⚔️ദേവാസുരൻ⚒️ 9 【Ɒ?ᙢ⚈Ƞ Ҡ???‐??】 2457

അവൻ ഒടിഞ്ഞ കാലിൽ മുറുകെ പിടിച്ച് കരഞ്ഞുകൊണ്ട് അവനോട് വേണ്ടയെന്ന് കൈ കൂപ്പി അപേക്ഷിച്ചു….

എന്നാൽ ഇന്ദ്രനിൽ മനുഷ്യത്വത്തിന്റെ ഒരു ചെറു കണിക പോലും ഉണ്ടായിരുന്നില്ല…..

അവൻ അയാളുടെ മുടിയിൽ പിടിച്ച് ആ റോഡിലൂടെ ഉരച്ചു മുന്നോട്ട് വലിച്ചുകൊണ്ടുപോയി….

അവന്റെ ദയനീയമായ കരച്ചിൽ ശബ്ദം അവിടെ മുഴങ്ങി…. ആ ടാറിട്ട റോഡിലൂടെ ഉറഞ്ഞ അവന്റെ മുഖം പകുതിയും വികൃതമായി….

അൽപ്പം മുന്നിട്ട് പോയ ശേഷം ഇന്ദ്രൻ അവനെ ഒരു കൈ കൊണ്ട് കഴുത്തിൽ പിടിച്ച്‌ വളരെ നിസ്സാരമായി പൊക്കിയെടുത്തു….
അയാൾ അവന്റെ കയ്യിൽ കിടന്ന് ശ്വാസമെടുക്കുവാൻ കഷ്ടപ്പെട്ടു….
അവന്റെ കയ്യും കാലും നിലത്ത് സ്പർശിക്കാതെ കിടന്ന് പിടക്കാൻ തുടങ്ങി….

അവനിൽ നിന്നും ജീവൻ പോകും മുന്നേ ഇന്ദ്രൻ അവന്റെ പിടി വിട്ടു….

നിലത്ത് വീണതും അവന്റെ ശ്വാസത്തിനായി മല്ലിട്ടു… ഉയർന്ന രീതിയിൽ ചുമക്കുന്നുമുണ്ടായിരുന്നു… ആ സമയം അവന്റെ ദേഹത്ത് മുഴുവൻ ഒരു മരവിപ്പ് മാത്രമായിരുന്നു….

ആ ഒടിഞ്ഞ കാലിന്റെ വേദന പോലും അവൻ മറന്നു….
ഇന്ദ്രൻ വീണ്ടും അവന്റെ അടുക്കലേക്ക് പോയി…
എന്നിട്ട് കമിഴ്ന്ന് കിടക്കുന്ന അവന്റെ നടുവിലേക്ക് ചവിട്ടി നിന്നു….

അവൻ വേദനയിൽ കരഞ്ഞു…. അതൊന്നും ശ്രദ്ധ കൊടുക്കാതെ ഇന്ദ്രാ അവന്റെ തലയിൽ പിടിത്തമിട്ടു…..

,,,,,,, Now….. You sleep bitch…..

അത്രയും പറഞ്ഞുകൊണ്ട് ഇന്ദ്രൻ അവന്റെ തലയിൽ ഒറ്റ തിരിപ്പിന് ഒടിച്ചു…..

അവനിൽ ശബ്ദമൊന്നും ഉണ്ടായില്ല….
അവനിൽ നിന്നും ബോധം പോയിരുന്നു….

കാറിൽ ഇരുന്നുകൊണ്ട് ഇന്ദു ഇതെല്ലാം കണ്ട് ആകെ ഞെട്ടിയാണ് ഇരിക്കുന്നത്….

ഇന്ദ്രൻ ഇത്രയേറെ ഭയങ്കരനാണെന്ന് അവൾ കരുതിയിരുന്നില്ല…..

പെട്ടെന്ന് ഇന്ദ്രന്റെ പുറത്ത് ഒരു കാൽ പതിച്ചു….
അത് വളരെ ശക്തമായൊരു ചവിട്ടായിരുന്നു….

ഇന്ദ്രൻ മുന്നിലേക്ക് തെറിച്ച് വീണു…..
അവന്റെ പുറത്ത് അൽപ്പം വേദന തോന്നി….
എന്നാൽ അവനത് അത്ര കാര്യമാക്കിയില്ല….