വൈഷ്ണവം 13 (മാലാഖയുടെ കാമുകൻ) 1084

“അവന്റെ പേരിൽ ഒത്തിരി സ്വത്ത്‌ ഉണ്ട്.. അക്കൗണ്ടിൽ ഇഷ്ടം പോലെ പണം.. വണ്ടി..

അതൊക്കെ പുറകിൽ വിട്ടിട്ടാണ് അവൻ എന്നെയും കൊണ്ട് പോയത്.. എന്നിട്ട് കൂലിപ്പണി എടുത്താണ് എനിക്ക് ഭക്ഷണം വാങ്ങി തന്നിരുന്നത്.. അറിയുമോ..?”

“ഇതൊക്കെ എനിക്ക് അറിയുന്നത് അല്ലെ..?”

അവൾ ചോദിച്ചപ്പോൾ ഭദ്ര സംശയത്തോടെ അവളെ നോക്കി ചോദിച്ചു..

“യെസ്.. ആ വിഷ്ണു നിന്റെ കമ്പനിയിൽ വന്നു ജോലി ചെയ്യും എന്ന് നിനക്ക് തോന്നുന്നുണ്ടോ..?”

വൈഷ്ണവി ചോദിച്ചപ്പോൾ ഭദ്ര വാ പൊളിച്ചു പോയി..

“ഷൂട്ട്..! ഞാൻ അത് ഓർത്തില്ല..”

അവൾ നിരാശയോടെ പറഞ്ഞു..

വൈഷ്ണവി പുഞ്ചിരിയോടെ ഇരുന്നു..

“വിഷ്ണുവിന് ഒരു ജോലി വേണം എന്ന് എനിക്ക് നിർബന്ധം ഇല്ല.

എന്റെ മകൾക്ക് അവളുടെ അച്ഛൻ വേണം..

എനിക്ക് കിട്ടാത്ത ഭാഗ്യം അവൾക്ക് വേണം.. അവൻ എന്നെ സ്നേഹിച്ചില്ല എങ്കിലും.. ”

അവൾ പറഞ്ഞു നിർത്തി..

“ആ അവസാനം പറഞ്ഞത് കാര്യമായിട്ട് ആണോ..?”

“അല്ല..”

ഉത്തരം പെട്ടെന്ന് ആയിരുന്നു..

ഭദ്ര അവളെ പാവത്തോടെ നോക്കി..

പ്രണയം വല്ലാത്തൊരു അഭിനിവേശം ആണല്ലോ എന്ന് അവൾ ഓർത്തു..

“ശരിക്കും എന്താ അവന്റെ പ്രേത്യേകത..? നീ ഇത്രക്ക് അവനെ സ്നേഹിക്കാൻ…?”

അവളുടെ ചോദ്യത്തിന് വൈഷ്ണവിക്ക് ഉത്തരം ഉണ്ടായില്ല..

“ഐ ലവ് ഹിം.. അത് തന്നെ..”

അവൾ ദൂരേക്ക് നോക്കി പറഞ്ഞു..

“നീയും ആരെയെങ്കിലും പ്രേമിക്കുമ്പോൾ അത് നിനക്ക് മനസിലാകും..”

അവൾ ഭദ്രയെ നോക്കി.

“എന്നാൽ വിഷ്ണുവിനെ തന്നെ നോക്കിയാലോ.?”