✨️❤️ശാലിനിസിദ്ധാർത്ഥം17❤️✨️ (ഭാഗം I) [???????  ????????] 312

ഇല്ല… കുഴപ്പമൊന്നും ഉണ്ടാകില്ല ഇമ്രാൻ. ഞാൻ വാക്ക് തരുന്നു. നിങ്ങൾക്ക് ഇദ്ദേഹത്തെ പൂർണമായും വിശ്വസിക്കാം.” ശിവരാജൻ, എന്തോ ചിന്തയിലാണ്ടിരിക്കുകയായിരുന്ന പരമേശ്വരഗുരുക്കളെ ഒരു നിമിഷം നോക്കിയിരുന്നിട്ട് ഇമ്രാനോട് പറഞ്ഞു.

“എനിക്ക് ഇദ്ദേഹത്തെ അത്ര വിശ്വാസം പോരാ സർ…”

“വിശ്വാസം പോരെങ്കിൽ താൻ എന്തിനാണ് കുട്ടി ഈ ദൗത്യത്തിനു തയാറായത്… എനിക്കാ രത്നം അവന്റെ പക്കൽ എങ്ങനെയെങ്കിലും കൊടുത്താൽ മാത്രം മതി. അതിന് എനിക്ക് മറ്റാരുടെയും സഹായം ആവശ്യമില്ല. വേണമെങ്കിൽ പണവുമായി ഞാൻ തന്നെ പോകാം…”

“ശെരി…ഞാൻ അങ്ങേയുടെ കൂടെ വരാം പക്ഷേ ഇനി അധികസമയം നമ്മൾക്കില്ലല്ലോ… ഏറിയാൽ മുക്കാൽ മണിക്കൂർ. അതിനുള്ളിൽ നമ്മൾ അവിടെയെത്തണം.  എന്റെ കൂടെ വരൂ..”

പരമേശ്വരഗുരുക്കൾ തന്റെ വാക്കുകൾ തറപ്പിച്ചു പറഞ്ഞതോടെ അവരാരും തന്നെ ഒന്നും മിണ്ടിയില്ല. ആ വൃദ്ധന്റെ ലക്ഷ്യം തന്നെ നടക്കട്ടെയെന്നവർ തീരുമാനിച്ചു.

ഇമ്രാൻ, തനിക്കാവശ്യമുള്ള equipments എല്ലാം സജ്ജീകരിച്ചിട്ട് ശിവരാജനിൽ നിന്ന് പണമടങ്ങിയ കേസ് വാങ്ങിയതിനു ശേഷം ഗുരുക്കളെയും കൂട്ടി പുറത്തേക്ക് നടന്നു…

ഭഗവാനേ.. മഹാദേവാ, എന്റെ കുഞ്ഞിനൊന്നും സംഭവിക്കല്ലേ… പരമുവദ്ദേഹത്തിനു അദ്ദേഹത്തിന്റെ ഉദ്ദേശം സാധ്യമാക്കാൻ സഹായിക്കണേ…” പരമേശ്വരൻ, മുഹമ്മദ്‌ ഇമ്രാനോടൊപ്പം ദൗത്യത്തിനു തയ്യാറായി പോകുന്നത് കണ്ട് ശിവരാജൻ മനമുരുകി പ്രാർത്ഥിച്ചു.

**********************************************

ആൽബിയുടെ രഹസ്യതാവളം…

സമയം ആറര മണി കഴിഞ്ഞിരിക്കുന്നു… ഇപ്പോൾ അവിടെ പുറത്ത് ആൽബി വന്ന കാറിനു പുറമേ ഏതാനും മൂന്നുനാല് കറുത്ത വാനുകളും പിന്നെയൊരു ടാറ്റ നെക്സോൺ കാറുമുണ്ടായിരുന്നു.

ആ ഓരോ കറുത്ത വാനുകളുടെയും അടുത്തായി,10-12 പേർ വീതമടങ്ങുന്ന ഓരോ സംഘങ്ങൾ. അതോടൊപ്പം അവിടെ നിന്നും കുറച്ച് മാറി മൂന്ന് പേർ നിൽപ്പുണ്ടായിരുന്നു.