ഹൃദയരാഗം 10 [Achu Siva] 675

അവൾ വീനയ്ടെ മുഖത്തേക്ക് വീണ്ടും നോക്കി …എവിടുന്നു ???നോ രക്ഷ…പഴയ അതെ expression…ഒരു മൈൻഡും ഇല്ലന്നെ …ദേഷ്യം തീർക്കാൻ അവൾ മുകളിൽ പോയി കിടന്നു നന്നായിട്ട് അങ്ങ് ഉറങ്ങി …

ഉച്ചക്ക് ശാരദാമ്മ അവൾക്കു പൊടിയരി കഞ്ഞി ഒക്കെ ഉണ്ടാക്കി അവളെ അത് മുഴുവൻ കഴിപ്പിച്ചു …അവർ കൂടെ തന്നെ ഇരുന്നു അവളെ നല്ലോണം കെയർ ചെയ്തു …അവൾക്കും അവരോടു ചെറിയ ഒരു അടുപ്പം ഒക്കെ തോന്നി …വിനയ് വീട്ടിൽ തന്നെ ഉണ്ടായിട്ടും രാവിലത്തേതിന് ശേഷം അവളുടെ അടുത്തേക്ക് വരുകയോ ഒന്നും മിണ്ടുകയോ ചെയ്തില്ല ..അത് അവളിൽ എന്തെന്നില്ലാത്ത നിരാശ ഉളവാക്കി …

രാത്രി ആയപ്പോഴേക്കും വാസൂന്റെ പനി ഒക്കെ നന്നായി കുറഞ്ഞിരുന്നു …കിടക്കാൻ നേരം പോലും വിനയ് അവളെ ഒരു നോട്ടം കൊണ്ടു പോലും കടാക്ഷിച്ചില്ല …അത് കൊണ്ടു തന്നേ എത്ര  തിരിഞ്ഞും മറിഞ്ഞും കിടന്നിട്ടും അവൾക്കു ഉറങ്ങാനേ കഴിഞ്ഞില്ല …

വിനയ് ഉറങ്ങിയെന്നു മനസ്സിലായപ്പോൾ അവൾ ബെഡിൽ എണീറ്റിരുന്നു ..എന്റെ ഉറക്കം കളഞ്ഞിട്ട് കിടന്നു ഉറങ്ങണതു കണ്ടില്ലേ മൊശകോടൻ …ഇപ്പോ കാണിച്ചു  തരാം …അവൾ വെറുതെ ഇരുന്നു ചുമയ്ക്കാൻ തുടങ്ങി …വിനയ്ടെ ഭാഗത്തൂന്നു അനക്കം ഒന്നുമില്ല …പിന്നെയും അവൾ വോളിയം കുറച്ചു കൂടി കൂട്ടി അത് തന്നെ ആവർത്തിച്ച് കൊണ്ടിരുന്നു …വിനയ് ലൈറ്റ് ഓൺ ചെയ്തു അവളുടെ അരികിലേക്ക് ഓടി വന്നു …

എന്താ …എന്താ  വാസു ….എന്തെങ്കിലും വയ്യാഴിക തോന്നുന്നുണ്ടോ …?

അത് …അ…ത് …വല്ലാത്ത ..ഒ ..രു …ചുമ …പോലെ ..
അവൾ സംസാരിക്കാൻ ബുദ്ധിമുട്ടുള്ള പോലെ നന്നായിട്ട് ആക്ട് ചെയ്തു ..

അയാൾ അപ്പുറത്തായി  വെച്ചിരുന്ന വെള്ളം എടുത്ത് കൊണ്ടു വന്നു അവൾക്കു കുടിക്കാൻ കൊടുത്തു ..അവളതു വാങ്ങി കുടിച്ചു …

ഇപ്പോ എങ്ങനുണ്ട് ?

ഇപ്പൊ നല്ല കുറവുണ്ട് ??????

Ok.എങ്കിൽ ഇനി ഉറങ്ങിക്കോളൂ ..അയാൾ അവിടെ നിന്നും എഴുനേറ്റു പോയി …

അവൾ വീണ്ടും കിടന്നു കണ്ണുകൾ അടച്ചു ..

അപ്പൊ മിണ്ടാൻ ഒക്കെ അറിയാം അല്ലേ ..അവളുടെ മനസ്സിൽ എന്തെന്നില്ലാത്ത ഒരു സന്തോഷം വന്നു നിറഞ്ഞു..തനിക്കെന്താണ് സംഭവിക്കുന്നത് വിനയേട്ടന്റെ അവഗണന എനിക്കെന്താണ് സഹിക്കാൻ പറ്റാത്തത് ..മിണ്ടാതിരുന്നപ്പോൾ വല്ലാതെ വീർപ്പു മുട്ടിയത് എന്ത് കൊണ്ടാണ് ..അയാളുടെ സാമിപ്യം പെട്ടന്ന് എന്നെ സന്തോഷിപ്പിച്ചത് എന്ത് കൊണ്ടാണ് …ഇതിന്റെ പേരല്ലേ പ്രണയം ..അതെ വാസുകി നീ അയാളെ സ്നേഹിച്ചു തുടങ്ങിയിരിക്കുന്നു …നീ പോലും അറിയാതെ  …തന്റെ ഈ ചിന്തകളെ കൂട്ടുപിടിച്ചു പതിയെ അവൾ ഉറക്കത്തിലേക്കു വീണു …

പനി നന്നായി കുറഞ്ഞത്  കൊണ്ടു തന്നെ പിറ്റേന്ന് അവൾ കോളേജിൽ പോകാൻ തന്നെ തീരുമാനിച്ചു …അവൾ  നേരത്തെ എഴുനേറ്റ് കുളിയൊക്കെ പാസ്സാക്കി  കണ്ണാടിയുടെ മുന്നിൽ വന്നു നിന്നു പതിവിലും  നന്നായിട്ട് അങ്ങ് ഒരുങ്ങി …എന്നിട്ടു കുറെ നേരം അതിലേക്കു നോക്കി സ്വന്തം ഭംഗി ആസ്വദിച്ചു ….????