ഹൃദയരാഗം 10 [Achu Siva] 675

കുറച്ചു സമയം അങ്ങനെ ഇരുന്നതിന് ശേഷം വിനയ് താഴേക്ക് പോയി …അവളുടെ നെറ്റിയിൽ നനച്ചിടാനുള്ള തുണിയും വെള്ളവുമൊക്കെയായി തിരികെ റൂമിലേക്ക് വന്നു …വെള്ളത്തിൽ മുക്കിയ തുണി നെറ്റിയിൽ പതിഞ്ഞപ്പോൾ അവൾ ഒന്ന് ചിണുങ്ങി …പക്ഷേ ഉണർന്നില്ല ….അവൾക്കു വല്ലാതെ തണുക്കുന്നുണ്ടെന്നു മനസ്സിലാക്കിയ വിനയ് ഫാനിന്റെ സ്പീഡ് വളരെ കുറച്ചു ഇട്ടു …

വീണ്ടും അവൾക്കരികിൽ വന്നിരുന്നു …അരയ്ക്കു താഴേയ്ക്ക് സ്ഥാനം മാറി പോയിരുന്ന പുതപ്പ് എടുത്ത് അവളുടെ കഴുത്തറ്റം വരെ പുതപ്പിച്ചു …പെട്ടന്ന് അവൾ രണ്ടു കൈ കൊണ്ടും അയാളുടെ ഇടതു  കൈയിൽ കടന്നു പിടിച്ചു  ..

“ഞാനും നിങ്ങടെ കൂടെ വരുന്നു . എന്നെയും നിങ്ങളുടെ കൂടെ കൊണ്ടു പോ വിച്ചേട്ടാ …”

വിനയ് വല്ലാത്ത നിസ്സംഗതയോടെ അവളുടെ മുഖത്തേക്ക് നോക്കി …അതിനു ശേഷം തന്റെ  വലതു കൈ കൊണ്ടു അവളുടെ പിടുത്തം വിടുവിക്കാൻ മാക്സിമം ട്രൈ ചെയ്തു ..പക്ഷേ അവളുടെ കൈയിലെ പിടുത്തം കുറെക്കൂടി ശക്തിയായി മുറുകി …അവളുടെ ഉറക്കത്തെ തടസ്സപ്പെടുത്താൻ വിനയ്ടെ മനസ്സ് തീരെ ആഗ്രഹിച്ചിരുന്നില്ല    …അവൻ പതിയെ അവളുടെ വലതു സൈഡിലായി ഇരുന്നു …അപ്പോഴും അവൾ കൈയിലെ പിടിത്തം വിട്ടിട്ടുണ്ടായിരുന്നില്ല .അവൾ വിനയ് ഇരുന്ന സൈഡിലേക്ക് തിരിഞ്ഞു കിടന്നു അവന്റെ കൈകൾ എടുത്തു അവളുടെ കഴുത്തിനും നെഞ്ചിനും ഇടയിലായി വെച്ച് രണ്ടു കൈ കൊണ്ടും പൊതിഞ്ഞു പിടിച്ചു ചുരുണ്ടു കൂടി കിടന്നു . 

അൽപ സമയം കഴിഞ്ഞപ്പോൾ വിനയ് കട്ടിലിന്റെ പടിയിൽ ഒരു പില്ലോ ഉയർത്തി വെച്ച് അതിൽ ചാരി കിടന്നു നിദ്രയെ പുൽകി ..

ഈ സമയമത്രയും ദൂരെ ടേബിളിൽ ആയി ഇരുന്ന  വാസുകിയുടെ മൊബൈൽ നവീന്റെ മെസ്സേജുകളും കോളുകളും കൊണ്ടു തിങ്ങി നിറയുന്നുണ്ടായിരുന്നു ….

കിടപ്പിലെ ബുദ്ധിമുട്ട് കൊണ്ടാകാം വിനയ് വളരെ നേരത്തെ തന്നെ ഉറക്കമുണർന്നു …തന്റെ കൈ വിടാതെ ചേർത്ത് പിടിച്ചു ഉറങ്ങുന്ന വാസുകിയുടെ മുഖം അയാളിൽ ഒരു പുഞ്ചിരി സൃഷ്ടിച്ചു …പിടുത്തതിന്റെ ശക്തി മുമ്പത്തേതിനേക്കാൾ ദുർബലമായതിനാൽ അവൾക്കു disturbance ഉണ്ടാക്കാത്ത വിധത്തിൽ വിനയ് തന്റെ കൈ അവളിൽ നിന്നും വേർപെടുത്തി ബെഡിൽ നിന്നും എഴുനേറ്റു ….പനി കുറഞ്ഞിട്ടുണ്ട് എന്ന് തൊട്ട് നോക്കി ഉറപ്പു വരുത്തി അവിടെ നിന്നും പോയി …

കുറച്ചു സമയം കഴിഞ്ഞപ്പോൾ അവൾ പതിയെ കണ്ണുകൾ തുറന്നു ..തലയ്ക്കു വല്ലാത്ത ഭാരം അനുഭവപെട്ടു …അവൾ പുതപ്പൊക്കെ എടുത്ത് മാറ്റി എഴുനേറ്റ് ഇരുന്നു …ഞാൻ ഇന്നലെ എപ്പഴാ ഉറങ്ങിപോയത് …വിനയേട്ടൻ ഇവിടെ ഉണ്ടായിരുന്നില്ലേ ….എന്നോട് ദേഷ്യം ഉണ്ടാകും …ഇവിടെ ഉണ്ടാകുമോ …താഴേക്ക്  പോയി നോക്കിയാലോ …അവൾ പതിയെ ബെഡിൽ നിന്നും എണീക്കാൻ തുടങ്ങി …വല്ലാത്ത ക്ഷീണം  ഉണ്ടായിരുന്നു അവൾക്കു …അതെ സമയം തന്നെ വിനയ്  അവിടേക്ക് കയറി വന്നു …

അവൾ അയാളെ ക്ഷീണിതയായ മുഖത്തോടെ ഒന്ന് നോക്കി ..