വൈഷ്ണവം 13 (മാലാഖയുടെ കാമുകൻ) 1084

“അഹ് വന്നല്ലോ.. ദ വേണേൽ നേരിട്ട് ചോദിച്ചോ.., കുറച്ചു കഴിഞ്ഞാൽ ഇവിടേക്ക് വരും..”

അപ്പുറത്തു വന്നു നിന്ന ഒരു കറുത്ത വോൾവോ കാറിലേക്ക് ചൂണ്ടി അയാൾ പറഞ്ഞപ്പോൾ വൈഷ്ണവിയും ഭദ്രയും അവിടേക്ക് നോക്കി..

ബാക്ക് ഡോർ തുറന്ന് ഒരാൾ ഇറങ്ങി..

“വാട്ട്‌…? ആം ഐ ഡ്രീംമിങ്..?”

ഭദ്ര പതിയെ എഴുന്നേറ്റപ്പോൾ വൈഷ്ണവി അവിടെ തറഞ്ഞു ഇരുന്നു.

“വിഷ്ണു.? വാട്ട്‌ ദ ഹെൽ..?”

അവൾ സ്വയം ചോദിച്ചു.

സാധാ കറുപ്പ് നിറത്തിൽ ഉള്ള മുണ്ടും വെളുത്ത ഷർട്ടും ഇട്ടു കൈ വലിച്ചു കയറ്റി കാലുകൊണ്ട് കാറിന്റെ ഡോർ തട്ടി അടക്കുന്ന വിഷ്ണു..

അവൻ ചിതറി കിടന്ന മുടി കൈകൊണ്ടു ഒന്ന് ഒതുക്കി മുൻപോട്ട് നടന്നപ്പോൾ അപ്പുറത്തെ ഡോറും തുറന്നു.

അതിൽ നിന്നും ഇറുകിയ മോഡേൺ വേഷം ധരിച്ച ഒരു പെണ്ണാണ് ഇറങ്ങിയത്. ഒരു അതി സുന്ദരി..

അവൾ സ്വർണ നിറമുള്ള മുടി ഒതുക്കി വച്ചു പുഞ്ചിരിയോടെ വിഷ്ണുവിന്റെ കൂടെ ഗേറ്റ് കടന്ന് അകത്തേക്ക് പോയപ്പോൾ വൈഷ്ണവി തരിച്ചു ഇരുന്നു..

“വൈഷ്ണു..? വിഷ്ണു അല്ലെ അത്‌…?”

വിശ്വസിക്കാൻ പോലും ആകാതെ ഭദ്ര വൈഷ്ണവിയെ നോക്കി..

“അഹ് നിങ്ങൾക്ക് അറിയുന്ന ആൾ ആണല്ലേ..? അപ്പോപ്പിന്നെ കൊഴപ്പമില്ല..”

കടക്കാരൻ ചിരിയോടെ അകത്തേക്ക് പോയി..

“എനിക്കൊന്നും മനസിലാകുന്നില്ല..”

ഭദ്ര പതിയെ പറഞ്ഞു.. വൈഷ്ണവിയും വല്ലാത്തൊരു അവസ്ഥയിൽ ആയിരുന്നു.

“ആ പെണ്ണ്..? ഏതാ അവൾ..?”

ചോദ്യം കേട്ടപ്പോൾ ഭദ്ര വൈഷ്ണവിയെ നോക്കി..