വൈഷ്ണവം 3[മാലാഖയുടെ കാമുകൻ] 1271

അവൾ ചിരിച്ചു..

ഞാൻ അവളുടെ കണ്ണുകളിലേക്ക് നോക്കി.. കുസൃതി ആണ് ഭാവം.. എന്തൊരു ഭംഗി ആണ് ഇവളുടെ കണ്ണുകൾ.. ഈ കണ്ണുകൾക്ക് ആദ്യം കണ്ടപ്പോൾ ഇത്ര ഭംഗി തോന്നിയില്ലല്ലോ…

“വേഗം കെട്ടിക്കോ.. അതാകുമ്പോൾ എടുത്തു കൊണ്ട് നടക്കാൻ ആളുണ്ടാകുമല്ലോ…!”

ഞാൻ അവളെ നോക്കി ചിരിച്ചു കൊണ്ട് പറഞ്ഞു..

“ഏയ്‌ ഇപ്പോഴേ കെട്ടണോ..? അത് വേണ്ട.. ഇടക്കൊക്കെ നെഞ്ച് വേണം എന്ന് തോന്നുമ്പോ താൻ ഉണ്ടല്ലോ.?!”

അവൾ കുലുങ്ങി ചിരിച്ചു.

“എന്റെ നെഞ്ച് ഒരാൾക്ക് കിടക്കാൻ വേണ്ടി ബുക്ക്‌ ചെയ്തു വച്ചിട്ടുണ്ട് കേട്ടോ.. എന്റെ എൻഗേജ്മെന്റ് ഉടനെ ഉണ്ടാകും..”

അവൻ അവളെ നോക്കി പറഞ്ഞു. ചിരിയോടെ.

“എന്നാലും… വേറെ ഒരാൾക്കു അവകാശപ്പെട്ട നെഞ്ചിൽ കിടക്കുന്നതും ഒരു സുഖം ആണ്..”

അവൾ അത് പറഞ്ഞു ചിരിച്ചു… അവനും ചിരിച്ചു.

അപ്പോഴേക്കും അവളുടെ അമ്മ ചായ കൊണ്ടുവന്നു അവരുടെ മുൻപിൽ വച്ചു.

അവർ സംസാരിച്ചു കൊണ്ട് അത് കുടിച്ചു..

അതിനു ശേഷം അവൻ പോകാൻ ഇറങ്ങി..

അവൻ അവളോടും അമ്മയോടും യാത്ര പറഞ്ഞു വണ്ടിയിൽ കയറി പുറത്തേക്ക് ഓടിച്ചു..

നേരെ വീട്ടിലേക്ക് തന്നെ.

***

അവൻ അന്ന് രാത്രി ഭദ്രയെ വിളിച്ചു കാര്യങ്ങൾ ഒക്കെ പറഞ്ഞു..

എന്നാൽ അവളുടെ ചുണ്ടിൽ ഒരു ഉമ്മ കൊടുത്ത കാര്യം മാത്രം മറച്ചുവച്ചു.. കാരണം ഭദ്രക്ക് അറിയാം അവൻ ഒരു പെണ്ണിനെ സ്നേഹിക്കുന്നുണ്ട് എന്ന്.. അവൾ എന്ത് വിചാരിക്കും എന്ന് അവൻ ചിന്തിച്ചു..

മിനു വിളിച്ചപ്പോഴും അവന് എന്തോ ഒരു കുറ്റബോധം മനസ്സിൽ കിടക്കുന്നുണ്ടായിരുന്നു.