✨️❤️ശാലിനിസിദ്ധാർത്ഥം17❤️✨️ (ഭാഗം I) [???????  ????????] 312

അവരുടെയാ ആ മുനവെച്ചുള്ള സംസാരത്തിൽ അവളെന്തു മാത്രം വിഷമിച്ചെന്നു താൻ കണ്ടതാണ്… മാത്രമല്ല ക്ലാസ്സ്‌ കഴിഞ്ഞപ്പോൾ തന്നോടൊന്നു സംസാരിക്കാൻ പോലും കൂട്ടക്കാതെ കൂട്ടുകാരോടൊപ്പം പോയില്ലേ അവൾ.

ഇനി തങ്ങളുടേയീ സൗഹൃദം പതിയെ പ്രണയമായി മാറുമെന്ന് അവൾ ഭയപ്പെട്ടിട്ടുണ്ടാകുമോ…? പക്ഷേ ഉണ്ടെങ്കിൽ എന്തിന്. അങ്ങനെയൊരു ഭാവം പോലും തന്നിൽ നിന്ന് അവളോട് ഉണ്ടാകില്ലെന്നു താൻ അവൾക്ക് ഉറപ്പ് നൽകിയിട്ടുണ്ടല്ലോ.

ഇല്ല…! തന്റെ ഹൃദയത്തിൽ അമൃതയുള്ളിടത്തോളം കാലം തനിക്ക് ശാലിനിയെ പ്രേമത്തിന്റെ കണ്ണുകളിലൂടെ നോക്കാനാവില്ല. പക്ഷേ അവൾ… എന്റെ അമൃത. അവളെവിടെയാണ്…???

എന്നെന്നും എന്റെത് മാത്രമായവൾ, ഈ ജന്മത്തിൽ തനിക്കൊരു നേർപാതിയുണ്ടെങ്കിൽ അത് അവൾ മാത്രമായിരിക്കുമെന്നു തന്റെ കണ്ണുകളിൽ നോക്കി പറഞ്ഞവൾ… അവളിപ്പോൾ തന്നെ ഓർക്കുന്നുണ്ടാകുമോ.

അതൊക്കെ ചിന്തിച്ചപ്പോൾ സിദ്ധാർഥിന്റെ കണ്ണുകൾ നിറഞ്ഞു… സിദ്ധാർഥിനു ഒന്നുറക്കെ കരയണമെന്ന് പോലും തോന്നിപോയി. അപ്പോഴാണ് അവന്റെ തോളിലൊരു കൈ പതിച്ചത്.

അർജുനാണ്…

“എന്താ അളിയാ… നീയെന്തിനാടാ കരയണേ. എന്ത് പറ്റി. അമ്മയെ ഓർത്തത് കൊണ്ടാണോടാ…???” അർജുൻ സിദ്ധാർഥിന്റെ കണ്ണുകൾ നിറഞ്ഞിരിക്കുന്നത് കണ്ട് ചോദിച്ചു.

“അതൊന്നും അല്ലടാ… ഞാൻ നമ്മുടെ ആമിയെ ഓർക്കാൻ ശ്രമിക്കുകയായിരുന്നു… എന്റെ പെണ്ണിപ്പോൾ എവിടെയാടാ ഉള്ളത്. എനിക്കവളെ ഇനി കാണാവില്ലേ…???” സിദ്ധാർഥ് അർജുന്റെ തോളിൽ പിടിച്ചുകൊണ്ട് ചോദിച്ചു.

തന്റെ ക്രൈം പാർട്ണർ, ഇപ്പോഴും മരിച്ചു പോയ തങ്ങളുടെ കളികൂട്ടുകാരി ആമിയെ ഓർക്കുവാൻ ശ്രമിക്കുകയാണെന്നു മനസ്സിലാക്കിയ അർജുന്റെ മനസ്സൊന്നു വേദനിച്ചു.

“എടാ അത്.. അവളെ നിനക്ക് കാണാൻ സാധിക്കും…”

“സത്യമാണോ…. എപ്പോൾ.. ഇപ്പൊ പറ്റോ ??? ” അർജുൻ പറഞ്ഞത് കേട്ട് സിദ്ധാർഥിന്റെ മുഖത്തൊരു തെളിച്ചമുണ്ടായി.