ചതുർസേനാ മേധാവികൾക്ക് ഹാനോൾഡ് തന്റെ അവസാനകല്പന നൽകിയ ശേഷം അനുചരരുടെയും ഏതാനും സൈനികരുടെയും സഹായത്തോടെ പെൺകുട്ടികളും കൊച്ചുകുട്ടികളുമടങ്ങുന്ന ആ ബന്ദിസംഘത്തെയും കൊണ്ട് തിരികെ കപ്പലിലേക്ക് എന്നെന്നേക്കുമായി മടങ്ങി.
****************************************************************
ചതുരംഗസേന, നിക്കോളസിനെയും അദ്ദേഹത്തിന്റെ കുടുംബത്തെയും വധിച്ചതിന്റെ അധിക വിശദാംശങ്ങൾ ഇവിടെ വിവരിക്കാൻ മനസാക്ഷിയെന്നെ അനുവദിക്കുന്നില്ലെങ്കിലും സാധ്യമായ വിവരങ്ങളെല്ലാം ഈ ലേഖനത്തിൽ പറയാം.
• ഒന്നാം ഇര : മേയർ നിക്കോളസ് ഷൂൾട്സ്.
• പ്രായം – 56
• മരണഹേതു :- പുറകുഭാഗത്ത്‌ ഘടിപ്പിച്ച ഉത്തോലനദണ്ഡ് ഉപയോഗിച്ച് കുറുകെയുള്ള കൈകളുടെ നീളം ക്രമപ്പെടുത്താവുന്ന പലക കനത്തിലുള്ള, കൂർത്ത മുള്ളാണികൾ നിറഞ്ഞ തലതിരിഞ്ഞ കുരിശിൽവെച്ച് തലകീഴായി തറയ്ക്കപ്പെടുകയും
കൈകൾ തറയ്ക്കപ്പെട്ട കുരിശു പലകകളുടെ നീളം വർധിപ്പിച്ച് കൈകളിലെ അസ്ഥികൾ തകർത്ത ശേഷം മുൻപ് ഹാനോൾഡിന് ലഭിച്ച കിഴിയിലെ 30 വെള്ളിപണവും സൈനികർ തിളയ്ക്കുന്ന ലോഹദ്രാവകമാക്കി ഉരുക്കിയെടുത്ത് ഇരയുടെ കാൽപാദങ്ങളിൽ ഒഴിച്ചു.
എന്നാൽ ഒന്നാം ഇര, സൈനികർ കുരിശിൽ തറച്ചപ്പോൾ തന്നെ കുരിശിലെ മുള്ളാണികളിൽ നിന്നുണ്ടായ മുറിവുകളിൽ നിന്ന് രക്തം വാർന്ന് മരണപ്പെട്ടിരുന്നു.
• രണ്ടാം ഇര : ഹെലേന മരിയാ വെർണർ
( ലേഡി ഷൂൾട്സ് )
• പ്രായം : 49
• മരണഹേതു :- ( ഷൂൾട്സ് കുടുംബത്തിൽ ഏറ്റവും ദാരുണമായതും നിഷ്ഠൂരവുമായ കൊലയ്ക്ക് ഇരയായത് ഹെലേനയാണ് )
നഗരത്തിലുണ്ടായിരുന്ന ഇരുമ്പുവിളക്ക് തൂണുകളിൽ കൈകാലുകൾ ചങ്ങലയാൽ ബന്ധിപ്പിക്കപ്പെട്ട ഹെലേനയുടെ നഗ്നമായ സ്തനങ്ങളിൽ, സൈനികർ ഒരു എട്ടുകാലിയുടെ ആകൃതിയിലുള്ള ഇരുമ്പുകമ്പി കൊണ്ടുണ്ടാക്കിയ പ്രേത്യേകതരം മർദ്ദനോപകരണം തീയിൽ പഴുപ്പിച്ചു ഘടിപ്പിച്ച് മെല്ലെ മെല്ലെ വലിച്ചെടുത്തതും കൊടിയ മരണവേദനയോടെ മരിച്ചുകൊണ്ടിരുന്ന
അവരുടെയാ ശരീരഭാഗം ശരീരത്തിൽ നിനടർന്ന് ചെറിയൊരു രക്തപിണ്ഡമായി മണ്ണിലേക്ക് വീണു. എന്നിട്ട് അവരെ ജീവനോടെ തൊലിയുരിച്ച ശേഷം അതേ വിളക്കുകാലിലിട്ട് ചുട്ടുകൊന്ന് അവരുടെ നരകവേദന എന്നെന്നേക്കുമായി അവസാനിപ്പിച്ചു.
• മൂന്നാമത്തെയും നാലാമത്തെയും ഇരകൾ : അലെക്സിയസ് ഷൂൾട്സ് & ബെനഡിക്റ്റസ് ഷൂൾട്സ്. (നിക്കോളസിന്റെയും ഹെലേനയുടെയും ഇരട്ടകളായ ഇളയ സന്താനങ്ങൾ )
•പ്രായം – 21
• മരണഹേതു :- സൈനികർ തങ്ങളുടെ കൈവശമുണ്ടായിരുന്ന മൂർച്ചയുള്ള ആയുധങ്ങളുപയോഗിച്ച് ഇരകൾ രണ്ടുപേരുടെയും ഉദരത്തിലെ പൊക്കിൾ ഭാഗത്ത് നാണയവലുപ്പത്തിലുള്ള ഒരു ദ്വാരവും ശരീരത്തിലെ പ്രധാനപ്പെട്ട നാഡിഞെരമ്പുകളിൽ ചെറുമുറിവുകളും സൃഷ്ടിച്ച ശേഷം രണ്ടു പേർക്ക് കഷ്ടിച്ച് കിടക്കാവുന്നതും പിൻഭാഗത്ത് പുറത്തേക്ക് ഒറ്റ ദ്വാരം മാത്രമുള്ളതുമായ മുകൾമൂടിയോട് കൂടിയ, മനുഷ്യരൂപത്തിലുള്ള ഒരു ഇരുമ്പ് പേടകത്തിൽ കിടത്തി പേടകം പൂർണമായും അടച്ചു.