വൈഷ്ണവം 3[മാലാഖയുടെ കാമുകൻ] 1271

“അതിന്റെ അടവ് പോലും കഴിഞ്ഞിട്ടില്ല… അപ്പോഴാണ്…”

അവൾ പറഞ്ഞപ്പോഴേക്കും അമ്മ അടുത്ത് വന്നിരുന്നു..

“ആഹാ ഇവിടെ ഇരിക്കുകയാണോ?”

“അതിനെന്താ അമ്മേ.. നല്ല സ്ഥലം അല്ലെ.. “

അവർ ജീപ്പിന്റെ കീ തന്നു..

“നീ ചായ ഉണ്ടാക്കി കൊടുത്തില്ലേ?”

അവർ അവളോട് ചോദിച്ചു..

“അതിനു അവൾക്ക് വയ്യാത്തതല്ലേ?”

അവൻ അവളെ നോക്കി…

അപ്പോഴേക്കും അവൾ ഒരു കള്ളച്ചിരിയോടെ എണീറ്റ് മെല്ലെ അകത്തേക്ക് നടന്നു..

പോകുന്ന വഴിയിൽ തിരിഞ്ഞു നിന്നു അവനെ നോക്കി ഒന്ന് കണ്ണിറുക്കി കാണിച്ചു..

അവൻ ആകെ പകച്ചു ഇരുന്നുപോയി..
അവളുടെ കാലു വേദന മൊത്തം ആക്ടിങ് ആയിരുന്നു എന്ന് വിഷ്ണുവിന് മനസിലായി..

അവൻ വീണ്ടും ചമ്മി..

അവളുടെ അമ്മ എന്റെ അടുത്ത് ഇരുന്നു..

“അവളോട് കൂട്ട്‌ കൂടുമ്പോൾ ഒന്ന് സൂക്ഷിച്ചോ മോനെ.. മഹാ കുറുമ്പി ആണ്.. ആളുകളെ പറ്റിക്കൽ അവളുടെ സ്ഥിരം ഹോബ്ബി ആണ്…”

“മ്മ്മ് അത് കുഴപ്പമില്ല അമ്മെ.. ചെറിയ കുട്ടി അല്ലെ..”

വിഷ്ണു ചമ്മൽ മറക്കാൻ എന്നവണ്ണം ചുമ്മാ എന്തോ പറഞ്ഞു..

“കെട്ടിച്ചു വിടാൻ പ്രായം ആയി..”

അവർ ചിരിയോടെ പറഞ്ഞു.. വിഷ്ണുവും ചിരിച്ചു..

അവളെ നോക്കട്ടെ എന്ന് പറഞ്ഞു അവർ അടുക്കളയിലേക്ക് പോയി.

അമ്മ അകത്തു കയറിയതും മകൾ പുറത്തു ചാടി..

അവനെ നോക്കി ചിരിച്ചു കൊണ്ട് വേഗം വന്നു അവന്റെ അടുത്ത് ഇരുന്നു..

“കാലു വേദന പോയോ?”

“മ്മ്മ്.. ഇനി ചിലപ്പോൾ നമ്മൾ ഒറ്റക്ക് ആകുമ്പോൾ വരും.. എന്താ അറിയില്ല.. ആ നെഞ്ചിൽ ചേർന്ന് കിടക്കാൻ നല്ല സുഖം ആണ്…”