❣️LIFE PARTNER❣️ 3 [ᶜ͢ᴿ͢ᴬ͢ᶻ͢ᵞ A J R] 261

“ഇപ്പഴ ഓർക്കണേ, ആ കുട്ടി എണിച്ചോ??”

“എണീച്ചിട്ടുണ്ടാവില്ല. പിന്നെ ആറര മണി കഴിയാണ്ട് ഈ വാതില് തുറക്കത്തില്ലല്ലോ!”

“അഹ്. എന്നാ ഞാൻ പിന്നെ ഇങ്ങോട്ടിറങ്ങാം.”

മാമൻ പോയതും വീണ്ടും പത്രത്തിലോട്ടായി ശ്രദ്ധ. വായിച്ച് വായിച്ച് അവസാന പേജെത്തി. ഉള്ളിലൊരു നീറ്റൽ. ചരമ കോളത്തിൽ ആദ്യം തന്നെ കണ്ടു, ക്യൻസർ ബാധിച്ച് ചികിത്സയിലായിരുന്ന യുവതി മരിച്ചു! ഇന്നാ കോളത്തിൽ ആളറിയാത്ത ഒരു സ്ത്രീയുടെ പടം. രണ്ട് വർഷം മുൻപ് ഇതേ തലകെട്ടോട് കൂടെ വന്നിരുന്നു എന്റെ മാളൂട്ടിടെ ഫോട്ടോ. എന്തിനാ ദൈവമേ ഇത്ര നേരത്തെ അവളെയങ്ങ് കൊണ്ട് പോയേ?? പത്രം മടക്കി വച്ച് വീണ്ടും ഉമ്മറത്തേക്ക് കിടന്നു. ഉറങ്ങാനായില്ല. അല്ലെ തന്നെ ഞാനൊന്ന് സ്വസ്ഥയിട്ട് ഉറങ്ങിട്ട് എത്ര നാളായി?? വല്ലാണ്ട് miss ചെയ്യുന്നു മാളൂട്ടി…………

“കുറച്ച് നാളായിട്ട് ശ്രദ്ധിക്കുന്നു, എന്താ മോനെ ആ പെണ്ണിനെ കാണുമ്പോ നിണക്കിത്രയിളക്കം??”

“അറിയില്ല. അവളാ ഉണ്ടകണ്ണ് കൊണ്ട് നോക്കുമ്പോ പതറി പോവുവാടാ ഞാൻ!”

“പ്രേമോ അതും നിനക്കോ??”

“ഇതിനെ പ്രേമം എന്ന് വിളിക്കാവോ എന്നറിയില്ല. കണ്ട അന്ന് മുതൽ ചങ്ങി കേറിതാ എന്നോട് പോലും അനുവാദം ചോദിക്കാതെ. ഇപ്പൊ കാണാണ്ടിരിക്കാൻ പോലുമാവുന്നില്ല. അവളൊരു ജിന്ന് തന്നെയാ അല്ലെടാ??”

“ജിന്നല്ല കുട്ടിച്ചാത്തൻ ഒന്ന് പോടാ. മായാ മിസ്സിന്റെ ക്ലാസ് കളയാൻ പറ്റത്തില്ല. നീ ഇവിടെ തന്നിരുന്ന് അവളെ വർണ്ണിച്ചോ. ഞാൻ പോവാ.”

അപ്പൊ പോയവൻ പിന്നെ വന്നത് ഒറ്റക്കായിരുന്നില്ല അവളുമായായിരുന്നു.

“എന്റെ പൊന്നളിയാ പറയാനുള്ളത് ഇപ്പൊ പറഞ്ഞ് തീർത്തോണം. ഇനി എന്റടുത്ത് വന്ന് വർണ്ണിക്കരുത്! കേട്ട് കേട്ട് മടുത്തു. ഞാൻ പുറത്ത് നിക്കാം.”