❣️LIFE PARTNER❣️ 3 [ᶜ͢ᴿ͢ᴬ͢ᶻ͢ᵞ A J R] 261

“അമ്മേ ലക്ഷ്മി??”

“ഇന്നലെയൊരു പതിനൊന്ന് പന്ത്രണ്ട് മണിയായപ്പോ എണിച്ചു. വേദന എടുത്തിട്ടായിരിക്കും ഭയങ്കര കരച്ചിലായിരുന്നു. മോൾടെ കൂടെ തന്നെയാ ഞാനും കിടന്നേ. പിന്നെ ശിവാനിയെ വിളിച്ചു. അവള് വേദന മാറാനായി ഗുളിക കൊടുത്തു. എന്തേലും കഴിചാലല്ലേ ഗുളിക കഴിച്ചിട്ട് കാര്യമുള്ളൂ. ഒരുപാട് നിർബന്ധിച്ചു ഒരുവക കഴിച്ചില്ല. പിന്നെ വെറുതെ ആ ഗുളികേം കഴിച്ച് കിടന്നു. ഇത് വരെ എണിച്ചിട്ടില്ല. പാവം കുട്ടി!”

ഒന്ന് നെടുവീർപ്പിട്ട ശേഷം അമ്മ ഉള്ളിലേക്ക് പോയി. കുറച്ച് നേരം കൂടെയവിടെ ഇരുന്ന ശേഷം ഞാനും. മുറിയിൽ കേറിയവളെ കണ്ടു. നല്ലുറക്കമാ. വിളിച്ചെഴുന്നേല്പിക്കാൻ തോന്നിലാ. പിന്നെ പോയി മുഖവും കഴുകി പല്ലും തേച്ചു, ഹാളിൽ വന്നിരുന്നു.

“മോനെ ദാ ചായ കുടിക്ക്.”

ചായ എന്റെ തന്ന് അമ്മ ചേച്ചീടെ മുറിയിലേക്ക് സ്റ്റെപ് കേറി പോയി. ചായ ഗ്ലാസ് ചുണ്ടോട് അടുപ്പിച്ചു, പക്ഷെ കുടിക്കാനായില്ല. ഇന്നലെ മുതലേ ഒന്നും കഴിക്കാതെ കിടക്കുന്ന ലക്ഷ്മിടെ മുഖം മനസ്സിലേക്ക് വന്നു. കൈയിലിരുന്ന ചായയുമായി ഞാൻ മുറിയിലേക്ക് ചെന്നു.

“ലക്ഷ്മി….ലക്ഷ്മി….”

ചായ ജനലിനോട് ചേർന്ന് കിടക്കുന്ന ചെറിയ ടീപ്പോ മേൽ വച്ച് ഞാനവളെ വിളിച്ചു.

“ലക്ഷ്മി…”

അവൾ പതിയെ കണ്ണുകൾ തുറന്നു.

“ഇന്നലെ മുതലൊന്നും കഴിക്കാത്തതല്ലേ ദേ ഈ ചായ കുടിക്ക്. എന്നിട്ട് കിടന്നോ.”

“ചേട്ടാ….”

“ചേട്ടൻ തന്നെയാ! വാ എണിക്ക്.”

തലയണ നേരെ വച്ച് പതിയെ പിടിച്ച് അവളെ നേരെയിരുത്തി.

“Mm കുടിക്ക്.”

ചായ അവൾക്ക് നേരെ നീട്ടി ഞാൻ പറഞ്ഞു. അത് വാങ്ങി കുറെ നേരം അത്ഭുതത്തോടെ നോക്കിയ അവളെ ഞാൻ ശ്രദ്ധിച്ചു.