✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 205

ജെറോമും അയാളുടെ ആൾക്കാരുംകൂടെ ദൂരെ കുളത്തിന്റെ നടുക്ക്, ചുണ്ടിൽ ചെറിയൊരു മന്ദഹാസത്തോടെ നിൽക്കുന്ന ധനുഷിന്റെ നേർക്ക് വെടിവെയ്ക്കാൻ ശ്രമിക്കുന്ന കാഴ്ചയാണ്. അതവനിൽ അത്ഭുതവും ഭയവുമുണ്ടാക്കി.

ധനുഷിന്റെ നേർക്ക് തുരുതുരാ വെടിവെച്ച് മടുത്ത ജെറോമും കൂട്ടരും അവന്റെ നേർക്ക് ക്രോധവും പകയും കലർന്ന ഭാവത്തിൽ നോക്കി…”ഇവൻ ഏത് രാക്ഷസന്റെ കുഞ്ഞാണോ എന്തോ.. ഛേ…” അയാൾ ധനുഷിനെ ഒന്നും ചെയ്യാൻ സാധിക്കാത്തതിലുള്ള നിരാശയും ദേഷ്യവും കൊണ്ട് അലറി.

“ഇനി എന്റെ ഊഴം…” ധനുഷ്  അവരെ നോക്കിയൊന്നു പുഞ്ചിരിച്ച ശേഷം ഉയർത്തി പിടിച്ചിരുന്ന തന്റെ വലത് കൈകൊണ്ട് ഒരു സ്നാപ്പടിച്ചതും,

അതുവരെ അവന്റെ നേർക്ക് വായുവിലിങ്ങനെ ഉയർന്നു നിൽക്കുകയായിരുന്ന ബുള്ളറ്റുകൾ നിമിഷങ്ങൾക്കുള്ളിൽ ഓരോന്നായി പൊടിഞ്ഞു ഭസ്മമായി അവിടെത്തെ കാറ്റിൽ അലിഞ്ഞു ചേർന്നു…

അതിന് ശേഷം ധനുഷ് നടത്തിയ നീക്കത്തിന്റെ ഫലം അതിഭയാനകമായിരുന്നു. ധനുഷ്, നിന്ന നിൽപ്പിൽ വായുവിൽ ചാടിയുയർന്നു കറങ്ങിതിരിഞ്ഞു നിശ്ചലമായ ജലാശയത്തിന്റെ അടിത്തട്ടിലേക്ക് തന്റെ ശക്തി, വലത് കാലിൽ കേന്ദ്രികരിച്ചു കൊണ്ട് ചവിട്ടി.

തൽഫലമായി ആ ജലാശയത്തിന്റെ അടിത്തട്ട് ഭൂമികുലുക്കത്തിലെന്ന പരസ്പരം ഇരുദിശകളിലേക്കും തെന്നിമാറിയിട്ട് അവിടെ സാമാന്യം നല്ലൊരു പിളർപ്പുണ്ടായതോടെ ആ ഭാഗത്തെ ഭൂമി ഇടിഞ്ഞു താഴ്ന്നു.

അതങ്ങനെ മുന്നോട്ടുള്ള വഴിയെല്ലാം പിളർത്തി അവിടെയുണ്ടായിരുന്ന സകലതിനെയും തകർത്തുകൊണ്ട് നീങ്ങി നീങ്ങി ജെറോമും അയാളുടെ ആൾക്കാരും നിൽക്കുന്ന മലയുടെ അടിഭാഗത്തെ ബാധിച്ചു…

എന്ത് പറയാൻ… നിമിഷങ്ങൾക്കകം ആ മലയുടെ അറ്റത്ത് പുറത്തേക്ക് തള്ളി നിന്നിരുന്ന ആ പാറക്കെട്ട് വലിയൊരു ശബ്ദത്തോടെ അടർന്നു വീണതും അതിൽ നിന്നിരുന്ന ജെറോമിന്റെ ആൾക്കാർ രക്ഷപ്പെടാനാകാതെ അവിടെ നിന്നും താഴെയുള്ള പാറക്കെട്ടിലേക്ക് നിലംപതിച്ചു അവരുടെ മരണത്തെ പുൽകി.