⚔️ ദേവാസുരൻ ⚒️ ?2 ꫀρ 20 ( ᦔꫀꪑꪮꪀ ??ꪀᧁ DK ) 704

പോകും വഴി നല്ല ചാണകത്തിന്റെ വാസന വന്നു….. നോക്കിയപ്പോ ഒരു ചാണക കുഴി….

പിന്നെ കുറച്ചു അപ്പുറെ ആയി കുന്ന് കൂടി കിടക്കുന്ന വയ്ക്കോൽ കൂട്ടവും….
പിന്നെ ഒരിടത്ത് ചേർത്ത് വച്ചിരിക്കുന്ന ഒരു പഴയ കാള വണ്ടി…..

‘”” ഇതെന്താടി കാള വണ്ടി ഒക്കെ….
ഇവടെ കാളയും ഉണ്ടായിരുന്നോ…..'””

അവൻ ചോദിച്ചു…..

‘”” മ്മ്….
പണ്ട് അമ്മേടെ അച്ഛന്റെ കയ്യിൽ 2, 3 കാളകൾ ഉണ്ടെന്ന് കേട്ടിട്ടുണ്ട്…. ആ കാലത്ത് ഉള്ളതാ ഇത്….

ഇപ്പൊ ഇവടെ ഇങ്ങനെ വെറുതെ കിടക്കുന്നു….'””

അവൾ പറഞ്ഞു…. അതൊക്കെ നോക്കി അവർ മുന്നോട്ട് നടന്നു….

തൊഴുത്തിൽ കെട്ടിയിട്ട പശുക്കൾ അവരെ കണ്ടതും ഒച്ച ഉണ്ടാക്കുവാൻ തുടങ്ങി….
അവിടെ ഒരു അമ്മ പശുവും 4 കുട്ടികളും ഉണ്ടായിരുന്നു

‘”” ഇതാണല്ലേ അമ്മിണിയും മക്കളും…'””

ഇന്ദ്രൻ ചോദിച്ചു….

‘”” മ്മ്മ്…..
ഇതന്നെയാ…..
ഞാൻ അവടെ പഠിക്കാൻ വരുമ്പോ കുഞ്ഞു കിടാവ് ആയിരുന്നു…. ഇപ്പൊ വയസായി….

അവൾ പറഞ്ഞു….

“” ആതിക്ക് ഭയങ്കര ഇഷ്ട്ടാണെന്ന് തോനുന്നു….'”

‘””പിന്നെ അല്ലാതെ….
അവളുടെ കയ്യിലേക്ക് പിറന്നു വീണതാ….
ഒത്തിരി ഇഷ്ട്ടമാ അവൾക്ക്…..'””

ഇന്ദു പറഞ്ഞു….

ഇന്ദ്രൻ കൗതുകത്തോടെ ആ പയ്യിനെ തലോടുവാൻ പോയതും അമ്മിണി കൊമ്പ് കുലുക്കി ആ കയ്യിനെ തട്ടി മാറ്റി….

ഇന്ദ്രൻ പതിയെ അതിനെ തൊഴുതു….

‘”” എന്റെ പൊന്ന് അമ്മിണി ചേച്ചി….
ഞാൻ അന്യനൊന്നും അല്ലാ…. ദീ വീട്ടിലെ മരുമോനാ മരുമോൻ….
എന്നോടിങ്ങനെ ദേഷ്യം കാണിക്കരുത്….
അടിയനൊരു പാവല്ലേ…..'””

അവൻ വിനീത പൂർവ്വം അപേക്ഷിക്കുന്നത് കണ്ടപ്പോ അമ്മിണി ഇതെന്താപ്പാ എന്ന വ്യാജെന അവനെ തല ചെരിച്ചു നോക്കി….

ഇന്ദു ഇതൊക്കെ കണ്ട് പുറകിൽ നിന്ന് ചിരിക്കുകയാണ്….

‘”” എന്റെ ഏട്ടാ….
എന്താ ഈ കാണിക്കുന്നത്….. “”

അവൾ ചോദിച്ചു….

‘”” ഇന്ദു…..
ഞാൻ ഗോ മാതാവിനെ സ്തുതിക്കുകയാണ്….

‘ഗോമാ പാലാ സൂപ്ശ്മിതം…
കർമ്മ കാലേ….
ഗോമൂത്രാ…. ചാണക ചാവിണ്ടി..
സൂപഷ്മിതം എന്നല്ലേ പ്രമാണം’….””

ഇന്ദ്രൻ ചോദിച്ചത് കേട്ടപ്പോൾ അവൾക്ക് പിന്നേം ചിരി പൊട്ടി….

