⚔️ ശിവാംശം-2 ⚔️ [Eros] 375

കാൾ കട്ട് ആയി..

ഹരി  കൂട്ടുകാരുടെ അടുത്തേക്ക് ചെന്നു

“ഡാ അഭി …. നിങ്ങൾ ഇവരെ കൂട്ടീ വരുണിന്റെ വീട്ടിലേക്ക് ചെല്ല് . ഞാൻ റിസെപ്ഷന്റെ കാര്യമെല്ലാം നോക്കാം”…..

Somewhere In Thiruvananthapuram

ഒരു ഗോഡൗൺ. അവിടെ ഒരാളുടെ  ദേഷ്യത്തോടുള്ള അലർച്ച മുഴങ്ങി കേട്ടു.

’’എന്റെ പെണ്ണിനെ നിങ്ങളുടെ മുമ്പിൽ വെച്ചാണ് കടത്തിക്കൊണ്ട് പോയത്. അതും രണ്ടു ചെറുപ്പക്കാർ…. നിങ്ങൾക്കു എന്ത്കൊണ്ട് തടയാൻകഴിഞ്ഞില്ല……. പറയാൻ”……….

അഖിലേഷിന്റെ അലർച്ചയാണ് മുഴങ്ങി കേട്ടത്. അഖിലേഷ് , ശിവശങ്കരന്റെ ഉറ്റചങ്ങാതിയായ ചന്ദ്രസേനന്റെ ഒരേഒരു മകൻ… രാക്ഷസ ജന്മം.. ജയിക്കാൻവേണ്ടി എന്ത് ചെറ്റത്തരവും കാണിക്കാൻ മടിക്കാത്തവൻ…  അവൻ കാരണം ഒരുപാട്  പെൺ കുട്ടികളുടെ ജീവിതം നഷ്ടമായിട്ടുണ്ട്.. സിറ്റിയിലെ ക്രിമിനല്സിന്റെ എടുത്താൽ ഒന്നാമൻ പക്ഷെ പണത്തിന്റയും സ്വാധീനത്തിന്റെയും ബലംകാരണം ഒരു കുറ്റത്തിന് പോലും ശിക്ഷിക്കപെട്ടിട്ടില്ല..

“അഖിലേഷ് ഭായ് നമ്മൾ തടുക്കാൻ ശ്രമിച്ചതാണ്… അതിൽ ഹരി എന്ന് പറയുന്നവന്റെ പുറത്തു കത്തി വെച്ച് കുത്തി…. പക്ഷെ കുത്തുകൊണ്ട  ശേഷം ഹരി എല്ലാരേയും നിമിഷ നേരംകൊണ്ട് നിലമ്പരിശാക്കി.. ആ സമയത്  അവന്റെ വേഗത  നമുക്കാർക്കും അളക്കാൻപോലും കഴിഞ്ഞില്ല… തോൽവി സമ്മതിക്കനെ വഴിയുണ്ടായിരുന്നുള്ളു”……

അവിടെ  നിന്ന ഒരുത്തൻ പറഞ്ഞു.

പെട്ടന്ന് അഖിലേഷ് ഒരു കത്തി അവന്റെ  നേർക്കെറിഞ്ഞു… അത് അവന്റെ കഴുത്തിൽ ചെന്നുപതിച്ചു പിടഞ്ഞവൻ നിലത്തേക്ക് വീണു . അവിടെ കണ്ടു നിന്ന എല്ലാരും പേടിച്ചു ഒരടി പുറകിലേക്ക് മാറി…

“എന്റെ എച്ചിൽ തിന്നിട്ടു ഏതോ ഒരുത്തനെ പുകഴ്ത്തി സംസാരിക്കുന്നോ… നായേ ……നീ ഇനി ആരെയും കുറിച്ച് സംസാരിക്കണ്ട.”…