വൈഷ്ണവം 13 (മാലാഖയുടെ കാമുകൻ) 1082

“അവന്റെ സന്തോഷം കണ്ടില്ലേ..?”

വൈഷ്ണവി അസൂയയോടെ സങ്കടത്തോടെ അത് പറഞ്ഞപ്പോൾ ഭദ്രക്ക് ചിരിയാണ് വന്നത്.

“എന്നാലും വിഷ്ണു..? എനിക്കൊന്നും മനസിലാകുന്നില്ല..”

ഭദ്ര തല കുടഞ്ഞുകൊണ്ട് പറഞ്ഞപ്പോൾ വിഷ്ണുവും ആ പെൺകുട്ടിയും ചായ കുടിച്ചു എഴുന്നേൽക്കുന്നത് കണ്ടു..

“ദേ അവർ പോകുന്നു..”

ഭദ്ര അവിടേക്ക് നോക്കി പറഞ്ഞപ്പോൾ വൈഷ്ണവി കണ്ണ് തുടച്ചു അവിടേക്ക് നോക്കി.

അവർ റോഡ് മുറിച്ചു കടന്ന് പോകുന്നതും കാറിൽ കയറുന്നതും അത് നല്ല സ്പീഡിൽ അകന്ന് പോയതും അവർ കണ്ടു..

ഭദ്ര സീറ്റിലേക്ക് ചാരി ഇരുന്നു.

“നോട് ബാഡ് ഏഹ്..? അപ്പോൾ അവൻ വെറുമൊരു ഹോട്ടൽ പണിക്കാരൻ അല്ല.. ഡാം.. ഹി ഈസ്‌ ഗുഡ്..”

അവൾ പുഞ്ചിരിയോടെ പറഞ്ഞത് കേട്ടപ്പോൾ വൈഷ്ണവി അവളെ ഒന്ന് നോക്കി..

അവളുടെ മനസ് മുഴുവൻ സ്വർണ നിറമുള്ള മുടിക്കാരിയിൽ ആയിരുന്നു..

അവളും വിഷ്ണുവും തമ്മിൽ എന്ത് ബന്ധം ആണ്‌ ഉള്ളത് എന്ന് കണ്ടുപിടിക്കണം എന്നത് മാത്രമായിരുന്നു അവൾ മനസ്സിൽ ചിന്തിച്ചത്..

“എന്നാലും ഒരു പാവം പോലെ വന്നിട്ട്.. ഇപ്പൊ ധാ ഏതോ പടത്തിൽ പൃഥിവിരാജ് വന്നത് പോലെ.. അല്ല ഇനി അതുപോലെ എങ്ങാനും ആണോ..?”

ഭദ്ര അതും പറഞ്ഞു വൈഷ്ണവിയെ നോക്കി..

“ഞാൻ പടമൊന്നും കാണാറില്ല.. പോകാം..”

അവൾ അടഞ്ഞ സ്വരത്തിൽ അത് പറഞ്ഞപ്പോൾ അവൾക്ക് നല്ല വിഷമം ഉണ്ടെന്ന് ഭദ്രക്ക് മനസിലായി..

അവർ തിരികെ വീട്ടിലേക്ക് വണ്ടി ഓടിച്ചു..

വളരെ പതുക്കെയാണ് അവർ പോയത്..

രണ്ടുപേരും ഒന്നും മിണ്ടിയില്ല..

വണ്ടി ഗേറ്റ് കിടന്നപ്പോൾ വിഷ്ണുവിന്റെ എൻഫീൽഡ് ബൈക്ക് മിറ്റത്തിന്റെ ഒരു കോണിൽ കിടക്കുന്നുണ്ട്..

വൈഷ്ണവി എന്തോ പറയാൻ വന്നതും അവൻ മോളെയും കൊണ്ട് അകത്ത് നിന്നും ഇറങ്ങി വന്നു..