ശിവാത്മിക X [മാലാഖയുടെ കാമുകൻ] 1486

ശിവാത്മിക X

Author :മാലാഖയുടെ കാമുകൻ

Previous Part

“അവസാന ആഗ്രഹം എന്തെങ്കിലും..? ഒരു പതിവ് ചോദ്യം ചോദിച്ചു എന്ന് മാത്രം…”

അഭിരാമി ശിവയെ നോക്കി ചോദിച്ചുകൊണ്ട് വാളിന്റെ അറ്റം അവളുടെ നെഞ്ചിൽ മെല്ലെ തട്ടിച്ചു. അല്പം മുറിഞ്ഞു ചോര പൊടിഞ്ഞു..

ശിവ ഒന്നും മിണ്ടിയില്ല. നിസ്സംഗ ഭാവം ആയിരുന്നു..

പെട്ടെന്നാണ് പ്രിൻസ് ചാടി എഴുന്നേറ്റ് കാലു വീശി അടിച്ചത്..

സൂര്യയുടെ കയ്യിൽ നിന്നും ഗൺ തെറിച്ചു വീണുപോയി..

അവൻ അലർച്ചയോടെ തലവച്ചു അവളുടെ വയറിൽ ഇടിച്ചു ഭിത്തിയിൽ കൊണ്ടുപോയി ഇടിച്ചു..

അത് കണ്ട് വെട്ടിത്തിരിഞ്ഞ അഭിരാമി വാളിന്റെ പിടി വച്ച് പ്രിൻസിന്റെ തലക്ക് ആഞ്ഞൊരു കുത്തു കൊടുത്തപ്പോൾ അവൻ ബോധം മറഞ്ഞു അലച്ചു വീണു..

“അച്ചായാ…”

ശിവയും ആലീസും ഒരുപോലെ വിളിച്ചു.. കരഞ്ഞുകൊണ്ട്..

അഭിരാമി ചെന്ന് ആലീസിന്റെ തലയിലും ആഞ്ഞു അടിച്ചു. അവളും നിലത്തേക്ക് വീണു..

“സൂര്യ..? എവിടെയാണ് നിന്റെ ശ്രദ്ധ..?”

അവൾ സൂര്യയെ നോക്കി അലറി.. സൂര്യ പേടിച്ചു തലതാഴ്ത്തി..

“സോറി മാസ്റ്റർ.. പ്ലീസ് ഫോർഗിവ്…”

അവൾ മുട്ടുകാലിൽ നിന്ന് വിറച്ചുകൊണ്ട് പറഞ്ഞപ്പോൾ അഭിരാമി ഒന്ന് മൂളി..

“അവരെ അവിടെ കൊണ്ടുപോയി ഇരുത്ത്.. അവർ കാണണം.. ലെറ്റ് തേം സീ.”

അവൾ ആജ്ഞാപിച്ചപ്പോൾ സൂര്യ പ്രിൻസിനെയും ആലീസിന്റയും വലിച്ചു കൊണ്ടുപോയി ഭിത്തിയിൽ ചാരി ഇരുത്തി..

കുറച്ചു വെള്ളം എടുത്തു അവരുടെ തലയിൽ കൂടെ ഒഴിച്ച് ബോധം തെളിച്ചു..

“പ്ലീസ് അഭി.. അവൾ പാവം ആണ്.. പ്ലീസ്..”

പ്രിൻസ് മെല്ലെ പറഞ്ഞു..

“എന്റെ നിരഞ്ജൻ പാവം ആയിരുന്നു.. നോ പ്രിൻസ് നിന്നെ സ്നേഹിക്കുന്ന, നീ സ്നേഹിക്കുന്ന ഇവളുടെ ജീവൻ പൊകുന്നത്‌ നീ കാണണം..”

അഭിരാമി അത് പറഞ്ഞു വീണ്ടും ശിവയുടെ മുൻപിൽ എത്തി.