✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 206

അടുത്ത നിമിഷം ആ രൂപം നിന്നിരുന്ന സ്ഥാനത്തവർ കണ്ടത് മറ്റൊരു ഭാവത്തിൽ രൂപത്തിൽ, ധനുഷ് ആ ജലാശയത്തിനു മുകളിൽ ഉറപ്പുള്ള പ്രതലത്തിലെന്ന പോലെ തങ്ങളെയും നോക്കി നിൽക്കുന്ന രംഗമാണ്. അതവരിൽ അൽപ്പം ഭയമുണ്ടാക്കി. സത്യത്തിൽ അവന്റെയാ അത്ഭുത പ്രവർത്തിയായിരുന്നില്ല അവരിൽ ഭയം ജനിപ്പിച്ചത്…

പകരം അവന്റെ രൂപവും ഭാവവുമായിരുന്നു. സാക്ഷാൽ ദേവസേനാധിപതിയെ പോലെ, രക്തകാന്തിയോടുകൂടി തിളങ്ങുന്ന ശരീരത്തിൽ, കവചകുണ്ഡലങ്ങളും പിന്നിൽ ആയുധങ്ങളോടെയും, ഒരു പോരാളിയുടെ വേഷത്തിൽ നിൽക്കുന്നതായിരുന്നു.

നീണ്ടുവളർന്ന മുടിയോടുകൂടിയ അവന്റെ ശിരസ്സിലൊരു ചെറു സ്വർണകിരീടം…അതിന്റെ മുൻവശത്ത് വേലിന്റെ ആകൃതിയിൽ ഒരു രത്നമുണ്ടായിരുന്നു. നെറ്റിയിൽ ഭസ്മത്തിന്റെ മൂന്ന് വരകളും, നടുക്ക് കുങ്കുമത്തിന്റെ പൊട്ടുമുണ്ടായിരുന്നു.

അവന്റെ കവചത്തിന്റെ നടുക്ക്, ഒരു ചുവന്ന രത്നത്താൽ നിർമിക്കപ്പെട്ട മഹിഷശിരസ്സ് രൂപത്തിലുള്ള ഒരു ചിഹ്നം ആലേഖനം ചെയ്യപ്പെട്ടിട്ടുണ്ടായിരുന്നു. അതിൽ നിന്ന് ഇളം മഞ്ഞ നിറത്തിലുള്ള വൈദ്യുതതരംഗങ്ങൾ അവന്റെ ദേഹമാകെ ഒഴുകി നടക്കുന്ന കാഴ്ചയും അവർ കണ്ടിരുന്നു.

തീക്ഷണമായ മിഴികളോടെ, തങ്ങളെ നോക്കി നിൽക്കുന്ന അവനെ കണ്ടതും ജെറോമും അയാളുടെ കൂടെയുണ്ടായിരുന്നവരും തങ്ങളുടെ പക്കലുണ്ടായിരുന്ന Fire Arms കൾ ഉപയോഗിച്ച് അവന് നേർക്ക് വീണ്ടുമൊരിക്കൽ കൂടി വെടിയുതിർത്തു.

എന്നാൽ…തന്റെ നേർക്ക് അവർ വെടിയുതിർക്കുന്നത് കണ്ടതും ധനുഷ് തന്റെ വലത് കൈയുയർത്തി നിർത്തുക എന്ന ആംഗ്യം കാണിച്ചതും,

ആരോ പിടിച്ചു നിർത്തിയത് പോലെ അവന്റെ അടുത്തേക്ക് പാഞ്ഞുവന്നു കൊണ്ടിരുന്ന ബുള്ളറ്റുകൾ അവന്റെയടുത്തേത്തുന്നതിന് മുൻപേ ഒരു നിശ്ചിത അകലത്തിൽ വായുവിൽ അവന് ചുറ്റും നിശ്ചലമായി തങ്ങി നിന്നു…

“എടാ ഇതെന്താ സംഭവിക്കുന്നത്…???” ജെറോം തന്റെ തോക്ക് ഉപയോഗിച്ച് അവനെ എതിരിടാൻ ശ്രമിച്ചെങ്കിലും തങ്ങളുടെ വെടിയുണ്ടകൾ അവന്റെയടുത്ത് എത്തുന്നില്ല എന്ന് കണ്ടതോടെ തന്റെ ആൾക്കാരോടായി അയാൾ ചോദിച്ചെങ്കിലും അതിനുള്ള ഉത്തരം അവരുടെ പക്കലുണ്ടായിരുന്നില്ല…