ അല്ലെങ്കിൽ അയാളുടെ അസിസ്റ്റന്റിനെയോ കാണണം എന്നൊക്കെ പറഞ്ഞത് ???”

സിദ്ധാർഥ് :”തീർച്ചയായും അല്ല… ഇത് തികച്ചും ഗൗരവമുള്ള ഒരു വിഷയം തന്നെയാണ്… പിന്നെ മറ്റേത്, അയാളെ ഞാനിതു വരെ കണ്ടിട്ടില്ലല്ലോ അത് കൊണ്ട് പറഞ്ഞതാ..”

വിഷ്ണു :”ഹാ നിനക്കിപ്പോഴെങ്കിലും ബോധം തെളിഞ്ഞോ… ഗുണനായകുമായി കൊമ്പുകോർക്കുന്നത് നല്ലതിനല്ല എന്നെങ്കിലും നിന്നക്ക് മനസ്സിലായോ…???”

സിദ്ധാർഥ് : ” എന്നോട് കളിക്കുന്നത് അയാളുടെ നല്ലതിനല്ല എന്ന് കൂടെ അയാളും അയാളുടെ ആൾക്കാരും ഓർത്താൽ നന്ന്. എന്തായാലും ഒരു കാര്യം ചെയ്യ്.. ആദമും, വിഷ്ണുവും ടീച്ചറിനെ കാണാൻ ഞങ്ങളുടെ കൂടെ വാ.. എന്നിട്ട് ബാക്കിയുള്ളവർ വീട്ടിലേക്ക് പൊയ്ക്കോ…”