സുൽത്വാൻ

Author :ജിബ്രീൽ

കോളേജിന്റെ ഗേറ്റ് കടക്കുമ്പോൾ അവൻ തല ഉയർത്തി നോക്കി ജാമിയ ആർട്ട്സ് ആൻഡ് സയൻസ് കോളേജ് ശാന്തപുരം ആ ബോർഡിലേക്ക് കുറച്ച് നേരം നോക്കി നിറഞ്ഞു വന്ന കണ്ണുകൾ അമർത്തി തുടച്ചു 

വളരെ ലൂസായ ഒരു ഷർട്ടും ഒരു സ്ലിപ്പറും ധരിച്ച് തോളോടപ്പം മുടിയും കട്ടതാടിയുമായി അവൻ കോളേജിലേക്ക് കയറി 

“ഡാ മുടിയാ ” വിളി കേട്ട് അവൻ തിരിഞ്ഞു നോക്കിയപ്പോൾ കാണുന്നത് പാർക്കിങ്ങിൽ നിർത്തിയിട്ടിരികുന്ന ഒരു ജി പ്സിക്ക് മുകളിൽ ഒരുത്തൻ ഇരിക്കുന്നു അതിന് താഴെയായി മൂന്ന് ആൺകുട്ടികളും ഒരു പെൺകുട്ടിയും ഉണ്ടായിരുന്നു 

” ഡാ നിന്നെ തന്നെ ഇങ്ങ് വാ ” ഒരു കറുത്ത ടീ ഷർട്ട് ധരിചവനാണ് വിളിച്ചത് 

അവൻ അവരുടെ അടുത്തേക്ക് നടന്നു 

“ഡാ എന്താ നിന്റെ പേര് ” കുട്ടത്തിൽ വളരെ അധികം മസിലുള്ള ഒരു ജിമ്മൻ അവനോട് ചോദിച്ചു

“ഷിബിൻ ” അവന്റെ ശബ്ദം വളരെ പതുക്കെ യായിരുന്നു 

“നീ കുളിക്കാറില്ലേ ” ഷിബിന്റെ മുടിയിൽ പിടിച്ച് ജിമ്മൻ ചോദിച്ചു 

അവൻ ഉണ്ടെന്നെ രീതിയിൽ തല കുലക്കി 

 “പക്ഷേ കണ്ടാ പറീലേല്ലേ അബു ” ഷിബിനെ വിളിച്ച കറുത്ത ടീ ഷർട്ട് ഇട്ടവൻ ജിമ്മനോടായി പറഞ്ഞു