✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 206

അത് കണ്ട് വല്ലാതെ ഭയന്നു പോയ അവർ, തങ്ങളിൽ മറ്റു രണ്ടു പേർ തമാശ കാണിക്കുകയാണെന്ന് കരുതി തങ്ങളുടെ കൂട്ടാളികളുടെ പേര് ഉറക്കെ വിളിച്ചെങ്കിലും പ്രതികരണമൊന്നും ഉണ്ടാകാത്തത് കണ്ട് അവരിലൊരുത്തൻ തങ്ങളുടെ ബോസ്സിനെ വിളിച്ചു.

“ബോസ്സ്, നമ്മുടെ കൂട്ടത്തിലുള്ള രണ്ടുപേരെ കാണാനില്ല…”

” ഞാൻ കാണുന്നുണ്ട്. എന്തൊക്കെയാടോ അവിടെ നടക്കുന്നത്… അവരെ ഒന്നുംകൂടെ നോക്കടോ. മറ്റേ പയ്യൻ ചത്തോ.. ”

ദൂരെ.. അവർക്ക് എതിർവശത്തുള്ള മലയുടെ മുകളിൽ നിന്ന്, ഒരു ബൈനോക്കുലറിലൂടെ താഴെ നടക്കുന്ന സംഭവ വികാസങ്ങൾ വീക്ഷിച്ചുകൊണ്ടിരുന്ന അവരുടെ ബോസ്സ് ജെറോം, സാറ്റ് ഫോണിലൂടെ അയാളോട് പരുഷമായി ചോദിച്ചു…

“അത്.. അറിയില്ല. ബോസ്.. അവ…. അയ്യോ ബോസ്സ്, ഈ ജലാശയത്തിലെ വെള്ളം ഇളകിമറിയുന്നു…! വെള്ളം ചുവപ്പ് നിറമാകുന്നത് പോലെ തോന്നുന്നു…!” പെട്ടെന്ന് അപ്പുറത്ത് നിന്നുമുള്ള ഗുണ്ടയുടെ സ്വരം പേടികൊണ്ട് ചിലമ്പിച്ചു.

“അയ്യോ എടാ ഇത്… ഇതെന്തുവാ ഈ സംഭവിക്കുന്നത്… പൊടുന്നനെ ആ ജലാശയത്തിലുണ്ടായ മാറ്റങ്ങൾ കണ്ട് അവർ ഞെട്ടിവിറച്ചു. അവിടെ ജലത്തിനു പെട്ടന്നൊരു നിറമാറ്റം ഉണ്ടായത് പോലെ അവർക്ക് തോന്നി. കൂട്ടത്തിൽ എവിടെനിന്നോ മുഴക്കവും അവർ കേൾക്കാനും തുടങ്ങി.

മാത്രമല്ല കടലിലെ തിരയെന്ന പോലെ ആ കുളത്തിലെ ജലം ഇളകിമറിയുന്ന അത്ഭുതകരമായ കാഴ്ചയും അവർ കണ്ടു. അതങ്ങനെ നോക്കി നിൽക്കെ ഏതോ ശബ്ദം, ജലത്തിനടിയിൽ നിന്ന് മുകളിലേക്ക് അടുത്തടുത്ത് വരുന്നതായി അവർക്ക് അനുഭവപ്പെട്ടു.

ഒരേ സമയം രാക്ഷസീയവും,അതു പോലെ ഒരു മൃഗത്തിന്റെ… കാലന്റെ വാഹനമായ പോത്തിന്റെ മരണദായകമായ സ്വരം പോലെയും ഏതോ ഒന്നായിരുന്നു… നിമിഷങ്ങൾക്കുള്ളിൽ ആ ശബ്ദത്തിന്റെ ശക്തി കൂടിക്കൂടി വന്നതോടൊപ്പം പെട്ടന്ന് ജലത്തിൽ നിന്നെന്തോ അവശിഷ്ടങ്ങൾ ഒരു പ്രകമ്പനത്തോടെ കരയിൽ നിന്നവരുടെ മേലേക്ക് തെറിച്ചു.