♨️ മനസ്വിനി ?3️⃣ «??? ? ?????» 2945

ഓഫീസിൽ കാര്യമായ വർക്കുകൾ ഒന്നും ഇല്ല ഇപ്പോൾ…. രാജീവ് സർ ന്റെ ഒരു വർക്ക് മാത്രം ആണ് നടന്നു കൊണ്ടിരിക്കുന്നത്…. വെറുതെ ഇരുന്ന് ബോർ അടിക്കുമ്പോൾ ഇടക്ക് സാറിന്റെ കൂടെ കൂടും…. സാറിന് ജോലി എളുപ്പവും ആകും, എനിക്ക് വർക്ക് പഠിക്കുകയും ചെയ്യാം….

ഒരു ആഴ്ച പെട്ടെന്ന് കടന്നു പോയി… വിശേഷങ്ങൾ ഒന്നും ഇല്ലെന്ന് പറഞ്ഞൂടാ… AEE സരസ്വതി മാഡത്തിന് ട്രാൻസ്ഫർ ആണ്… കോഴിക്കോടേക്ക്… ഓൺ റിക്വസ്റ്റ്… ചൊവ്വാഴ്ച റിലീവ് ആകും….

 

2019 ഏപ്രിൽ 28

ഞായർ

ഇച്ചിരി പണി ഉണ്ടായിരുന്നു…. വണ്ണാമ്പല ഒക്കെ ക്ലീൻ ആക്കി, വീടൊക്കെ ഒന്ന് അടിച്ചു തുടച്ചു… വീടിനു കുറച്ചു മാറി ഒരു പുഴയുണ്ട്… ഒഴിവു ദിവസങ്ങളിൽ ഇപ്പൊ കുളി അവിടെ നിന്നാണ്… നട്ടുച്ചക്ക് പോലും നല്ല തണുപ്പാണ് വെള്ളത്തിന്…

കുളി കഴിഞ്ഞു ഒരു ചായയും കുടിച്ചു മൊബൈലിൽ സിനിമ കാണുന്നതിനിടയിലാണ് മണി ചേട്ടന്റെ മകൻ കണ്ണൻ വിളിക്കുന്നത്…..

 

“ഹലോ സാറേ….. ഞാനാ കണ്ണനാ…..”

“ഡാ…. നിന്നോട് ഞാൻ പല പ്രാവശ്യം പറഞ്ഞിട്ടുണ്ട്…”

“അയ്യോ സോറി… ശീലത്തിന്റെ പേരിൽ അറിയാതെ വന്ന് പോകുന്നതാ….”

“മ്മ്… എന്താ പരിപാടി…??? വെറുതെ നീ വിളിക്കാറില്ലലോ…..”

“ഒരു കാര്യം ഉണ്ട് ചേട്ടായി… ഞങ്ങള് ഫ്രണ്ട്‌സ് ഒരു നൈറ്റ് ഡ്രൈവ്നു പോകുവാ… ചേട്ടായി വരുന്നോ എന്ന് അറിയാനാ….”

“അതെന്ത് ചോദ്യാ… ഞാൻ ഇന്നലേ റെഡി…. എങ്ങനാ പോണേ.. കാർ ആണോ…”

“അല്ല… ബൈക്ക്… 2 ബൈക്ക് 4 പേര്….”

“ഓ… എങ്ങോട്ടാ…”

“അത് സർപ്രൈസ്… വൈകിട്ട് ഒരു ഉറക്കം ഒക്കെ കഴിച്ച് ഒരു 12 മണി ആകുമ്പോഴേക്ക് റെഡി ആയിക്കോ… ഞാൻ വന്ന് പിക്ക് ചെയ്തോളാം…”

“ഡീൽ….”

 

നാട്ടീനു പോന്നതിൽ പിന്നെ ഏറ്റവും കൂടുതൽ മിസ് ചെയ്യുന്നതിൽ ഒന്നാണ് ഫ്രണ്ട്സുമായിട്ടുള്ള കറക്കം…. നാട്ടിലെ പിള്ളേര് കുറച്ചു മുൻപ് വിളിച്ചു വെച്ചതെ ഉള്ളു.. അവര് പൈതൽമല കയറി ഇന്ന്.. ഞാൻ ശെരിക്കും മിസ് ചെയ്തിരുന്നു അത് കൊണ്ട് തന്നെ ഇപ്പൊ ഈ യാത്ര എനിക്ക് ഒരു ആശ്വാസം ആണ്……മൊബൈൽ പൂട്ടി വെച്ചു നേരെ അടുക്കളയിലേക്ക് ചെന്നു….രാത്രിയിലേക്കുള്ള കഞ്ഞിയും ചെറുപയറ് കറിയും ഒന്ന് ചൂടാക്കി…ഹോട്ടൽ ഫുഡ് മടുത്തപ്പോൾ പതിയെ സ്വയം പാചകം തുടങ്ങിയിരുന്നു..…

 

11.30 നു അലാറം വെച്ചിട് കിടന്നു… കുറെ നേരം തിരിഞ്ഞും മറഞ്ഞും കിടന്നെങ്കിലും സമയം തെറ്റി ആയതു കൊണ്ട് ഉറക്കം വരുന്നില്ല…. മൊബൈലിൽ കുറച്ചു പഴയകാല ഗാനങ്ങൾ പ്ലേ ചെയ്തു. കുറച്ചു സമയത്തിന് ശേഷം മനസ്സിലെ മറ്റു ചിന്തകളൊക്കെ ഒഴിഞ്ഞു പോയി പതിയെ ഉറക്കം തലോടി….

പതിനൊന്നരയ്ക്ക് എഴുന്നേറ്റ് അലാറം ഓഫ് ചെയ്തു ഒന്ന് ഫ്രഷ് ആയി…. കയ്യിലുണ്ടായിരുന്ന സ്വെറ്റർ എടുത്തിട്ടു… അപ്പോഴേക്കും കണ്ണനും എത്തിയിരുന്നു…

വീട്ടിൽ നിന്നും ഇറങ്ങി കണ്ണന്റെ ബൈക്കിൽ ഞങ്ങൾ രണ്ട് പേരും പുറപ്പെട്ടു…