❣️LIFE PARTNER❣️ 3 [ᶜ͢ᴿ͢ᴬ͢ᶻ͢ᵞ A J R] 261

“ശരീരം തണുത്തിട്ട് എന്ത് കാര്യം, മനസ്സ് ചുട്ടുപൊള്ളുകയല്ലേ!”

പിന്നെയവളും ഒന്നും മിണ്ടിലാ. കൈയിലിരുന്ന പുസ്തകത്തിലേക്ക് മുഖം പൂഴ്ത്തി. കുറച്ചു നേരം ഉമ്മറത്തു തന്നിരുന്നു. പത്രം വന്നതോ പാല് വന്നതോ ഒന്നും അറിയാതെ!

“ശിവാ എന്താടാ കണ്ണും തുറന്ന് സ്വപ്നം കാണുവാ??”

ശബ്‌ദം കേട്ട് തലപൊക്കി നോക്കുമ്പോ ഗോവിന്ദൻ മാമൻ.

“അഹ് മാമൻ എപ്പോ വന്നു??”

“ഞാനിപ്പോ വന്നേയുള്ളൂ. ഇന്നലേം ഉമ്മറത്തായിരുന്നൂല്ലേ കിടത്തം??”

“അതല്ലേലും അങ്ങനല്ലേ മാമ, വല്യ വീട്, നല്ല സൗകര്യമുള്ള മുറി. പക്ഷെ വന്ന് വന്ന് ശിവനീ ഉമ്മറത്ത് കിടന്നാലേ ഉറക്കം വരുളൂന്നായി.”

“അല്ല നീ കള്ള് കുടിച്ച് വന്ന അകത്ത് കേറ്റില്ലാന്ന് അവരരേലും പറഞ്ഞോ??”

“അവരങ്ങനെ പറയൂന്ന് മാമന് തോന്നുന്നുണ്ടോ?? ഇതെന്റെ സന്തോഷത്തിനായിട്ടാ മാമ. ഇവിടെ ഇങ്ങനെ കിടക്കുമ്പോ ഞാനെന്റെ അച്ഛന്റെ മണം ശെരിക്കും അറിയുന്നുണ്ട്.”

“നിനക്കാ വിഷം കഴിക്കല് അങ്ങ് നിർത്തി കൂടെ ശിവാ??”

“ആ വിഷം കഴിക്കല് നിർത്തിയ പിന്നെ ശിവൻ ഈ ഭൂമിയില് ഉണ്ടാവില്ല മാമ. ഞാൻ ജീവിച്ചിരിക്കുന്നത് തന്നെ ഈ വിഷം ഉള്ളത് കൊണ്ടാ.”

“മതി മതി. നിന്റെ സംസാരം കുറച്ചോവർ ആവുന്നുണ്ട്.,”

“അല്ല മാമൻ എന്താ ഇത്ര രാവിലെ ഇങ്ങോട്ട്??”

“ഓഹ് ഒന്നുല്ലടാ. പാലും പത്രോം എടുക്കാമേണ്ടി പുറത്തിറങ്ങുമ്പളാ നീ ഇങ്ങനെ ഇരിക്കുന്ന കണ്ടേ അതുകൊണ്ട് ചുമ്മാ ഇങ്ങോട്ട് പോന്നതാ. ഞാൻ ഇത് കൊണ്ട് കൊടുക്കട്ടെ.”

പിന്നെ അടുത്തു കിടന്ന പാല് ഒതുക്കി വച്ച ശേഷം പത്രം തുറന്നു നോക്കി.

“ശിവാ…”

തുറന്നതും മാമന്റെ വിളി. നോക്കുമ്പോ ഓടി പിടച്ചു വരുന്നു.

“എന്താ മാമ??”