‘”” എന്റെ ഏട്ടാ…..
നിങ്ങളിത് എന്തൊക്കെയാ പറയണേ….
വട്ടായോ ശരിക്കും………””

‘”” വട്ട് നിന്റെ വല്യമ്മക്ക്……'”

‘”” അതിനെനിക്ക് വല്യമ്മ ഇല്ലല്ലോ…..'””

‘”” അതന്നെ അവരെ തന്നെ വിളിച്ചത്….
എടി പൊട്ടിക്കാളി….
ഈ പശു എന്ന് വച്ച എന്താ….
ദൈവത്തിന്റെ പ്രതിരൂപമാണ്…അതിനെ ബഹുമാനിക്കാൻ പഠിക്ക്….. “””

അവൻ പറഞ്ഞു…..

‘”” ഓഹോ…..
വല്ല ഹോട്ടലിലും കേറിയാ ബീഫും പൊറോട്ടയും മാക്ക് മാക്ക് എന്ന് വെട്ടി വിഴുങ്ങുന്ന നിങ്ങള് തന്നെ ഇത് പറയണം…..'””

ഇന്ദു പറഞ്ഞു…..

‘”” ഇവളെന്റെ മൂഡ് മുഴോൻ കളയും….'””

‘”” എന്റെ പൊന്ന് മനുഷ്യാ…..
നിങ്ങളാ പശുവിന്റെ അടുത്തുന്നു മാറി നിക്ക്….
ഇല്ലേൽ അത് കുത്തും…..'”

ഇന്ദു അവനെ കളിയാക്കികൊണ്ട് പറഞ്ഞു….

“” നീ പോടീ……
മതി തിന്നത്….
അമ്മിണി…. ഇതെന്റെ വക ഒരു പാരിദോഷികം….
വച്ചോ…മ്മ്…..'”

അവൻ അവളുടെ കയ്യിൽ നിന്നും മിച്ചം വന്ന ആ മാങ്ങ തട്ടിപ്പറിച്ച് അമ്മിണിക്ക് കൊടുത്തു…

അപരിചിതരോട് അകലം പാലിക്കുന്ന അമ്മിണി ആ മൂവാണ്ടൻ മാങ്ങയോട് അകൽച്ച പാലിച്ചില്ല…. നീളൻ നാവ് നീട്ടികൊണ്ട് ഇന്ദ്രന്റെ കയ്യിൽ നിന്നും ആ മാങ്ങയെ അവൾ വായിലാക്കി ചവച്ചു….

ഇന്ദു ആകട്ടെ മാങ്ങ പോയ പരിഭവത്തിൽ അവനെ നോക്കി….

‘”” ഇത് വല്യ കഷ്ട്ടമാ ട്ടോ….
എന്റെ മാങ്ങ…..'”

അവൾ ചുണ്ട് കൂർപ്പിച്ചു…..

‘”” മാങ്ങ അല്ലെ…ഞാൻ വേറെ എറിഞ്ഞു തരാ പെണ്ണെ….
നീ ഇങ് വാ…..'”

അവൻ അവളെയും കൂട്ടി അവിടെ നിന്നും നടന്നു…. പോയതിനു പകരം വേറെ കിട്ടുമല്ലോ എന്ന് ഓർത്തപ്പോ അവൾക്കും സന്തോഷമായി….

പെട്ടെന്നാണ് ഇന്ദു അത് കണ്ടത്….. വീടിന്റെ പുറകിലെ വരമ്പിലൂടെ ഒരു പെൺകുട്ടി വലിയ പുൽ കെട്ടും തലയിൽ ഏറ്റി വരുന്നു….

‘” ഏട്ടാ ഏട്ടാ……'””

ഇന്ദു ആഹ്ലാത്തതോടെ അവനെ തോണ്ടി വിളിച്ചു….

‘”” എന്താടി……'”

അവൻ വിളി കേട്ടു…..

‘”” ദേ…..
കിച്ചു വരുന്നു……'””

ഇന്ദു പറഞ്ഞു…
അപ്പോഴാണ് അവനും അങ്ങോട്ടേക്ക് നോക്കിയത്…..

ഒരു 18 വയസ്സ് പ്രായം തോന്നിക്കുന്ന പെണ്ണ് തലയിൽ വലിയ പുൽ കെട്ടും ഏറ്റി വരുന്നു…
കണ്ടപ്പോ തന്നെ അവന് പാവം തോന്നി….

അവളുടെ ഇരട്ടി വലിപ്പം കാണും ആ കെട്ടിന്….. ചുരിതാറിന് മുകളിൽ ധരിച്ച ഫുൾ കൈ ഷർട്ടിൽ ആകെ മണ്ണാണ്….

