✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 205

“അത് അവന്മാർ കൊണ്ടുപോയിട്ടുണ്ടാകും. അങ്ങനെ ശിവന് അവന്റെ പണം നഷ്ടമായി…” ഗുരുക്കൾ ഒരു നെടുവീർപ്പോടെ പറഞ്ഞു.

“ഏയ്‌… ആ ഒമ്പത് കോടിയല്ലേ…അത് ഞാൻ തന്നെ വീണ്ടെടുത്തുകൊള്ളാം… സാറ് വിഷമിക്കാതെ, ചെന്നു കാറിൽ  കാത്തിരുന്നുകൊള്ളു.. ഗുരുജി കുറച്ച് കഴിയുമ്പോൾ വരും.” ധനുഷ് ഇമ്രാനെ കാറിനടുത്തേക്ക് മടക്കി അയച്ചതോടെ അവിടെ പരമേശ്വരനും ധനുഷും മാത്രമായി.

**********************************************

“കണ്ണാ ചോദിക്കുന്നത് അബദ്ധമാണെന്നറിയാം. പക്ഷേ ഞാനൊന്നു ചോദിച്ചോട്ടെ…

ഇനിയെന്താണ് നിന്നുടെ പദ്ധതി… ഈ എന്റെ കൂടെ നാട്ടിലേക്ക് വരുവല്ലേ… നിന്റെയാ ശത്രുവിനെ നശിപ്പിക്കാൻ എന്നുടെ സഹായമെന്തെങ്കിലും ഉനക്ക് ആവശ്യമാണോ…” ഗുരു സംസാരിച്ചു തുടങ്ങി.

വേണ്ട ഗുരുജി… ഈ കല്ലിന്റെ ശക്തിയെന്തെന്നു ഗുരുജിക്ക് അറിയില്ലേ. കഴിഞ്ഞ മൂന്ന് മാസങ്ങളായി.. മൂന്ന് ഈ മണി എന്നിൽ നിന്ന് വളരെയകലെയായിരുന്നു. അന്ന് മൂന്ന് മാസങ്ങൾക്ക് മുൻപ്…

തിരുനെൽവേലിയിലെ അഗസ്ത്യാർ മനയിൽ വെച്ച് അങ്ങയെ എന്റേയീ അഗ്നിമണി ഭദ്രമായി ഏൽപ്പിച്ചത്, ഈയൊരു നിമിഷം വന്നെത്തുന്നത് വരെ അങ്ങിത് സൂക്ഷിക്കാനായിരുന്നു… ആ കർമം അങ്ങ് വളരെ ഭംഗിയായി നിർവഹിക്കുകയും ചെയ്തു.”

“എന്തിനാണ് കണ്ണാ കാർത്തികേയാ നീ അങ്ങനെയെല്ലാം ചെയ്തത്… ഈ മണി നിന്റെ കൈക്കൽ തന്നെയുണ്ടായിരുനെങ്കിൽ നിന്റെ ശത്രുക്കളെ നിനക്ക് നിഷ്പ്രയാസം നശിപ്പിക്കാൻ സാധിക്കുമായിരുന്നല്ലോ…

നേരെത്തെ നീ ചോദിച്ചത് പോലെ ഞാനോ ആ പാവപ്പെട്ട യുവാവോ ഇങ്ങനെ അപകടത്തിൽ പെടില്ലായിരുന്നല്ലോ…”പരമേശ്വരൻ കാർത്തികേയനെ ഗുണദോഷിച്ചു.

“ഇല്ല ഗുരുജി… അങ്ങനെ ചെയ്തിരുന്നുവെങ്കിൽ എന്റെ എല്ലാ പദ്ധതികളും തെറ്റുമായിരുന്നു. യഥാർഥത്തിൽ എന്റെ ശത്രുക്കളെ നശിപ്പിക്കേണ്ടത് ഞാനല്ല ഗുരുജി…”

“പിന്നെ നീയല്ലാതെ ആരാണ് അഗ്നികുമാരാ അത് നിർവഹിക്കേണ്ടത്… ആ എം എൽ എയുടെ സഹോദരനല്ലേ നിന്റെ ശത്രു…

അവനൊരുത്തനെ നശിപ്പിക്കാൻ നിന്റെ യഥാർത്ഥ ശക്തിയുടെ നൂറിലൊരു അംശം പോലും വേണ്ടല്ലോ… പിന്നെയെന്ത് കൊണ്ടാണ് നീയത് നിർവഹിക്കാത്തത്…” പരമേശ്വരൻ ധനുഷിനെ ശാസനാ ഭാവത്തിൽ നോക്കി.