✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 205

“ഒന്നും മനസ്സിലായില്ല അല്ലേ.. ഒരു എക്സാമ്പിൾ പറഞ്ഞു തരാം. സപ്പോസ് നീ, ഇപ്പോൾ നിശ്ചലമായിരിക്കുന്ന ഈ സമയത്ത് നിന്റെ തൊട്ടടുത്ത് ഉറങ്ങി കിടക്കുന്ന ക്രൈം പാർട്ണറിന്റെ മുഖത്ത് ദോ ആ മേശമേലിരിക്കുന്ന മഷി ക്കുപ്പിയിലെ മഷി തളിച്ചാൽ നാളെത്തെ പകൽ എങ്ങനെയുണ്ടാകും….!

“അയ്യോ പ്ലീസ് അതൊന്നും ഓർമ്മിപ്പിക്കല്ലേ.. പണ്ട് ഇതുപോലെ ഇവൻ ഉച്ചയ്ക്ക് ഉറങ്ങുന്ന സമയത്ത്, ഇവന്റെ മുഖത്ത് ഇങ്ങനെ ചെയ്തത് കാരണം അവനെന്നെ കണ്ടം വഴി ഓടിച്ചിട്ടുണ്ട്.”

“ആട്ടെ.. ഇപ്പോൾ എല്ലാം ശുഭമായി തന്നെ ജീവിതം മുന്നോട്ടു പോകുന്നില്ലേ…?? നീ ഹാപ്പിയല്ലേ… നിന്റെ കൂട്ടുകാരി ശാലിനി എന്ത് പറയുന്നു.”

“ങേ.. എന്റെ കൂട്ടുകാരിയുടെ പേര് അങ്ങേയ്ക്കെങ്ങനെ അറിയാം…” സിദ്ധാർഥിന്റെ സ്വരത്തിൽ അത്ഭുതം നിറഞ്ഞു.

“നാം എല്ലാം അറിയുന്നവനാണ് സിദ്ധാർഥ്… ഈ സർവ പ്രപഞ്ചത്തിലും ഓരോ നിമിഷങ്ങളിലും നടക്കുന്ന സംഭവവികാസങ്ങൾ നാമറിയുന്നു…”

‘ഓ എങ്ങനെ അറിയാതിരിക്കും. പ്രകൃതിശക്തിയുടെ ഏജന്റുകളല്ലേ നിങ്ങൾ.’ സിദ്ധാർഥ് അത് കേട്ട് പിറുപിറുത്തു.

“അതെ അങ്ങനെയും പറയാം. ഒരു തരത്തിൽ ഞങ്ങൾ ഏജന്റുകൾ തന്നെയാണ്. ഈ ലോകത്തിൽ തിരഞ്ഞെടുക്കപ്പെട്ട ചില ജന്മങ്ങൾക്ക് ഞങ്ങളൊരു വഴികാട്ടിയും കൂടെയാണ്. ഞാനൊരു കാര്യം കാണിക്കാം.”

അത്രയും പറഞ്ഞിട്ട് മാക്സിന്റെ പ്രകാശരൂപം, പതിയെ ഒരു പെൺകുട്ടിയുടെ രൂപം കൈകൊണ്ടു…!

“ശാ.. ശാലിനി…! അയ്.. അയ്യോ… എന്റെ ഈശ്വരാ.. ഞാൻ എന്തുവാ ഈ കാണുന്നത്. മാക്സ്…!”

തന്റെ മുന്നിലുണ്ടായിരുന്ന മാക്സിന്റെ പ്രകാശരൂപം, പെട്ടന്ന് തന്റെ കൂട്ടുകാരി ശാലിനിയുടെ രൂപം കൈകൊണ്ടത് കണ്ട് സിദ്ധാർഥ് അത്ഭുതവും പരിഭ്രാന്തിയും കൊണ്ട് നിലവിളിച്ചു.