✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 205

തങ്ങളുടെ നേർക്ക് ശത്രുക്കൾ കുതിച്ചുവരുന്നത് കണ്ട് ധനുഷ്, ഗുരുക്കളുടെയും ഇമ്രാന്റെയും രക്ഷയ്ക്കായി അവരുടെ മുന്നിൽ നെഞ്ചും വിരിച്ചു നിന്നു.

“Hey…Kill That Bloody Hostage And His Accomplice… കൊല്ലടാ അവരെ…” അവരുടെയടുത്തേക്ക് ഓടിവന്നുകൊണ്ടിരുന്ന ആയുധധാരികളുടെ പിന്നിൽ തലവനെന്നു തോന്നിക്കുന്ന ഒരുത്തൻ ഇംഗ്ലീഷിൽ അലറി.

അപ്പോഴേക്കും അവന്റെയടുത്തെത്തിയ ആൾക്കാർ അവനെ ലക്ഷ്യമിട്ട് ആക്രമിച്ചു.

ഗുരുക്കളും ഇമ്രാനും നോക്കി നിൽക്കെ ധനുഷ് അവരെയെല്ലാം തന്റെ സർവ ബലവും സംഭരിച്ചുകൊണ്ട് അവർക്കെതിരെ ഏറ്റുമുട്ടി.

ഏറ്റുമുട്ടലെന്നു പറഞ്ഞാൽ ധനുഷ് അവന്റെ ചുറ്റുമുള്ളവരെയല്ലാം അടിച്ചും തൊഴിച്ചും വളരെ ദൂരേക്ക് തെറിപ്പിക്കുക മാത്രമാണ് ചെയ്തത്. അപ്പോഴേക്കും അവൻ വല്ലാതെ തളർന്ന് പോയിരുന്നു.

എന്നാൽ അതേസമയം അവിടെ ധനുഷ് വിചാരിക്കാത്ത ഒരു കാര്യമാണ് നടന്നത്.. അവന്റെ മുന്നിൽ നിൽക്കുകയായിരുന്ന ജെറോമിന്റെ, സാറ്റ്ഫോണിലൂടെയുള്ള നിർദ്ദേശപ്രകാരം പിന്നെയുമുണ്ടായിരുന്ന മറ്റൊരു ഗ്രൂപ്പ് ഗുണ്ടകൾ രണ്ട് ഗ്രൂപ്പായി തിരിഞ്ഞ് ഇമ്രാനെയും ഗുരുക്കളെയും പിന്നിലൂടെ വന്നു ആക്രമിച്ചു.

ആ ആക്രമണത്തിൽ ഒരു നിമിഷം പതറിയെങ്കിലും ഇമ്രാൻ തന്റെ അരയിൽ സൂക്ഷിച്ചിരുന്ന തോക്കുപയോഗിച്ച് ആക്രമണം തടഞ്ഞെങ്കിൽ പരമേശ്വരഗുരുക്കൾ തന്റെ കൈയിലുണ്ടായിരുന്ന വടിയുടെ അടിഭാഗത്ത് ഒരു പ്രതേക ഭാഗത്ത് പിടിച്ചു വലിച്ചപ്പോൾ ഊരിവന്ന, നീളമുള്ള ഒരു വാളുപയോഗിച്ച് അവരെ ഏതിരിട്ടു.

തന്റെ കൂടെയുണ്ടായിരുന്നവരെ ഏതാനും ഗുണ്ടകൾ പിന്നിൽ നിന്ന് ആക്രമിക്കുന്നത് കണ്ട് കലിയിളകിയ ധനുഷ്, അവരെ എതിരിടാൻ തയ്യാറായി നിൽക്കുന്നത് കണ്ട് പരമേശ്വരഗുരുക്കൾ അവനെ പറഞ്ഞു വിലക്കി.

“കാർത്തികേയാ വേണ്ടാ.. നിനക്ക് ഇവരെ എതിരിടാൻ സാധിക്കില്ല… ഇപ്പോൾ നീ നിന്റെ അഗ്നിമണിയുടെ ശക്തിയുപയോഗിച്ച് സ്വയം ശുദ്ധീകരിക്കണം… മനസ്സും ശരീരവും ശുദ്ധമായാൽ മാത്രമേ ആ കല്ല്, നിന്റെയുള്ളിലെ യഥാർത്ഥ ശക്തി പുറത്ത് കൊണ്ടുവരികയുള്ളു…”