ക്ഷീണം ബാധിച്ച ആ മുഖത്ത് വിയർപ്പ് ഒറ്റുന്നു….. അതൊക്കെ കാണുമ്പോൾ എന്തോ വല്ലാത്തൊരു നൊമ്പരം….

ഇന്ദു ആഹ്ലാത്തതോടെ അവൾക്കടുത്തേക്ക് ഓടാൻ നിന്നതും ഇന്ദ്രന്റെ ബലിഷ്ടമായ കൈ അവളെ തടഞ്ഞു…..

ഇന്ദു അവനെയൊന്ന് നോക്കി….

‘”” ഇപ്പൊ പോണ്ടാ…..
അവടെ നിക്ക്…..'””

‘”” എന്താ ഏട്ടാ……??'””

‘”” ആദ്യമായി കാണല്ലേ….. എന്നെ….?? “”

അവൻ ചോദിച്ചു….

‘”” ഹ്മ്മ്…..
കല്യാണ ഫോട്ടോ പോലും അയച്ചിട്ടില്ല….
നേരിട്ട് കണ്ടാ മതി എന്ന് ഞാനും ചേച്ചിയും തീരുമാനിച്ചതാ…….'””

ഇന്ദു പറഞ്ഞു….

“” ആഹ്…..
അത് ഏതായാലും നന്നായി….
നീയൊന്ന് അങ്ങോട്ട് മാറി നിന്നോ….'””

ഇന്ദ്രൻ പറഞ്ഞു……

‘”” എന്തിനാ ഏട്ടാ……'””

അവൾ ചോദിച്ചു…..

‘”” കാര്യം ഉണ്ടെന്ന് തന്നെ കൂട്ടിക്കോ…..
അവള് കാണാതെ എവിടേലും മാറി നിൽക്ക്….'””

ഇന്ദ്രൻ പറഞ്ഞു…. അല്പം മടിച്ചാണെങ്കിലും ഇന്ദു അവടെ ആ വൈക്കോൽ കൂട്ടത്തിന്റെ പുറകിൽ പോയി ഒളിച്ചു നിന്നു…

ഇന്ദ്രൻ കിച്ചു വരുന്നതും നോക്കി അവിടെ തന്നെ കൈകെട്ടി മീശയും പിരിച്ച് നിന്നു…

അല്പം ഗൗരവത്തോടെ…..

????

കിടാക്കൾക്ക് രാത്രി കൊടുക്കാനുള്ള പുല്ലും അരിഞ്ഞു ക്ഷീണിച്ചാണ് കിച്ചു വരുന്നത്….

തൊഴുത്തിന്റെ അടുത്ത് എത്തിയപ്പോൾ ആറടിയോളം പൊക്കമുള്ള ഒരു അജാനുബാഹുവായ ചെറുപ്പക്കാരൻ അവിടെ നിൽക്കുന്നു…

അവളൊന്ന് സംശയത്തോടെ അയാളെ നോക്കി…. ശേഷം അവിടേക്ക് തന്നെ പോയി…. തൊഴുത്തിന്റെ സൈഡിൽ പുല്ലൊക്കെ ഇടാനുള്ള ഒരിടമുണ്ട്…. അവിടേക്ക് അവളാ പുൽ കെട്ടിനേ ഇറക്കി വച്ച് നെടുവീർപ്പിട്ടു….

ഭാരം ഇറക്കി വച്ചപ്പോൾ വല്ലാത്തൊരു ആശ്വാസം…. അരയിൽ തിരികിയിരുന്ന അരിവാളും അവൾ ഒരു ഓരത്ത് വച്ചു…ശേഷം അയാൾക്കടുത്തേക്ക് നടന്നു അവൾ….

അവനവളെ വല്യ മൈൻഡ് ഒന്നും ചെയ്യുന്നില്ല….

‘”” ആരാ…..
ഇന്ദു ചേച്ചിടെ കൂടെ വന്നതാണോ…..'””

ആദ്യം തന്നെ സംശയത്തോടെ ചോദിച്ചു അവൾ…കാരണം അവരിന്ന് വരുമെന്ന് പറഞ്ഞതാണ്….

ഇന്ദ്രൻ അവളെയൊന്ന് നോക്കി….

‘”” ഇന്ദുവോ….
അതാര്….
ഞാൻ അതിനൊന്നും വന്നതല്ല….'””

അവൻ മുഖത്ത് നിലനിർത്തിയ ഗമയോടെ തന്നെ മറുപടി നൽകി….

‘”” ആണോ….
ഞാൻ കരുതി അവരാവുമെന്ന്….
ചേട്ടൻ അപ്പൊ ആരാണാവോ….??'””

കിച്ചു ഇടുപ്പിന് കയ്യും കൊടുത്ത് ചോദിച്ചു….

