✨️❤️ശാലിനിസിദ്ധാർത്ഥം17❤️✨️ (ഭാഗം II) [???????  ????????] 205

എന്നാൽ ഇത്രയധികം സംഭവങ്ങൾ നടന്നിട്ടും ആ ആ ചുവപ്പ് വലയഗോളത്തിലായിരുന്ന ധനുഷ് ഇതൊന്നുമറിയാതെ തന്റെ ധ്യാനം തുടർന്നുകൊണ്ടിരുന്നു.

തങ്ങൾക്ക് തടസ്സമായി നിന്ന ആ രാക്ഷസരൂപികളെ നശിപ്പിച്ച ജെറോമും സംഘവും അടുത്തതായി ധനുഷിനെ ലക്ഷ്യം വെച്ചുവെങ്കിലും അവർക്കതിനു സാധിക്കുന്നതിന് മുന്നെ വീണ്ടുമൊരു അത്ഭുതവും കൂടിയവിടെ സംഭവിച്ചു.

നേരെത്തെയവിടെ കിടന്ന കനൽതരികൾ പതിയെ ഉയർന്നു വന്നിട്ട് ധനുഷിന്റെ ഗോളത്തിനു ചുറ്റും പതിയെ ഒരു ആകൃതിയിൽ കറങ്ങാനാരംഭിക്കുകയും ആ ശിലകളുടെ വേഗത നിമിഷങ്ങൾക്കകം കൂടിക്കൂടിവന്ന് അതൊരു ചുഴലികൊടുംകാറ്റായി രൂപം പ്രാപിക്കുകയും ചെയ്തു.

അതോടെ നേരെത്തെ അവർക്കെല്ലാം ദൃശ്യമായിരുന്ന ധനുഷ് അതിനുള്ളിൽ അകപ്പെട്ട് അവർക്കൊന്നും കാണാൻ പറ്റാത്ത സ്ഥിതിയിലായി.അതോടെ അവരുടെ കിളി വീണ്ടും പാറി…

അവിടെയെന്താണ് സംഭവിക്കുന്നതെന്നോ, ഇനിയെന്താണ് സംഭവിക്കുകയെന്നോ അവർക്ക് മനസ്സിലായിലെങ്കിലും തങ്ങളുടെ മുന്നിൽ രൂപം കൊള്ളുന്നത് ഏതോ അപകടമാണെന്ന ഭാവം അവരുടെ മുഖത്തുണ്ടായിരുന്നു..

 ********************************************

കുറച്ചു സമയത്തിന് മുൻപ്…

താഴെ നടക്കുന്ന സംഭവങ്ങൾ അത്ഭുതവും ഭയവും നിറഞ്ഞ ഭാവത്തോടെ കണ്ടുകൊണ്ടിരുന്ന ഗുണ്ടാതലവനും ആൾക്കാർക്കും പിന്നിൽ ദൂരെയായി, നേരെത്തെ ഗുണ്ടകളെ നേരിട്ട് ഏതിരിട്ടു കൊണ്ടിരിക്കുകയിരുന്ന പരമേശ്വരഗുരുക്കളും, ഇമ്രാനും ഇപ്പോൾ മരങ്ങൾക്ക് പിന്നിലായിരുന്നു.

കാരണം ധനുഷ് തന്റെ ജീവനും കൊണ്ട് കൊക്കയുടെ നേർക്ക് പായുമ്പോഴേക്കും പരമേശ്വരഗുരുക്കളും, ഇമ്രാനും കൂടെ തങ്ങളെ പിന്നിൽ നിന്ന് ആക്രമിച്ചവരെയും ധനുഷ് തല്ലി താഴെയിട്ടിട്ട് പോയവരെയും നിഷ്പ്രയാസം കീഴടക്കിയെങ്കിലും പിന്നീടുള്ള കാര്യങ്ങൾ ഒട്ടും തന്നെ ശുഭമായിരുന്നില്ല.

അവരിരുവരുടെയും പ്രത്യാക്രമണം കണ്ട് ദൂരെ നിൽക്കുകയായിരുന്ന ഗുണ്ടാതലവൻ ചൊടിച്ച് തന്റെ റിസർവ് സംഘത്തിലുണ്ടായിരുന്നവരിൽ രണ്ടു പേരെ വിളിച്ച് ഷാർപ്പ് ഷൂട്ടിംഗ് ഗണ്ണുകളുമായി അവർക്ക് നേരെ ചെല്ലാൻ പറഞ്ഞു.