✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 206

ധനുഷാകട്ടെ അത് ഗൗനിക്കാതെ മനസ്സിൽ ധ്യാനിച്ചുകൊണ്ട് അഗ്നിഗായത്രി മന്ത്രം ചൊല്ലി :

“ഓം മഹാജ്വാലായ വിദ്യാഹേ അഗ്നി മധ്യായ ധീമഹി | തന്നോ അഗ്നിഃ പ്രചോദയാത് ||”

അവനതിനു ശേഷം വില്ലിന്റെ ഞാൺ അൽപം കൂടെ ശക്തിയിൽ പുറകിലേക്ക് വലിച്ചതും ഒരു അസ്ത്രം ദിവ്യ പ്രകാശത്തോടെ അതിൽ രൂപപ്പെട്ടു.

അഗ്നിയുടെ ഒരു അസ്ത്രം… അല്ല സാക്ഷാൽ അഗ്നിയാണ് അവിടെ രൂപം കൊണ്ടത്. ആഗ്നേയാസ്ത്രം..!

മഹാ പ്രകാശത്താൽ ജ്വലിക്കുന്ന ആ അസ്ത്രം, ധനുഷിന്റെ വില്ലിൽ രൂപപ്പെട്ടത്തോടെ പൊടുന്നനെ അന്തരീക്ഷത്തിൽ നിന്ന് ചെറു ഉൽക്കകൾ തീമഴ പോലെ അവൻ സഞ്ചരിച്ചിരുന്ന പ്രദേശത്ത് പതിക്കാൻ തുടങ്ങി. അത് കണ്ട് ധനുഷിന്റെ ചുണ്ടിലൊരു പുഞ്ചിരി വിരിഞ്ഞു…!

*********************************************

അടുത്ത ദിവസം രാത്രി…

അർജുന്റെ വീട്…

“അയ്യോ.. ഹാ….” അർജുന്റെ കൂടെ റൂമിൽ സുഖ സുഷുപ്തിയിലായിരുന്ന സിദ്ധാർഥ് പെട്ടനാണ് എന്തോ സ്വപ്‍നത്തിലൂടെ കടന്നുപോകവേ അതിലെ രംഗങ്ങൾ കണ്ട് അസ്വസ്ഥനായി ഭയന്നു നിലവിളിച്ചു കട്ടിലിൽ നിന്ന് എഴുന്നേറ്റത്.

‘ഹൊ.. ദൈവമേ… അത് സ്വപ്നമായിരുന്നോ. എന്താ അത്…!’ കട്ടിലിൽ എഴുനേറ്റിരുന്ന സിദ്ധാർഥിന്റെ മുഖം വിയർപ്പുകൊണ്ട് നിറഞ്ഞു. സ്വതവേ ധൈര്യശാലിയായ അവന്റെ മുഖം ഇപ്പോൾ എന്താണെന്നറിയില്ല വല്ലാത്തൊരു ഭയത്താൽ നിറഞ്ഞിരിക്കുകയാണ്.

തന്റെ ശരീരമാകെ വിറയ്ക്കുന്നത് പോലെ… അതോടൊപ്പം അവന് തന്റെ നെറ്റിതടത്തിൽ വേദനയും തോന്നി.

ആ കണ്ണുകൾ.. ഹൊ ഓർക്കാൻ സാധിക്കുന്നില്ല… തീകനൽ പോലെ ജ്വലിക്കുന്ന ആ ചുവന്ന കണ്ണുകളുടെ ഉടമ…! അത് ധനുഷേട്ടൻ ആയിരുന്നോ…? താൻ കണ്ട ആ സ്വപ്നത്തിലെ രംഗങ്ങൾ സിദ്ധാർഥ് ഓരോനായി ഓർത്തെടുക്കാൻ ശ്രമിച്ചു…