✨️❤️ശാലിനിസിദ്ധാർത്ഥം17❤️✨️ (ഭാഗം I) [???????  ????????] 312

“ശെരി എങ്കിൽ അങ്ങനെയാകട്ടെ.. താൻ അവരോട് സാവധാനം കാര്യങ്ങൾ അവതരിപ്പിച്ചു നോക്ക്. എന്നിട്ട് അവർ പറയുന്ന മറുപടിയനുസരിച്ച് നമ്മൾക്ക് നോക്കാം കേട്ടോ.”സിദ്ധാർഥ് ശാലിനിയുടെ വാക്കുകൾ കേട്ട് തലയാട്ടി.

“എന്താണ് ചങ്കത്തിയും ചങ്കും തമ്മിലൊരു ഗൂഡാലോചന… ഞങ്ങളും കൂടെയൊന്നു കേൾക്കട്ടെ…” ശാലിനിയുടെ അടുത്തിരുന്ന ആവണിയും കാർത്തികയും സിദ്ധാർഥിനെ നോക്കി ചിരിച്ചുകൊണ്ട് ചോദിച്ചു.

” എടീ അത് പിന്നെ നമ്മക്കീ കോർ മാറിയിട്ട് സിദ്ധാർഥിന്റെ ക്ലാസ്സിൽ ജോയിൻ ചെയ്താലോ… എന്താ നിങ്ങളുടെ അഭിപ്രായം.” ശാലിനി തന്റെ കൂട്ടുകാരോടായി പതിയെ ചോദിച്ചു.

“കോർ മാറാനോ ? എന്തിന്…?” കാർത്തിക തന്റെകൂടെയുണ്ടായിരുന്ന ആവണിയെ കണ്ണുമിഴിച്ച് നോക്കി. അവളുടെം അവസ്ഥ അത് തന്നെയായിരുന്നു.

“എനിക്ക് ഈ വിഷയം പഠിക്കാൻ തോന്നുന്നില്ല…! ഞാൻ സിദ്ധാർഥിന്റെ കോർ കോഴ്സ് എടുക്കാൻ തീരുമാനിച്ചെടി. നല്ല രസമല്ലേ കമ്പ്യൂട്ടറും കോഡിങ്ങും ബയോകെമിസ്ട്രിയുമൊക്കെ പഠിക്കാൻ…”

“നിനക്കെന്താ പ്രാന്താണോ ദേവൂ, ബയോഇൻഫർമേറ്റിക്സ് എടുക്കാൻ ? അത് നീയുദ്ദേശിക്കുന്നത് പോലെയുള്ള ഒരു വിഷയമല്ല. നല്ല ടഫ് സബ്ജെക്റ്റാണ് അത്…

ഞാനില്ല അതൊന്നും എടുക്കാൻ. ഇനി അഥവാ എനിക്കൊരു കോഴ്സ് ഷിഫ്റ്റിനു അവസരമുണ്ടായാൽ പോലും ഞാനത് സെലക്ട്‌ ചെയ്യില്ല.” കാർത്തിക ശാലിനിയുടെ മുഖത്ത് നോക്കി തറപ്പിച്ചു പറഞ്ഞതോടെ ശാലിനി നിരാശയോടെ സിദ്ധാർഥിനെ നോക്കി.

“എടീ കാർത്തുവേ… അതേ ഇവളേ, വിഷയം മടുത്തിട്ട് ഒന്നുമല്ല കോഴ്സ് മാറുന്നതെന്നാ തോന്നുന്നത്. അതിന്റെ കാരണം വേറൊന്നാണ്…” പെട്ടന്ന് ആവണി അവളോട് ചാടികേറി പറഞ്ഞതും ശാലിനിയും സിദ്ധുവും ഞെട്ടലോടെ പരസ്പരം നോക്കി.

ശാലിനിയും സിദ്ധുവും പരസ്പരം മിഴികളാലും ഭാവങ്ങളാലും നടത്തുന്ന മൗനഭാഷണം ആവണി കാണുന്നുണ്ട് എന്ന കാര്യം പാടെ വിസ്മരിച്ചിരിക്കുകയായിരുന്നു അവർ.

കാർത്തിക :”അതെന്താ….”