✨️❤️ശാലിനിസിദ്ധാർത്ഥം17❤️✨️ (ഭാഗം I) [???????  ????????] 312

” മാഡം, ഞാനത് ചോദിക്കാൻ മറന്നു. കിഡ്നാപ്പേഴ്സിന്റെ ഭാഗത്ത് നിന്നും എന്തെങ്കിലും മെസ്സേജസ് വന്നിരുന്നോ…???”

“ഓ യെസ്… ഇന്ന് നാല് മണിയോടെയാണ് അവരുടേതെതെന്നു കരുതപ്പെടുന്ന സന്ദേശം, ഒരു അൺനോൺ നമ്പറിൽ നിന്ന് നമ്മുടെ സൈബർ സെല്ലിന് ലഭിച്ചത്.

ഇന്ന് രാത്രി ഏഴുമണിയോടെ, അവർ പറയുന്ന ലൊക്കേഷനിൽ,

പത്ത് കോടിയിൽ കുറയാതെയുള്ള, അവർ പറയുന്ന ഒരു സ്പെസിഫിക് തുകയുമായി എത്തിയാൽ ധനുഷിനെ വിട്ടു നൽകാം. എന്നാണ് അവരിൽ നിന്നുള്ള ഇൻഫർമേഷൻ നമ്മൾക്ക് കിട്ടിയിരിക്കുന്നത്.

അതനുസരിച്ചാണ് ശിവരാജൻ സാറിനോട് പണം കൊണ്ടുവരാനും തന്നെ വിവരമറിയിക്കുകയും ചെയ്തത്.”

“ഓക്കേ… ബട്ട്‌ കാര്യങ്ങളുടെ പോക്ക് കണ്ടിട്ട് ഇത് ലോക്കൽ സെറ്റപ്പ് ആണെന്ന് തോന്നുന്നില്ല മാഡം. ഇതേതോ ഇന്റർനാഷണൽ ലെവൽ കിഡ്നാപ്പേഴ്സ് ആണെന്ന് തോന്നുന്നു. മറ്റാരുടെയോ നിർദ്ദേശപ്രകാരം…”

“അങ്ങനെയാണെങ്കിൽ അത് ആരായിരിക്കും… രാജൻ സർ പറഞ്ഞത് പോലെ, അദ്ദേഹത്തോട് രാഷ്ട്രീയമായോ

വ്യവസായിക രംഗത്തോയുള്ള ഏതെങ്കിലും എതിരാളികൾ…???”

“അറിയില്ല മാഡം.. ഇനി ചിലപ്പോൾ ധനുഷിനോട് ഉള്ള വിരോധം മൂലം ആരെങ്കിലും കരുതികൂട്ടി ചെയ്തതാവാനും സാധ്യതയില്ലേ.” ഇമ്രാൻ തനിക്ക് തോന്നിയ ഐഡിയ അവരോട് പങ്കുവെച്ചു.

“വാട്ട്‌.. ഹൌ ഈസ്‌ ഇറ്റ് പോസ്സിബിൾ… അതെങ്ങനെ…???”

“ഒന്ന് ചിന്തിച്ചുനോക്കൂ മാഡം.. ധനുഷ് തൃശൂർ സൈനിക് കോളേജിൽ അല്ലേ പഠിക്കുന്നത്.. പണ്ട് അവിടെയുണ്ടായിരുന്ന കോളേജ് റൗഡികളെയെല്ലാം പുറത്താക്കിയത് അവന്റെ നേതൃത്വത്തിൽ ആയിരുന്നില്ലേ…

അങ്ങനെയുള്ള ആ കോളേജ് ഹീറോയെ നശിപ്പിക്കാൻ വേണ്ടി അവന്റെ ശത്രുക്കൾ തന്നെയൊരുക്കിയ ഒരു കെണിയായിക്കൂടെ ഇത്… മാഡം പറഞ്ഞതുപോലെ ധനുഷിന്റെ പഴയ ഹിസ്റ്ററിയൊക്കെ ഞാൻ രഹസ്യമായി അന്വേഷിച്ചിരുന്നു… ”