♨️ മനസ്വിനി ?3️⃣ «??? ? ?????» 2945

“ബാക്കി രണ്ടും എന്തിയെ?”

“അവർ വഴിയിൽ ജോയിൻ ചെയ്യും….”

 

ഏകദേശം രണ്ട് കിലോമീറ്റർ കഴിഞ്ഞപ്പോഴേക്കും കണ്ണന്റെ ഫ്രണ്ട്‌സ് ജോയിൻ ചെയ്തു…രണ്ട് ബൈക്കുകളും ഹൈവേയിലൂടെ കൽപ്പറ്റ ഭാഗത്തേക്ക് കുതിച്ചു….

പാതി രാത്രി ആയതു കൊണ്ട് റോഡ് വിജനം ആയിരുന്നു… വല്ലപ്പോഴും കടന്നു പോകുന്ന ലോറികളും ബസുകളും മാത്രം….

തണുപ്പും സ്പീടും എന്റെ പല്ലു കൂട്ടി ഇടിക്കാൻ തുടങ്ങിയിരുന്നു…..കുറച്ചു സമയം കഴിഞ്ഞപ്പോഴേക്കും ശരീരം കാലാവസ്ഥയോട് ഒന്ന് പൊരുത്തപ്പെട്ടു… പതിയെ യാത്ര ആസ്വാദ്യകരമായി…

വയനാടിന്റെ മണമുള്ള, സുഖമുള്ള, കുളിരുള്ള കാറ്റ് എന്നെ തലോടി കടന്നു പോയി… എന്റെ കണ്ണുകൾ പതിയെ അടഞ്ഞു..

 

എന്നെ പൊതിഞ്ഞു നിൽക്കുന്ന തണുപ്പ് അസ്ഥികളിലേക്ക് പടർന്നു കയറുമ്പോലെ ഒരു മുഖം എന്റെ ഉള്ളിൽ പടരാൻ തുടങ്ങി…

നിറയെ പീലികൾ ഉള്ള കുസൃതി നിറഞ്ഞ കണ്ണുകൾ. സംസാരത്തിന്റെ ഭാവത്തിനൊപ്പിച്ചു അവ അടക്കുന്നതും തുറക്കുന്നതും കാണാൻ തന്നെ ഒരു പ്രത്യേക ഭംഗിയാണ്… ചിരിക്കുമ്പോൾ മാത്രം തെളിയുന്ന നുണക്കുഴികൾ അവളുടെ മുഖത്തിന്റെ ഭംഗി ഒരുപാടു കൂട്ടുന്ന പോലേ….

അവളുടെ കണ്ണിന്റെയും കൈകളുടെയും ചലനങ്ങൾ എന്റെ മുന്നിലൂടെ മിന്നി മാഞ്ഞു… ചുണ്ടുകളുടെ കോണിൽ ഒളിപ്പിച്ച ചിരിയുടെ സൗന്ധര്യം അത്രയും ഉണ്ടായിരുന്നു….

 

“ചേട്ടായി…. ഒരു 100 രൂപ കട്ടയിടാൻ ഉണ്ടാവോ????”

കണ്ണൻ തട്ടി വിളിച്ചപ്പോഴാണ് ഞാൻ ഞെട്ടിയത്…. ആ രസം മുറിഞ്ഞ നിരാശയിൽ എനിക്ക് അവനെ കൊല്ലാനുള്ള ദേഷ്യം ആണ് ആദ്യം വന്നത്… പിന്നെയാണ് ഞാൻ അവന്റെ ബൈക്കിനു പുറകിലാണ് എന്ന് ബോധം വന്നത്…

“ഏഹ്ഹ്…. എന്താ….”

“ഒരു നൂറു രൂപ.. പെട്രോൾ അടിക്കാൻ… എന്റേൽ നൂറേ ഉള്ളു….”

“നീ പമ്പിലേക്ക് വിട്…..”

കണ്ണൻ ബൈക്ക് പമ്പ് ലക്ഷ്യമാക്കി പായിച്ചു….

 

“ചേട്ടായി…..”

“മ്മ്…”

“അല്ല…. ചേട്ടായി ഒറക്കം ആയിരുന്നോ…. ഞാൻ ചോദിച്ചതിനൊക്കെ മൂളിയത് കൊണ്ട് ഞാൻ ശ്രദ്ധിച്ചില്ല… ഉറങ്ങി വീഴാതിരുന്നത് ഭാഗ്യം…”

“ഏയ്യ്.. ഉറങ്ങിയില്ല… ഞാൻ ഓരോന്ന് ഓർത്തു ഇരുന്നതാ….”

“ചേട്ടായി… ആരാ ആള്……???”

“ഏഹ്ഹ്…. ആര്….?”

“ഒന്ന് പോ ചേട്ടായി… ഉരുളാതേ….”

“ഉവ്വ… ഒന്ന് പോടാ….”

“മ്മ്.. മ്മ്… ഞാൻ പിടിച്ചോള……”

“അധികം നിന്നു കിണിക്കാതെ നീ വണ്ടി വിട് മോനെ…..”