ശ്രീ നാഗരുദ്ര ? ???? പന്ത്രണ്ടാം ഭാഗം – [Santhosh Nair] 1086

ജോലികൾ എല്ലാം തീർത്തു അവൻ അല്പം നേരത്തെതന്നെ ഇറങ്ങി. അഞ്ചുമണിയ്ക്കു ഫ്ലാറ്റിലെത്തിയ അവനെ കണ്ടു അക്കാ അത്ഭുതപ്പെട്ടു. അവൻ മുറിയിൽ കയറി ഫ്രഷ് ആയി വന്നു പൂജാമുറിയിൽ കയറി പ്രാർത്ഥിച്ചു. പിന്നീട് സിറ്റിംഗ് റൂമിലേയ്ക്ക് വന്നയുടനെ അക്കാ ചായ കൊടുത്തു. ചായ കുടിച്ചുകൊണ്ട് അൽപനേരം അവൻ സംസാരിച്ചുകൊണ്ടിരുന്നു. ഇന്നു ഭക്ഷണം വെളിയിലാകാമെന്നു പറഞ്ഞു അവൻ അണ്ണനോടും തമ്പിയോടും മോളോടും പെട്ടെന്നു തയാറായി വരാൻ അക്കായോട് പറഞ്ഞു.

ഉത്സാഹത്തോടെ അവർ മുകളിലെ ക്വാർട്ടേഴ്സിൽ പോയി എല്ലാരേയും കൂടിവന്നു. ശ്രീകുമാർ വെള്ള വേഷ്ടിയും ഷർട്ടും ആണ് ധരിച്ചത്. പെട്ടെന്നു തന്നെ അവർ പുറപ്പെട്ടു. രാജാജി നഗറിലുള്ള ഇസ്കോൺ ക്ഷേത്രത്തിലേക്കാണ് അവർ പോയത്. തിരക്ക് പിടിച്ച ട്രാഫിക് ആയതിനാൽ എത്തിച്ചേരാൻ ഒന്നര മണിക്കൂറിൽകൂടുതൽ ആയി.

നാമം ജപിച്ചുകൊണ്ടു പടികൾ കയറി നരസിംഹരെയും ശ്രീനിവാസനെയും സുദർശനെയും ഗരുഡനെയും കൃഷ്ണ ബലരാമന്മാരെയും രാധാറാണിയെയും നിത്തായി-ഗൗരംഗരെയും പിന്നീട് ഗുരു ശ്രീല പ്രഭപാദരെയും തൊഴുത് വെളിയിൽ വരാൻ ഒരു മണിക്കൂറോളമായി.

പിന്നീട് താഴേയ്ക്കിറങ്ങി ബുക്ക് സ്റ്റാൾ, സ്നാക് സ്റ്റാൾ എല്ലാം കറങ്ങി കുറച്ചു പ്രസാദം സ്നാക്ക്സ് ഒക്കെ കഴിച്ച ശേഷം താഴെ ഇറങ്ങി വന്നു ഖിച്ചടി പ്രസാദവും കഴിച്ചശേഷം അവിടുത്തെ റസ്റ്ററന്റിൽ എത്തി. ഈ റെസ്റ്ററന്റിലെ വേദിക് കാപ്പി വളരെ ഫേമസ് ആണ് (കാപ്പിപ്പൊടി ഇല്ലാത്ത കാപ്പി). മസാലദോശ, നെയ് റോസ്‌ട്, പൂരി സാഗു, മിനി ടിഫൻ, റൊട്ടി ഷാഹി പനീർ, വെജ് ബിരിയാണി അങ്ങനെ എല്ലാവര്ക്കും ഇഷ്ടപ്പെട്ട വിഭവങ്ങൾ മേശയിൽ നിരന്നു.

പിന്നീട് ബിൽ പേ ചെയ്തശേഷം ഇറങ്ങിയ അവർ ഒരു സിനിമ കാണാൻ തീരുമാനിച്ചു പുറപ്പെട്ടു.

പത്തുമണിയ്ക്കുള്ള ഷോയ്ക്ക് ടിക്കറ്റ് കിട്ടി. തമ്പിയ്ക്കും മോൾക്കും കാണണം എന്ന് പറഞ്ഞതുകൊണ്ട് മജെസ്റ്റിക്കിൽ ഉള്ള ഒരു തിയേറ്ററിൽ ഓടുന്ന കന്നഡ സൂപ്പർ സ്റ്റാർ പുനീത് രാജ്‌കുമാറിന്റെ ഒരു തമാശപ്പടമായിരുന്നു കാണാൻ പോയത്. നല്ല പടം, എല്ലാവരും നന്നായി എന്ജോയ് ചെയ്തുകൊണ്ടിരുന്നു . പടത്തിലെ ചില റൊമാന്റിക് ഭാഗങ്ങൾ വന്നപ്പോഴൊക്കെ എവിടെനിന്നോ മുല്ലപ്പൂവിന്റെ മണം വരുന്നതുപോലെ അവനു തോന്നി.

പടം കഴിഞ്ഞപ്പോൾ ഇറങ്ങി കുറച്ചു ദൂരെയായി കണ്ട ബാസ്കിന് റോബിൻസ് ഐസ് ക്രീം ഷോപ്പിൽ എത്തി. ഫിഗ് ആൻഡ് ഹണി ശ്രീകുമാറിന്റെ ഫേവറൈറ് ആണ്. തമ്പിയും മോളും അവരുടെ ഫേവറൈറ് ഫ്ലേവർ ഓരോ മിനി ഫാമിലി പാക്ക് ആണ് വാങ്ങിയത്. കുഞ്ഞു കുട്ടികളെപ്പോലെയാണ് ഒഴിവു സമയങ്ങളിലൊക്കെ അവർ ശ്രീകുമാറിന് മുൻപിൽ പെരുമാറുന്നത്. എന്നാൽ തിങ്കൾ മുതൽ വെള്ളി വരെയുള്ള ജോലി സമയത്തു ഭയങ്കര ബഹുമാനവും – വായ തുറക്കില്ല. ഇതൊക്കെ ശ്രീകുമാർ നന്നായി രസിയ്ക്കാറുമുണ്ട് താനും.