❤️✨️ശാലിനിസിദ്ധാർത്ഥം13✨️❤️ [??????? ????????] 437

സിദ്ധാർഥിനോടൊപ്പം നിൽക്കുന്നവനാണ് വീണു കിടക്കുന്നവന്റെ കഴുത്തോടിച്ചത് എന്ന് അറിഞ്ഞതും അവർ അൽപ്പമൊന്നു പതറിയെങ്കിലും മനസ്സാന്നിധ്യം കൈവിടാതെ മുന്നോട്ടു കുതിച്ചുവന്നു…

സിദ്ധാർഥ്: “എടാ, അളിയാ എന്നേം കൂടെ ഇതിൽ പങ്കാളിയാക്കടാ പ്ലീച്.. നീ മാത്രം ഇങ്ങനെ സുഖിച്ചോണ്ടിരുന്നാൽ മതിയോ.. ഞാനും കൂടെ കൂടട്ടെടാ.. നിനക്ക് വർക്ക്‌ ലോഡ് കുറയും. ” സിദ്ധാർഥിന്റെ അപേക്ഷ കേട്ട് അർജുന് ചിരിപൊട്ടി.

“ഹ്മ്മ്.. നീ വലിയ ഇടിയൊന്നും പ്രയോഗിക്കില്ലെന്നു എനിക്ക് ഉറപ്പ് വരുത്താമോ… നമ്മളിവരെ കൊല്ലാനല്ല നിർജീവമാക്കി ഒന്നും ചെയ്യാൻ പറ്റാതെയാക്കുകയാണ് വേണ്ടത്. നീ നമ്മുടെ ഗുരുജി പഠിപ്പിച്ച വിദ്യകളൊന്നും മറന്നിട്ടില്ലല്ലോ അല്ലേ…???”

“എന്ത് ചോദ്യമാടാ ഇത്…??? അതൊക്കെ മറക്കാനുള്ളതാണോ… മർമപ്രയോഗമല്ലേ നീ ഉദേശിച്ചേ… Watch Me…!” സിദ്ധാർഥ്, പിന്നോട്ട് രണ്ട് ചുവടുകൾ വെച്ചിട്ട് തന്റെ ഇരുകൈകളിലെയും മുഷ്ടി ചുരുക്കി, ഇരുവശത്തേക്കും വിടർത്തിയിട്ട്  തന്റെ നേർക്ക് വന്നു കൊണ്ടിരുന്ന ആ കൂട്ടത്തിലേക്ക്  ഓടിയടുത്തു…

അവരുടെ അടുത്തേക്ക് ചെന്ന സിദ്ധാർഥ് അവരിൽ നടത്തിയ കരപ്രയോഗം കണ്ട് ത്രില്ലടിച്ച അർജുനും വൈകാതെ അവനോടൊപ്പം ചേർന്നു…!

********************************************

“എടാ, എത്രയും പെട്ടന്ന് ഇവിടെന്ന് ഓടി രക്ഷപ്പെട്ടോടാ…”

ഇനി ഇവിടെ നിൽക്കുന്നത് ശെരിയല്ല. എത്രയും പെട്ടന്ന് കാര്യങ്ങൾ ആസിഫ് അണ്ണനെയോ അല്ലെങ്കിൽ ഗുണൻ സാബിനെ അറിയിക്കണം.”

” അതെ ഇല്ലെങ്കിൽ അലക്സ്‌ ഇച്ചായന് പറ്റിയത് പോലെ നമ്മുടെ തടിയും കേടാകും.”

രണ്ട് ആജന്മമിത്രങ്ങളുടെ സംയുക്തമായ പ്രഹര പ്രവർത്തനത്തിലൂടെ രൂപംകൊണ്ട കൊടുങ്കാറ്റിൽ ചെന്ന് പെടാതെ മാറിനിന്ന ഗുണനായക്കിന്റെ പടയിൽപ്പെട്ട രണ്ടു പേർ, അർജുന്റെ വിരൽ പ്രയോഗത്തിൽ വീണുപോയ അലെക്സിനെ, അവിടെ നിന്ന് മാറ്റിയിട്ട് അയാളെയും കൊണ്ട് പിന്തിരിഞ്ഞോടാൻ ശ്രമിച്ചു.