‘”” കുട്ടി ഇവിടത്തെ പണിക്ക് വന്നതല്ലേ….
ഭാരിച്ച കാര്യമൊന്നും അന്വേഷിക്കാൻ വരണ്ടാ…..'””

അവൻ പറഞ്ഞു…..

‘”” പണിക്ക് വന്നതോ…..??
ഇത് നല്ല കൂത്ത്….. ഞാനിവടത്തെ കുട്ടിയാ ചേട്ടാ….. ഇതെന്റെ വീടാ…..
നിങ്ങളാരാ…..??'””

‘”” ഓഹ്….
ഇവിടത്തെ കുട്ടി ആയിരുന്നോ…..??
അറിഞ്ഞില്ലാ ട്ടോ…..ഈ വേഷമൊക്കെ കണ്ടപ്പോ ജോലിക്കാരി ആണെന്ന് കരുതി…
ഞാനീ അമ്മിണിയെയും കൂട്ടരേം കാണാൻ അങ്ങ് പൊള്ളാച്ചിയിൽ നിന്ന് വന്നതാ…
പേര് മുത്തു…..'””

അവൻ പറഞ്ഞു….

‘”” മുത്തുവോ….
അതിനു നിങ്ങൾ തമിഴൻ അല്ലെ…. എന്നിട്ട് പച്ചവെള്ളം പോലെ ആണല്ലോ മറുപടി പറയുന്നത്….'””

അവൾ അന്തം വിട്ട് ചോദിച്ചു…..

‘”” എനക്ക് തമിഴും മലയാളവും തെളിങ്ങും എല്ലാം പച്ച തണ്ണി മാതിരി വരും അമ്മ…..'”

അവനത് കേട്ടതും ഒരു ചെറു ചിരിയോടേ പറഞ്ഞു…..

‘”” ആഹ്…..
ശരി…. അല്ലാ എന്തിനാ വന്നെന്ന് പറഞ്ഞില്ല….'””

അവൾ വീണ്ടും ചോദിച്ചു…..

‘”” നാൻ സൊന്നേനെ അമ്മാ….
ഇന്ത അമ്മിണിയെ പാക്കാതാ വന്തേ….
സുമ്മാ കേൾവിയെ കേട്ട് കിട്ട്….'””

ഇന്ദ്രൻ പറഞ്ഞു…..

“” എന്റെ പൊന്ന് ചേട്ടാ….
ചുമ്മാ എന്നെ ഇട്ട് കളിപ്പിക്കാതെ കാര്യം പറാ…..
അമ്മിണിയെ കാണാൻ പൊള്ളാച്ചിയിൽ നിന്ന് വരാനും മാത്രം ആരാ നിങ്ങൾ…. “”

കിച്ചു ഇത്തവണ കുറച്ചു കടുപ്പത്തോടെ തന്നെയാണ് ചോദിച്ചത്…..

“” ഇന്ത പുള്ളയാലേ റൊമ്പ തൊല്ലയാ പോച്ചേ പെരുമാളെ…….
ഇത് എനക്കും അമ്മിണിക്കും നടുവിലെ ഇറുക്കും വിഷയം…'””

ഇന്ദ്രൻ വിടാതെ പിടിച്ചു നിന്നു….
ഇത്തവണ കിച്ചുവിന്റെ മുഖഭാവം ആകെ മാറിയിരുന്നു….. അവളവനെ ദഹിപ്പിക്കുന്ന നോട്ടം നോക്കി….

‘”” താനെന്തിനാടോ എന്റെ അമ്മിണിയെ കാണാൻ വന്നേക്കുന്നെ….'”

ഇത്തവണ കിച്ചുവിന്റെ സ്വരം ഉയർന്നിരുന്നു….

‘”” യേൻ അമ്മാ കോപപ്പെടറേ…..
അമ്മിണി യെന്ന ഉങ്ക മാമിയാരാ….
പസു മാട് ല്ലേ…..
നാൻ യതവും സയ്യമാട്ടെങ്കോ…….
അഴകാ പാത്തിട്ട് പൊള്ളാച്ചിക്ക് അള്ളിട്ട്
പോകാപ്പോറേ അവളോ താ…..
ഉങ്ക അപ്പാ കൂടെ എന്റെ കയ്യിലെ ഇരുന്ത് 20000 വാങ്കിപുട്ടാ…..'””

ഇന്ദ്രൻ നല്ല പച്ച വെള്ളം പോലെ തമിഴ് പറഞ്ഞു…. ഇന്ദു ഇതെല്ലാം മറഞ്ഞു വീക്ഷിച്ചിരുന്നു….. അവന്റെ സംസാരം കേട്ട് വാ പൊത്തി ചിരിക്കുകയാണ് കക്ഷി….

