⚔️ ശിവാംശം-2 ⚔️ [Eros] 375

അവൻ കണ്ണീർ പൊഴിച്ചു… തന്റെ ഒരു നിമിഷത്തെ അശ്രദ്ധ കാരണം തന്റെ സുഹൃത്തുക്കളുടെ ജീവൻ അപകടത്തിലായത് …

സമയം 12 മണി ആയി…

പെട്ടെന്ന് ഒരു വലിയ ശാഘനാദത്തോടെ  ഒരു ഉടുക്കിന്റെ ശബ്ദം അവന്റെ കാത്തിലേക്ക് ഇരച്ചുക്കേറി…ഹരി ചിന്തയിൽ നിന്ന് വിളിയിൽ വന്നു.

“രാത്രി ഇത്  ഏത് അമ്പലത്തിലാണ് പൂജ നടക്കുന്നത്” …

ഹരി എല്ലാ ഇടതും നോക്കി…. തന്റെ വലതുവശത്  ഒരു കുന്ന് അവൻ കണ്ടു.. ആ കുന്നിന്റെ മുകളിൽ ഒരു ചെറിയ അമ്പലമുണ്ട് അവിടെ നിന്നുമാണ് ആ ശബ്ദം വരുന്നതെന്ന് അവനു മനസ്സിലായി. ആ അമ്പലം ചുറ്റുവിളക്കുകളാൽ ശോഭയാർജ്ജിച്ചു നിൽക്കുന്നു. അവൻ അമ്പലത്തിലേക്ക് പതുകെ ചുവടുവെച്ചു.

അവൻ കുന്നിന്റെ മുകളിലെത്തി.. അമ്പലത്തിന്റെ അകത്തേക്കു  കേറിയപ്പോൾ  അവനു അത്ഭുദമാണ്  തോന്നിയത്.. അവിടെ ആരും ഉണ്ടായിരുന്നില്ല… ഓം നമഃ ശിവായ എന്ന മന്ത്രം അവിടെ എങ്ങും മുഴങ്ങി കേൾക്കുന്നു..

അവൻ ശ്രീകോവിലേക്ക് നടന്നു.. അവിടെ ദിവ്യപ്രഭയാൽ ശോഭിച്ചു നിൽക്കുന്ന ഒരു ശിവലിംഗം  അവനു കാണാൻ കഴിഞ്ഞു. ശ്രീകോവിലിന്റെ അകത്തുനിന്നു മന്ത്രങ്ങൾ മുഴങ്ങി കേൾക്കുന്നു.   ശിവലിംഗത്തിനു മുമ്പിൽ  ഹരി  കൈ കൂപ്പി കണ്ണടച്ച്  പ്രാർത്ഥിച്ചു..

“മഹാദേവാ …… ഞാൻ നിസ്സഹായനാണ് എന്റെ സുഹൃത്തുക്കളെ എനിക്ക് കണ്ടെത്താൻ സാധികുന്നില്ല.. അഭിയും ജോയും എന്നെ തെറ്റിദ്ധരിച്ചിരിക്കുകയാണ് .. സ്നേഹയും വരുണിനെയും കണ്ടത്താനുള്ള മാർഗം എനിക്ക് കാണിച്ചു തന്നാലും ഭഗവാനെ… അവർക്കു ഒരു ആപത്തും ഉണ്ടാവല്ലേ.”…

ഹരി പ്രാർത്ഥിക്കുമ്പോഴും അവൻ കണ്ണുനീർ പൊഴിക്കുന്നുണ്ടായിരുന്നു…

“എന്താ കുട്ടീ കരയുന്നത്… ആരാ താൻ?”..

ഹരി കണ്ണു തുറന്നു.. മുമ്പിൽ ഒരു തേജസ്വിയായ ഒരു ബ്രഹ്മണൻ നിൽക്കുന്നു.. നല്ല ഐശ്വര്യമുള്ള മുഖം… ഒരു ആജാനബാഹുവായ  മനുഷ്യൻ… അദ്ദേഹത്തിന്റെ പുഞ്ചിരി വളരെ മനോഹരമായിരുന്നു..

“എന്ത് പറ്റി തനിക്കു… എന്താ ഈ സമയത് ഇവിടെ”…..