❤രാക്ഷസൻ?1 289

ചെറിയൊരു പ്രതീക്ഷയോടെ അമ്മയെ നോക്കിയതും അമ്മ പെട്ടന്ന് മുഖം തിരിച്ചു…. അല്ലെങ്കിലും അച്ഛൻ പറയുന്നതിന് അപ്പുറം അമ്മ നിൽക്കില്ലല്ലോ….നിറഞ്ഞൊഴുകുന്ന കണ്ണുകളുമായി ഞാനൊരു തെറ്റും ചെയ്തിട്ടില്ല എന്ന് പറയാനായി ഞാൻ പ്രിയയെ നോക്കിയെങ്കിലും എന്റെ നോട്ടം കണ്ടിട്ട് അവൾ പുച്ഛിച്ചു ചിരിക്കുകയാണ് ചെയ്തത്……ഇവരുടെ ഒക്കെ അവഗണന എനിക്ക് മരണത്തിനു തുല്യം ആയത് കൊണ്ട് തന്നെ,,, എന്നെ ഈ അവസ്ഥയിൽ ആക്കിയ ആ രാക്ഷസനെ ഞാൻ രൂക്ഷമായി നോക്കി…. എന്റെ നോട്ടത്തെ പുച്ഛിച്ചു തള്ളിക്കൊണ്ട് അവൻ എന്റെ കയ്യും പിടിച്ച് അവിടെ നിന്നും ഇറങ്ങി…..

“അപ്പൊ അച്ഛാ…. അച്ഛന്റെ ഈ പുന്നാര മകളെ ഞാൻ കൊണ്ടുപോകുകയാണ്…. ”

എന്നും പറഞ്ഞ് എന്റെ കയ്യും പിടിച്ച് അവൻ അവിടെ നിന്നും നടക്കുമ്പോൾ എനിക്ക് എന്തോ അറുക്കാൻ കൊണ്ടുപോകുന്ന ഒരു പോത്തിന്റെ പോലെ തോന്നി….

ഇനിയായിരിക്കും ഞാൻ ഈ ഭൂമിയിലെ നരകം എന്താണ് എന്ന് അറിയുക…. ഞാൻ അവനെ നോവിച്ചതിന് അവൻ എനിക്ക് ഇനി അതിന്റെ ഇരട്ടി ആയിരിക്കും തരുക….. ആരും ചോദിക്കാനും വരില്ലല്ലോ…. കാരണം ഞാൻ അവന്റെ ഭാര്യയല്ലേ……

കാർ അവന്റെ കൊട്ടാരത്തിനു മുന്നിൽ കൊണ്ടുപോയി നിർത്തുമ്പോൾ എനിക്ക് എന്തോ ഇതൊന്നും ഉൾകൊള്ളാൻ തന്നെ കഴിയാത്ത പോലെ തോന്നി….

മുന്നിൽ തന്നെ അവന്റെ അമ്മയാണെന്ന് തോന്നുന്ന ഒരു സ്ത്രീ നിലവിളക്കും പിടിച്ചു നിൽക്കുന്നുണ്ടായിരുന്നു…..

അവൻ വെൽ പ്ലാൻഡ് ആയിരുന്നു എന്ന് മനസ്സിലായതും എനിക്ക് എന്റെ ദേഷ്യത്തെ തന്നെ പിടിച്ചു നിർത്താൻ കഴിയാത്ത പോലെ തോന്നി…

“മോളേ ഈ നിലവിളക്ക് പിടിച്ച് വലത് കാല് വെച്ചു അകത്തേക്ക് കയറിക്കോള്ളൂ……. ”

എന്ന് അമ്മ പറഞ്ഞതും ഞാൻ അതുപോലെ അനുസരിച്ചു…. അതിനിടക്ക് എനിക്ക് മാത്രം കേൾക്കാൻ പാകത്തിൽ അവൻ എന്റെ ചെവിയിൽ വന്നു പറഞ്ഞു…