കിച്ചുവിന് എല്ലാം കൂടെ കേട്ടപ്പോ കലി കയറി…..

‘”” പൈസ വാങ്ങി എന്നൊ…..
ആരോട് ചോദിച്ചിട്ട്..
ഇതെന്റെ കിടാവാ…
അണ്ണൻ കൊടുത്ത കാശ് തിരികെ വാങ്ങി നാട് വിടാൻ നോക്ക്…..'”

കിച്ചു അവനെ നോക്കി പറഞ്ഞു…. ഇന്ദ്രൻ അവളെ നോക്കിയൊന്ന് വികടമായി ചിരിച്ചു…

‘” യെന്നെ പുള്ളെ ഇപ്പുടി സൊള്ളിപുട്ടെ….
ഇത് ഉങ്ക അപ്പാ വാങ്കിന മാഡ് താനേ….
അപ്പൊ അവര് താനേ ഓണർ….
കാശു വാങ്ങി കാല് വാര പാക്കിരിയാ….'””

ഇന്ദ്രൻ ചോദിച്ചു….
കിച്ചുവിനാകെ ദേഷ്യം വരാൻ തുടങ്ങിയിരുന്നു…..

‘”” ദേ വയസ്സിനു മുതിർന്നതാണെന്ന് ഞാൻ നോക്കില്ല…..
പോക്കോ എന്റെ മുന്നിന്ന്….
ഇവടെ ആർക്കും പശുവിനെ കൊടുക്കുന്നില്ല……'””

“” അപ്പുടിയാ…..
ആണാ നാൻ പൈസാ കൊടുത്തിട്ടേനേ….
ഇന്ത നിമിഷത്തിൽ ഇരുന്ത് അമ്മിണി എന്നോടെ മാഡ്….
നാൻ ഇവളെ തമിഴ്നാട്ട്ക്ക് കടത്തിട്ട് പോയി….
മാരിയമ്മൻ കോവിലിൽ പൂജ പണ്ണ പോരെ…
അപ്പുറം ഇവ പേര് അമ്മിണി കിടയാത്….
മുത്തു ലച്മി….
എങ്ക പാട്ടി മുത്തു ലച്മി….
നീ ഇപ്പുടി അവസകുനമാ നിക്കാമെ മാറു പുള്ളെ……'””

അവൻ അവളെ നോക്കി പറഞ്ഞു…അവൻ കളിതമാശ കളിക്കുകയാണെന്ന് പോലും അറിയാതെ കിച്ചു ഭദ്ര കാളിയെ പോലെ ഉറഞ്ഞു തുള്ളി…..
വേഗത്തിൽ പുല്ലിന്റെ അടുത്ത് വച്ച അരിവാൾ എടുത്ത് കിച്ചു ഇന്ദ്രന്റെ കഴുത്തിൽ വച്ചു…..

പെട്ടെന്നുള്ള അവളുടെ പെരുമാറ്റം കണ്ട് ഇന്ദ്രന്റെ രണ്ട് കണ്ണും പുറത്തേക്ക് വന്നിരുന്നു…..

‘”” എന്ന പുള്ളെ ഇത്…..
യേൻ ഉയിർ എടുക്കപ്പൊരിയാ……'””

അവൻ വിറച്ചുകൊണ്ട് ചോദിച്ചു….

‘”” ആഹ്…..
എടുക്കും…. തനിക്ക് കാണണോടോ…..
എന്റെ അമ്മിണിയെ കൊണ്ടോവാൻ മാത്രം വളർന്നോ നീ….. കൊല്ലും ഞാൻ…
അവന്റെ ഒരു മുത്തു ലക്ഷ്മി……'””

അവൾ ഇന്ദ്രന്റെ കഴുത്തിൽ ആ കത്തി കൂടുതൽ അടുപ്പിച്ചുകൊണ്ട് അലറി…..

‘”” കിച്ചു………….'”

പെട്ടെന്നാണ് ഗാഭീര്യം നിറഞ്ഞ ഒരു പുരുഷ ശബ്ദം അവിടെ ഉയർന്നത്….. അവൾ തിരിഞ്ഞു നോക്കി….

സഖാവ് ബാലൻ ആയിരുന്നു അത്….

അയാളെ കണ്ടിട്ട് പോലും അവള കത്തി മാറ്റിയില്ല…

‘”” എന്താ കിച്ചു നീയീ കാട്ടണേ….
വീട്ടിൽ വന്നവരോട് ഇങ്ങനാണോ പെരുമാറുന്നത്….. “””

അയാൾ ഓടി വന്ന് അവളുടെ കയ്യിൽ നിന്നും അരിവാൾ ബലത്തോടേ പിടിച്ചുമാറ്റിക്കൊണ്ട് പറഞ്ഞു……

‘”” അച്ഛനോട് ഞാൻ എത്ര തവണ പറഞ്ഞിട്ടുണ്ട് ഇതുങ്ങളെ കൊടുക്കല്ലേ എന്ന്…. എന്നിട്ട് വീണ്ടും ആളെ അയച്ചേക്കുവാണോ….??'””

