❤️✨️ശാലിനിസിദ്ധാർത്ഥം13✨️❤️ [??????? ????????] 437

എന്നാൽ ഈ രംഗങ്ങളെല്ലാം കണ്ടു കൊണ്ടിരുന്ന ബാക്കിയുള്ളവർക്ക് സിദ്ധാർഥ് എന്താണ് ചെയ്തതെന്ന് മനസ്സിലായില്ല. അടുത്ത നിമിഷം അവരെല്ലാവരും വേദനകൊണ്ട് പുളഞ്ഞു തറയിൽ വീഴുന്ന കാഴ്ചയാണു അവർ കണ്ടത്.

അത് കണ്ട് ബാക്കിയുള്ള ഡാർക്ക്‌ ബ്രിഗേഡുകാരും കൂടെ അവന്റെ നേർക്ക് തിരിഞ്ഞതോടെ അവൻ പല്ല് ഞെരിച്ചു. ‘ഇവന്മാർക്ക് ഒരു ചവിട്ട് കിട്ടിയതും പോരായിരിക്കും.. കൂടുതൽ ഡോസ് കൂട്ടി കൊടുത്തേക്കാം.’

സിദ്ധാർഥ് പിറുപിറുത്തുകൊണ്ട് അവരെ എതിരിടാനായി പോകാനൊരുങ്ങിയതും…

“അയ്യോ സിദ്ധാർഥ്, എടാ നിന്റെ പുറകിലേക്ക് നോക്ക്…” എന്ന് അവന്റെ കൂട്ടുകാർ ഉറക്കെ അലറി വിളിച്ചുവെങ്കിലും എല്ലാം വളരെ വൈകിപോയിരുന്നു.

അപ്പോഴേക്കും സിദ്ധാർഥ് അറിയാതെ അവന്റെ പുറകിൽ വന്ന ഒരു തടിമാടൻ, അവന്റെ ഷർട്ടിന്റെ കോളറിൽ പിടിച്ചു വലിച്ച് അവനെ പുറകിലേക്ക് തള്ളിയിട്ടിട്ട് അവന്റെ നാഭിയിൽ ചവിട്ടിയപ്പോൾ സിദ്ധു ചെറുതായി ഞെരങ്ങുക മാത്രമാണുണ്ടായത്…!

“ഹ്… അമ്മ്മേ.. ആാ.. ഖ്.. ഖൊ..” അയാൾ അവന്റെ വയറ്റിൽ ചവിട്ടിയത് കാരണം പെട്ടന്ന്, ഉച്ചയ്ക്ക് കുടിച്ച വെള്ളമത്രയും അവൻ ഛർദിച്ചു തുപ്പികളഞ്ഞു… ആ കാഴ്ച കണ്ട് അവിടെയുണ്ടായിരുന്ന വിദ്യാർഥികളെല്ലാവരുടെയും മുഖം വക്രിച്ചു.

“എടാ അലക്സേ, നിന്റെ കൈകൊണ്ട് അവനെയങ്ങു തീർത്തേക്കടാ. സാബിനെതിരെ ഇനി ഇവിടൊരുത്തനും ശബ്ദമുയർത്തിയാൽ എന്താണ് യഥാർത്ഥത്തിൽ സംഭവിക്കുന്നതെന്നു ഒരിക്കൽ കൂടി നമ്മൾക്ക് കാണിച്ചുകൊടുക്കണം.”

ഗുണനായകിന്റെ ആൾക്കാർ അത് കണ്ട് ആവേശത്തോടെ വിളിച്ചു പറഞ്ഞതും അലക്സ്‌, തറയിൽ നിരായുധനായി കിടന്ന സിദ്ധാർഥിന് നേർക്ക് തിരിഞ്ഞു.

“എടാ അവനെ അയാള് ചവിട്ടുന്നെടാ അജു… എന്തേലും ചെയ്യടാ…” ആദം സിദ്ധാർഥിനെ ആ തടിമാടൻ ആക്രമിക്കുന്നത് കണ്ട് അർജുന് നേർക്ക് തിരിഞ്ഞു എന്തോ പറയുവാൻ വന്നെങ്കിലും അർജുനെ അവിടെ കാണാനില്ലായിരുന്നു…!