✨️❤️ശാലിനിസിദ്ധാർത്ഥം17❤️✨️ (ഭാഗം I) [???????  ????????] 312

“പക്ഷേ അത് ഇപ്പോഴല്ല… അതിന് കാലങ്ങളെടുക്കും. അന്ന് അവൾ നിന്നോടെന്താ പറഞ്ഞത്… സമയമാകുമ്പോൾ നിന്നെ തേടി വരുമെന്നന് അല്ലേടാ…”

” ഛേ നിർത്തടാ… എനിക്കത് കേൾക്കണ്ടടാ… മതി നിർത്ത്. ഞാനത് കേട്ട് മടുത്തു. ഇല്ല അവളിനി തിരികെ വരില്ല… എന്നെയവൾ മറന്നിട്ടുണ്ടാകും ഉറപ്പാ. അല്ലായിരുന്നെങ്കിൽ അവളെന്നെ എപ്പോഴേ കോണ്ടാക്ട് ചെയ്യാൻ ശ്രമിച്ചേനെ…”

അർജുന്റെ ആശ്വാസവാക്കുകൾ കേട്ട സിദ്ധാർഥ്, അവനെ പിന്നോട്ട് തള്ളികൊണ്ട് അലറി.

“എടാ ഞാൻ പറയുന്നത് സത്യമാടാ… അ.. അവൾ നിന്നെ തേടിവരുക തന്നെ ചെയ്യും.

അർജുൻ തന്റെയുള്ളിലെ വേദന കടിച്ചമർത്തികൊണ്ട് പറഞ്ഞു.

” ഇല്ല അജൂ.. ഇല്ല. നിനക്കറിയുമോ, ശാലിനിയോട് എനിക്കുള്ള ഫ്രണ്ട്ഷിപ് പ്രേമമാണെന്നോ അതുമല്ലെങ്കിൽ എപ്പോഴെങ്കിലും പ്രേമമായി മാറുമെന്നോ ചിന്തിക്കുന്നവരാണ്, നീയുൾപ്പടെ എന്റെയും അവളുടെയും കൂട്ടുകാർ.

പക്ഷേ എനിക്കവളോട് പ്രേമം ഒരിക്കലും ഉണ്ടാകില്ല. കാരണമെന്തെന്നറിയുമോ നിനക്ക്… അതിന് കാരണം നമ്മുടെ അമ്മു തന്നെയാണ്. അവൾ ഈ ലോകത്തിൽ, ജീവശ്വാസവുമായി എന്റെ കൂടെയുള്ള കാലത്തോളം അവൾ മാത്രമായിരിക്കും എന്റെ ഇണ.

അവളില്ലാത്ത ഈ ലോകം.. ഈ ജീവൻ.. ഈ ജീവിതം… ഇതൊന്നും എന്റേതായിരിക്കില്ല. ഇനി അവൾ ജീവനോടെയില്ല എന്ന് ഞാനറിഞ്ഞാൽ… അവളുടെ പിന്നാലെ ഞാനും പോകും.”

സിദ്ധാർഥ് അത്രയും പറഞ്ഞിട്ട് അർജുന് തിരികെയെന്തെങ്കിലും പറയാൻ സാധിക്കുന്നതിനു മുൻപേ അകത്തേക്ക് പോയി.

സിദ്ധാർഥ് അകത്തേക്ക് പോയതും അർജുൻ തളർന്ന മനസ്സോടെ ബാൽക്കണിയുടെ കൈവരിയിൽ പിടിച്ച് തറയിലേക്ക് വീണു. കാരണം സിദ്ധാർഥ് അവസാനം പറഞ്ഞ വാക്കുകൾ അർജുനെ അത്രത്തോളം ഞെട്ടിപ്പിക്കുകയും തളർത്തുകയും ചെയ്തിരുന്നു.