കിച്ചു ബാലാനോട് ചോദിച്ചു….

‘”” ആളെയോ…..
നീ എന്തൊക്കെയാ എന്റെ മോളെ പറയണേ….
ഇതാരാ എന്ന് അറിയോ നിനക്ക്….??'””

ബാലൻ ചെറിയച്ഛൻ അവളെ നോക്കി ചോദിച്ചു…. ഇന്ദ്രൻ ഇതെല്ലാം നോക്കി ചിരിച്ചുകൊണ്ട് നിൽക്കുകയാണ്….
അവളവനെ സംശയത്തോടെ നോക്കി….

‘”” എന്റെ അമ്മിണിയെ വാങ്ങാൻ വന്ന പാണ്ടി അല്ലെ…..'””

അവൾ ചോദിച്ചു….
ബാലൻ ചെറിയച്ഛൻ ഇന്ദ്രനെ ഒന്ന് നോക്കി….
അവൻ അയാളെ നോക്കി ഒന്ന് കണ്ണടച്ച് കാണിച്ചു…. അതിൽ നിന്ന് തന്നെ മനസ്സിലായിരുന്നു അവനവളെ കളിപ്പിച്ചതാണെന്ന്…. അയാളുടെ ചുണ്ടിലൊരു ചിരി വിടർന്നു….

‘”” എന്താ കുഞ്ഞേ ഇത്….
എന്റെ മോളെ വട്ട് കളിപ്പിക്കാർന്നോ….?'”

അദ്ദേഹം ചോദിച്ചു….

‘”” ചുമ്മാ ഒരു രസത്തിനു ചെയ്തതല്ലേ ചെറിയച്ച……'””

അവന്റെ സംസാരം കേട്ടപ്പോ അവൾക്കാകെ സംശയമായി…. കിച്ചു ഇരുവരെയും മാറി മാറി നോക്കി….

‘”” കിച്ചമ്മേ………'””

പുറകിൽ നിന്ന് കേട്ട ഒരു സ്ത്രീ ശബ്ദമാണ് അവളെ ഉണർത്തിയത്…. ഏറെ പരിചിതമായ സ്വരം…. അവൾ വേഗത്തിൽ തിരിഞ്ഞു നോക്കി….

അവിടെ അവളെ നോക്കി ചിരിച്ചുകൊണ്ട് ഇന്ദു നിൽക്കുന്നു…..
ആ കണ്ണുകൾ എന്തുകൊണ്ടോ നിറഞ്ഞൊഴുകി…ഏറെ നാളുകൾക്ക് ശേഷം തന്റെ കൂടപ്പിറപ്പിനെ ദർശിച്ചതിനുള്ള ആനന്ദം ആയിരുന്നു അത്….

“” ഇന്ദുവേച്ചി……'””

എന്നും വിളിച്ചുകൊണ്ട് കിച്ചു അവളുടെ അടുത്തേക്ക് പാഞ്ഞു…. അവർ തമ്മിൽ സ്നേഹത്തോടെ കെട്ടിപ്പിടിച്ചു….

‘”” ചേച്ചി……
എത്ര നാളായി കണ്ടിട്ട്….'”

‘”” മ്മ്…..
നീ ആകെ അങ്ങ് മാറി….
കൊച്ചു പെണ്ണായിരുന്നില്ലേ…..'”

“” ഒന്ന് പോ ചേച്ചി……എന്നാലും ചേച്ചി കൊറേ കൂടെ സുന്ദരി ആയി ട്ടോ….'””

കിച്ചു വാത്സല്യത്തോടെ അവളുടെ കവിളിൽ എല്ലാം തലോടിക്കൊണ്ട് പറഞ്ഞു…..

‘”” മ്മ് മ്മ്…. സോപ്പിട്ടു മിനുക്കല്ലേ മോളെ….
എന്നാലും അമ്മിണിക്ക് വേണ്ടി കഴുത്തിൽ കത്തി വക്കാൻ പാകത്തിന് വളന്നല്ലോടി കാ‍ന്താരി നീ…..
പാവം എന്റെ ഏട്ടൻ….
പേടിച്ചുപോയി…..'””

