✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 206

കാട്ടിലൂടെ മുന്നോട്ടോടവേ വലത് ഭാഗത്തേക്ക് ഒരു വഴി പിരിഞ്ഞു പോകുന്നത് കണ്ട ധനുഷിന്, അത് നേരെ ജലാശയത്തിലേക്കുള്ള വഴിയാണെന്നു മനസ്സിലാക്കി അതിലേക്ക് പോകുവാൻ ശ്രമിച്ചെങ്കിലും

അപ്പോഴേക്കും അവിടെ ഏതാനും ഗുണ്ടകൾ തന്നെ ലക്ഷ്യമാക്കി മെഷീൻ ഗണ്ണുമായി അതുവഴി മുകളിലേക്ക് വരുന്നത് അവൻ നിൽക്കാതെ മുന്നോട്ടോടി. അതേസമയം വലത് ഭാഗത്തിലൂടെ കാട്ടിലേക്ക് കേറിയ ഗുണ്ടകൾ അവന്റെ നേർക്ക് വെടിയുതിർത്തു.

അപകടം മനസ്സിലാക്കിയ ധനുഷ്, അവരുടെ വെടിയുണ്ടകളിൽ നിന്ന് വിദഗ്ദ്ധമായി ഒഴിഞ്ഞു മുന്നോട്ടു വളരെ വേഗത്തിൽ ഓടാൻ ശ്രമിച്ചെങ്കിലും

ഇനി മുന്നോട്ടുള്ള വഴി ചെങ്കുത്തായ കൊക്കയാണെന്നും അത് ചെന്നവസാനിക്കുന്നത് നേരെ പാറയിലേക്കാണെന്നും,

ഗുരുജി പറഞ്ഞ ജലാശയം അതിൽ നിന്നും 3 മീറ്റർ അകലെ മാറിയാണ് സ്ഥിതി ചെയ്യുന്നതെന്നും, താൻ നേരിട്ട് ചാടിയാൽ മരണത്തിലേക്കാണ് അത് തന്നെ കൊണ്ടുപോകുന്നതെന്നും കണക്കുകൂട്ടിയ ധനുഷ് ഓടികൊണ്ട് ഇങ്ങനെ അലറി…

“അല്ലയോ പ്രപഞ്ചസ്ഥിതിയെ നിയന്ത്രിക്കുന്ന, പ്രപഞ്ചശക്തിയുടെ അംശങ്ങളിലൊന്നായ മാക്സിനാൽ, പ്രപഞ്ചനന്മക്കായി എനിക്ക് വരദാനമായി ലഭിച്ച എന്റെ പ്രിയ അഗ്നിമണീ, നിന്റെയീ പ്രഭുവിനെ സംരക്ഷിച്ചാലും…”

ധനുഷ് തന്റെ സർവശക്തിയുമെടുത്ത് താഴെയുള്ള ജലാശയം ലക്ഷ്യമാക്കി കൊക്കയിൽ നിന്ന് ചാടി കുതിച്ചുയർന്നുവെങ്കിലും,

ധനുഷിനെ വെടിവെച്ചു കൊണ്ടിരുന്ന ഗുണ്ടകളിലൊരാളുടെ വെടിയുണ്ട, ലക്ഷ്യസ്ഥാനം കണ്ട് അവന്റെ ചുമലിലൂടെ തുളച്ചു കയറിയിരുന്നു.

അത് മൂലം ധനുഷ്, നില കിട്ടാതെ കൃത്യം ആ ജലാശയത്തിലേക്ക് വീണു.

********************************************

ധനുഷ് വീഴുന്നത് കണ്ട് ആ സംഘതലവൻ ഉടൻ തന്നെ അപ്പുറത്തെ കുന്നിൽ ഉണ്ടായിരുന്ന തന്റെ ആൾക്കാരോട് താഴെ ജലാശയത്തിനടുത്തേക്ക് പോയി നിരീക്ഷിക്കുവാൻ പറഞ്ഞു.