✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 205

‘എന്റെ അമ്മൂട്ടിയുടെ മരണത്തിനുള്ള പ്രതികാരം വീട്ടേണ്ടത് സിദ്ധാർഥൻ തന്നെയാകണം. കാരണം അവന് നേർക്ക് വന്ന മരണമാണ് എന്റെ അമ്മൂട്ടിയെ കൊണ്ടുപോയത്. അവന്റെ കണ്മുന്നിലാണ് അവളന്നു മരിച്ചുവീണത്…!

അതിന് എന്റെയീ അഗ്നിമണി, അഥവാ Promethionic Ælysion Krystal Of Ares’ന്റെ പ്രാണശക്തി, അവന്റെ ആത്മ പ്രഭാവലയവുമായി സംയോഗം പ്രാപിക്കണം…ഇനിയുള്ള എന്റെ ലക്ഷ്യങ്ങളിലൊന്നു അതാണ്… അല്ലേ അഗ്നിമണീ… നിനക്ക് നിന്റെ പുതിയ പ്രഭുവിനെ കാണേണ്ടേ…?”

ധനുഷ് തന്റെ കൈയിലിരുന്ന ആ രത്‌നത്തോടെന്ന പോലെ സ്വയം ചോദിച്ചു…അതിന് മറുപടിയെന്നോണം അതൊന്നു തിളങ്ങിയതും ധനുഷ് മന്ദഹസിച്ചു.

‘ഞാൻ കാരണം ഇപ്പോൾ ഇവിടെ അനേകം നാശനഷ്ടങ്ങളും, ഭൗതികമാറ്റങ്ങളും ഉണ്ടായിട്ടുണ്ട്… അവ പഴയത് പോലെയാക്കുന്നതോടൊപ്പം മാത്രമല്ല ഈ കിടക്കുന്ന ശവങ്ങളെ ശരിയായ രീതിയിൽ ഇവിടെനിന്നും മാറ്റണം…’ ധനുഷ് ആ പ്രദേശമാകെ കണ്ണോടിച്ചു കൊണ്ട് ചിന്തിച്ചു.

“പക്ഷേ അതിന് മുൻപ്…

തന്നെ തട്ടിക്കൊണ്ടുപോയി മാനസികമായും ശാരീരികമായും പീഡിപ്പിച്ച ആൽബിയുടെ ആൾക്കാരെയും അതിന് കൂട്ടുനിന്നവരും എല്ലാവർക്കും ഒരു ഫൈനൽ വാണിങ് കൊടുക്കേണ്ടതുണ്ട്…”

ഇമ്രാനും ഗുരുക്കളും വന്ന കാർ അവിടെനിന്നും അകന്നുപോകുന്നത് നോക്കി നിന്ന ധനുഷ് തന്നോട് തന്നെ എന്തോ ഓർമിപ്പിക്കുന്നത് പോലെ പറഞ്ഞിട്ട് അവിടെ ഒരു മരത്തിനു കീഴിൽ നിന്നിരുന്ന തന്റെ കുതിരയുടെ അടുത്തേക്ക് നടന്നു..

**********************************************

“മയൂരശിഖാ… നമ്മൾക്ക് പോകേണ്ടേ…! എന്നെ നശിപ്പിക്കാൻ ശ്രമിച്ചവരോടുള്ള പ്രതികാരം നമ്മൾക്ക് പൂർത്തികരിക്കേണ്ടേ…? എന്തിനും, ഏതിനും നീ തയ്യാറല്ലേ…” ധനുഷ്, മയൂരശിഖയെന്ന തന്റെ തൂവെള്ള നിറമാർന്ന കുതിരയുടെ കുഞ്ചിരോമങ്ങളിൽ വിരലോടിച്ചുകൊണ്ട് ചോദിച്ചു.

അതിന് മറുപടിയെന്നോണം മയൂരശിഖ, അവനെ നോക്കി, താൻ എന്തിനും ഏതിനും അങ്ങേയുടെ കൂടെ തന്നെയുണ്ടാകുമെന്ന അർഥത്തിൽ പിൻ കാലുകളിൽ ഉയർന്നു പൊങ്ങികൊണ്ട് ഉറക്കെ ചിനച്ചു.