ഇന്ദു ഒരു കളിചിരിയോടെ പറഞ്ഞു….. കിച്ചു ഒന്നും മനസ്സിലാവാതെ അവളെ കണ്ണും മിഴിച്ചു നോക്കിപ്പോയി…

‘”” എടി പൊട്ടി പെണ്ണെ….
ഇതിയാൻ മുത്തു ഒന്നുമല്ല….
എന്റെ കെട്യോനാ….
ഇന്ദ്രൻ….. “”

ഇന്ദു അത് പറഞ്ഞതും ഒരു ഞെട്ടലോടെ വായിലേക്ക് കൈ വച്ചുപോയി അവൾ…
കിച്ചു വീണ്ടും കണ്ണും മിഴിച്ച് അവനെ നോക്കി….

ഇന്ദ്രൻ അവളുടെ അടുത്ത് പോയി പതിയെ ഒന്ന് വിരൽ ഞൊടിച്ചു…. അവളൊന്ന് വിറച്ചുപോയി….

‘” എന്താ ഇങ്ങനെ മിഴിച്ചു നോക്കണേ….
ഞാൻ തന്നെയാ ആ മുതൽ….. “”

അവനൊരു ചെറിയ ചിരിയോടെ അവളോട് പറഞ്ഞു….

‘”” സ്.. സോറി…..
ഞാൻ അറിയാണ്ട് എന്തൊക്കെയോ പറഞ്ഞു…..'””

അവൾ അവന് മുന്നിൽ തല താഴ്ത്തിപ്പോയി…. സ്വന്തം ചേച്ചിയുടെ ഭർത്താവിന്റെ കഴുത്തിൽ കത്തി വച്ചതു ഓർത്തപ്പോ അവൾക്കാകെ വല്ലാതെ തോന്നിയിരുന്നു….

‘”” അതിനിപ്പോ ഞാനെന്താ തന്നോട് ചൂടായോ മോളെ….
നേരിട്ട് കണ്ടില്ലെങ്കിലും ഇന്ദു പറഞ്ഞിട്ട് നല്ല പരിജയം ഉണ്ട് നിന്നെ …ആ ഒരു ഇഷ്ട്ടം കൊണ്ടാ പറ്റിച്ചേ….എന്നാലും നീയെന്നെ വിറപ്പിച്ചു കളഞ്ഞല്ലോടി ബീഡിക്കുറ്റി…'”

ഇടുപ്പത്ത് കയ്യും വച്ച് അവനത് പറഞ്ഞപ്പോൾ കിച്ചു നാണത്തോടെ തല താഴ്ത്തിയിരുന്നുപോയി……

‘”” അവളുടെ മുഖത്തെ നാണം കണ്ടോ ഏട്ടാ….. പുലി പൂച്ച ആയ പോലെ…..'””

ഇന്ദു അവളെ വീണ്ടും കളിയാക്കി….

‘”” ഒന്ന് പോ ചേച്ചി….
ഞാൻ പുലി ഒന്നുമല്ല…..
വെറുതെ എല്ലാരും കൂടേ എന്നെ പറ്റിച്ചു ല്ലേ….'””

കിച്ചു പരിഭവത്തോടെ ചോദിച്ചു….

‘”” അത് മറന്നേക്ക് ന്നെ….
പകരം ഒരു ഡയറി മിൽക്ക് വാങ്ങി തരാ….
മതിയോ…..'””

ഇന്ദ്രൻ അവളെ നോക്കി ചോദിച്ചു….

‘”” അതൊക്കെ ഓക്കേ….
പക്ഷെ സാധാ ഡയറി മിൽക്കൊന്നും പോരാ… നടുക്ക് ഹാർട്ടിന്റെ ചിഹ്നം ഉള്ളത് തന്നെ വേണം…. “”

അവളൊരു കൊഞ്ചലോടെ ഇന്ദ്രനോട് പറഞ്ഞു…..

‘”” ഹാർട്ടോ വൃക്കയോ എന്ത് വേണേലും വാങ്ങി തന്നോളാ…..
പിണക്കം മാറ്റുമോ….'””

‘”” പിണക്കമോ…. ആർക്ക് പിണക്കം….
ഇതൊക്കെ എന്റെ ഓരോ നമ്പർ അല്ലയോ…'””

“” ഓഹോ…..
നീ കൊള്ളാല്ലോടി പെണ്ണെ….'”

ഇന്ദ്രനും കിച്ചുവും നിമിഷങ്ങൾ കൊണ്ടാണ് നല്ല കൂട്ടുകാരെ പോലെ ആയത്…. അപരിചിതരോട് പോലും ഓപ്പൺ ആയി കളിച്ചു ചിരിച്ചു സംസാരിക്കുന്ന ഇന്ദ്രന്റെ വ്യക്തിത്വം അവളെ വല്ലാതെ ആകർഷിച്ചിരുന്നു….. ആ വ്യക്തിത്വത്തിന് മുന്നിൽ വല്ലാത്തൊരു ആത്മബദ്ധം അവളിൽ ഉടലെടുത്തു…..
മറ്റൊരു കൂടപ്പിറപ്പിനോടുള്ള സ്നേഹം….

