❤️✨️ശാലിനിസിദ്ധാർത്ഥം13✨️❤️ [??????? ????????] 437

“അജൂ…! എടാ അജുവെന്തിയേ…” ആദം അർജുനെ അവിടെയാകെ നോക്കി കാണാഞ്ഞിട്ട് തൊട്ടടുത്തുണ്ടായിരുന്ന ജയനോട് ചോദിച്ചു. ജയനാകട്ടെ ഒന്നും മിണ്ടാതെ തല്ല് നടക്കുന്ന ഭാഗത്തേക്ക് ചൂണ്ടികാണിച്ചു.

ആദം: “എന്റെ പടച്ചോനേ…! അർജുൻ… നീയും ഇതിൽ കേറി ഇടപ്പെട്ടോ…!”

അപ്പോഴേക്കും തറയിൽ വീണു കിടക്കുകയായിരുന്ന സിദ്ധാർഥിനെ അലക്സ്‌, അവന്റെ ഷർട്ടിൽ കുത്തി പിടിച്ച് നേരെ നിർത്തിയിട്ട് അവന്റെ മുഖം ലക്ഷ്യമാക്കി തന്റെ ഉരുക്കു മുഷ്ടികൊണ്ട് ഇടിക്കാനായുന്നതും…

അതേനിമിഷം അയാളുടെയടുത്തേക്ക് പാഞ്ഞുവന്ന അർജുൻ, പെട്ടന്നാ മുഷ്ടി, തന്റെ വലത് കൈകൊണ്ട് തടയുകയും, എന്നിട്ട് അലെക്സിന്റെ നീട്ടിപിടിച്ച മുഷ്ടിയുടെ കൈമുട്ടിന്റെ ഞെരമ്പ് ഭാഗത്ത്, തന്റെ രണ്ടു വിരലുകൾ ഒരു പ്രത്യേക രീതിയിൽ വെച്ചുകൊണ്ട് തിരിക്കുന്ന കാഴ്ചയുമാണ് ആദം കണ്ടത്.

സിദ്ധാർഥിനെ ഇടിക്കാൻ അലക്സിനിപ്പോൾ, സിദ്ധാർഥിനെ ഇടിക്കാനായി കൊണ്ടുപോയ തന്റെ കൈ അർജുൻ വന്ന് തടയുകയും… എന്നിട്ട് കൈമുട്ടിന്റെ മർമഭാഗത്ത് അർജുൻ, അവന്റെ കൈവിരലുകൾ ഉപയോഗിച്ചു എന്തോ മന്ത്രവിദ്യ കാണിച്ചതോടെ കൈയുടെ ഭാരം താങ്ങാൻ പറ്റാതെ വരുന്നത് പോലെയും, കൈമുട്ടിനു താഴെ കൈ വരെയുള്ള മരവിക്കുന്നത് പോലെയും തോന്നി..

“ആഹ് എന്റെ കൈ…! നീ എന്താടാ നാറി എന്റെ കൈയിൽ ചെയ്തത്… കൈ ശെരിയാക്കി താടാ.. ഇല്ലെങ്കിൽ നീയും ഇവനെ പോലെ അനുഭവിക്കും.” അലക്സ്‌ തനിക്ക് സംഭവിച്ചതെന്തെന്നു മനസ്സിലാക്കാനാവാതെ ഒരു നിമിഷം ഭയന്ന് ഞെട്ടിയതിനു ശേഷം അർജുനെ തന്റെ മറുകൈ കൊണ്ട് ആക്രമിക്കാൻ ശ്രമിച്ചു.

അത് കേട്ട് പുഞ്ചിരിച്ച അർജുനാകട്ടെ, “ഇവനെ പോലെയുള്ളവർ ഒരിക്കലും നന്നാവാൻ പോണില്ല..”എന്ന് പിറുപിറുത്തുകൊണ്ട് അയാളുടെ മറ്റേകൈയും നേരെത്തെ ചെയ്തത് പോലെ ‘പൂട്ടിട്ടു.