❤️✨️ശാലിനിസിദ്ധാർത്ഥം13✨️❤️ [??????? ????????] 437

അധികമൊന്നും സംസാരിക്കാത്ത ആദികേശവ് പോലും ഈയൊരു കാര്യത്തിൽ സിദ്ധാർഥിനോട് വിയോജിപ്പ് കാണിച്ചു. ഇതെല്ലാം കേട്ട് ഇഷ്ടപ്പെടാതെ സിദ്ധാർഥ് അവിടെ ന്നിന്നും അൽപ്പം നടന്നിട്ട് എന്തെക്കെയോ ആലോചിച്ചു കൊണ്ട് നിന്നു.

“സിദ്ധാർഥ്… സിദ്ധു.. നീയെന്ത് തീരുമാനിച്ചു…???” ജയസൂര്യ എഴുനേറ്റു സിദ്ധാർഥിന്റെ അടുത്തെത്തികൊണ്ട് ചോദിച്ചു.

സിദ്ധാർഥ് :”ശെരി അങ്ങനെയെങ്കിൽ ഞാൻ അയാളോട് എതിർത്തു നിൽക്കാൻ പോകുന്നില്ല….”

അത് കേട്ട് ജയന്റെയും ബാക്കിയുള്ളവരുടെയും മുഖത്ത് എന്തെന്നില്ലാത്ത ഒരു സമാധാനം നിറഞ്ഞു. ജയസൂര്യ അർജുനെ നോക്കി നന്ദിസൂചകമായി തലയാട്ടി.

“ഹേ…! ദേ അവർ. നിങ്ങൾ ബോയ്സ് ഇവിടെ നിൽക്കുകയായിരുന്നോ ഞങ്ങൾ നിങ്ങളെ എവിടെയെല്ലാം അന്വേഷിച്ചു…!”

അപ്പോഴാണ് അവിടേക്ക് സിദ്ധാർഥിന്റെ ക്ലാസ്സിലെ മൂന്ന് പെൺകുട്ടികൾ സിദ്ധാർഥിനെയും അവന്റെ കൂട്ടുകാരെയും അന്വേഷിച്ചു വന്നത്.

“ഐറീൻ…! നീ വീട്ടീൽ പോയില്ലേടീ ??? കോളേജ് വിട്ടില്ലേ…???” അവരുടെ കൂട്ടത്തിൽ തന്റെ സഹോദരിയെ കണ്ടതോടെ ഐസക് അവളോട് അത്ഭുതത്തോടെ ചോദിച്ചു.

ഐറീൻ: “കോളേജോക്കെ വിട്ടെടാ… പക്ഷേ നീ വരാതെ ഞാനെങ്ങയാ പോകുന്നത്. വാ നമ്മൾക്ക് പോകാം…”

ഐസക് :”കുറച്ച് കഴിഞ്ഞിട്ട് പോയാൽ പോരേടി…???

ഐറീൻ :”അതൊന്നും പറ്റില്ല. ഞാൻ കോളേജ് വിട്ട കാര്യം അപ്പനോട് പറഞ്ഞും പോയി. നിനക്കറിയാമല്ലോ അപ്പന്റെ കണിശത. ഇനിയും താമസിച്ചാൽ പണി കിട്ടുകയേയുള്ളൂ. നീ വേഗം എന്റെ കൂടെ വാ…”

ആ പ്രിൻസിപ്പാലിനെതിരെയുള്ള ഗൂഡാലോചനയൊക്കെ നീ, നാളെ തുടർന്നാൽ മതി. ബാക്കി ഇവർ തീരുമാനിച്ചോളും… നീ ഇവളോടൊപ്പം പോകാൻ നോക്ക്.” ഒരു പെൺകുട്ടി ഐറീനെ സപ്പോർട്ട് ചെയ്തു. അത് കേട്ടതും ഐസക് സിദ്ധാർഥിനെ ദയനീയമായി നോക്കി.

“നീ ചെല്ലടാ… എന്തെങ്കിലും ടേൺ ഉണ്ടായാൽ ഞാൻ മെസ്സേജ് ചെയ്യാം ” സിദ്ധാർഥ്, ഐസക്കിനെ അവന്റെ പെങ്ങളോടൊപ്പം പറഞ്ഞു വിട്ടു. “ഇനി നിങ്ങൾ വന്ന കാര്യം പറ…” സിദ്ധാർഥ് ഒരു പെൺകുട്ടിയുടെ നേർക്ക് തിരിഞ്ഞു.