ഒട്ടും വൈകാതെ പാർവതിയും നന്ദുവും അച്ചുവുമൊക്കെ അവിടെ എത്തി….
എല്ലാവരെയും കണ്ടപ്പോൾ കിച്ചുവിനും ആകെ സന്തോഷമായി…..

ഈയടുത്തകാലത്ത് അവളുടെ മുഖത്ത് ഇത്രയേറെ പ്രകാസമേറിയ ചിരി ആരും കണ്ടുകാണില്ല….

☠️☠️☠️☠️☠️☠️

സമയമെന്ന ഖടികാരം ആർക്കും വേണ്ടി കാത്തിരിക്കാതെ മുന്നോട്ട് ചലിച്ചു….
ഉദയ സൂര്യൻ തന്റെ കുങ്കുമ നിറത്തെ ആവാഹിച്ചു കഴിഞ്ഞിരുന്നു….

പെട്ടെന്ന്….

ആകാശം ഇരുണ്ടതായി മാറി…. സൂര്യദേവൻ കാർമേഖങ്ങൾക്ക് പുറകിൽ ഭയത്തോടെ മറഞ്ഞിരുന്നു…..

പറവകൾ മാനത്തിന് ചുറ്റും ഭ്രാന്ത്‌ പിടിച്ച പോലെ വട്ടമിട്ടു പറന്നു…..
ആ പ്രദേശമാകെ പിടിച്ചു കുലുക്കും വിധം ഒരു ഭീമനായ കഴുകാൻ ചിറകടിച്ചു പറന്നു….

അതിന്റെ കണ്ണുകൾ പൂർണ്ണമായും രക്ത നിറത്തിൽ തിളങ്ങിയിരുന്നു…. അസുര ഗുണമുള്ള ആ കഴുകന്റെ കാലുകളിൽ ഒരു വലിയ നാഗം ചുറ്റി കിടക്കുന്നു…..

കാറ്റിന്റെ ദിശ പോലും അവനു അനുകൂലം ആയിരുന്നു…. മിന്നൽ വേഗത്തിൽ ആ കഴുകൻ തന്റെ ലക്ഷ്യ സ്ഥാനത്തെ നോക്കി മുന്നേറി…..

ആ ചിറകുകൾ പതിയെ ഭൂമിക്ക് നേരെ താഴ്ന്ന് പറന്നു…. കീഴെ കാണുന്നത് വലിയ നെൽവയലുകൾക്ക് നടുക്കായി സ്ഥിതി ചെയ്യുന്ന ഒരു കൊച്ചു വീട് ….

ആ രാക്ഷസ്സ കഴുകൻ ഉച്ചത്തിൽ ശബ്ദം ഉണ്ടാക്കി…. ഒരുതരം അട്ടഹാസം പോലെ…

അവൻ തന്റെ കാലിൽ ചുറ്റപ്പെട്ടിരുന്ന നാഗത്തെ ഭൂമിയിലേക്ക് വലിച്ചെറിഞ്ഞു…..

ആകാശത്തിലൂടെ ഭൂമിയിലേക്ക് വീണ ആ നാഗം ഒരു മനുഷ്യ രൂപം സ്വീകരിച്ചിരുന്നു…

പാമ്പിന്റെ തൊലിയും കണ്ണുകളുമായ ഒരുതരം വികൃത പിറവി….
നാഗാസുരൻ

അസുരത നിറഞ്ഞ ആ ചോര കണ്ണുകൾ അവനു മുന്നിൽ കാണുന്ന ആ ഭവനത്തിൽ പതിച്ചു…..

പാർവതിയുടെ മാതൃ ഭാവനമായ ആ വീട് കാണുമ്പോൾ അവനിൽ പകയും വൈരാഗ്യ ബുദ്ധിയും ആവോളം വന്നു നിറഞ്ഞു…..

പാർവതി എന്ന ശക്തിയിൻ അന്ദ്യം കുറിക്കുവാൻ അവൻ എല്ലാ അർത്ഥത്തിലും തയ്യാറായി കഴിഞ്ഞു….

അവൻ അവിടേക്ക് നോക്കി പതിയെ ചിരിച്ചു…
ചെകുത്താന്റെ മുഖമുള്ള ഒരു അസുരന്റെ ചിരി….

അവനുള്ളിൽ മറഞ്ഞിരുന്ന വിഷം കലർന്ന നീളൻ നാവ് പുറത്തേക്ക് വന്നു…. അത് നീല നിറത്തിൽ ഉഗ്രതയോടെ പ്രകാശിച്ചിരുന്നു….