വൈഷ്ണവം 13 (മാലാഖയുടെ കാമുകൻ) 1084

“ഏയ്‌ ചുമ്മാ.. ഞാൻ പറഞ്ഞ കാര്യം എന്തായി വിഷ്ണു..? എന്നാ ജോലിക്ക് കയറുന്നത്..?”

അവൾ അടുത്ത ചോദ്യം ചോദിച്ചു…

“ഓഹ് അതൊന്നും എനിക്ക് വേണ്ട.. ഞാൻ സ്വന്തമായി എന്തേലും ഒന്ന് നോക്കട്ടെ..”

അവൻ പുഞ്ചിരിയോടെ അത് പറഞ്ഞു.

“സ്വന്തമായി എന്ന് പറയുമ്പോൾ..?”

അവൾ തിരിച്ചു ചോദിച്ചു.

“ഈ പപ്പട കച്ചവടം പോലെ എന്തെങ്കിലും.. വഴിയിൽ ഇരുന്ന് വിറ്റാൽ മതിയല്ലോ..”

അവൻ അതും പറഞ്ഞു മെല്ലെ വാവയെയും കൊണ്ട് പുറത്തേക്ക് നടന്നപ്പോൾ ഭദ്ര ദേഷ്യത്തോടെ അവനെ നോക്കി നിന്നു..

“അവൻ ആരാണെന്നാ അവന്റെ വിചാരം..?”

വൈഷ്ണവി വന്ന വേഷം ഒക്കെ ഒന്ന് മാറി ഫ്രഷ് ആയി വന്ന ശേഷം തലമുടി ഉണക്കുമ്പോൾ ആണ്‌ ഭദ്ര അവിടേക്ക് വന്നു അത്‌ ചോദിച്ചത്..

“ആര്..?”

അവൾ അലസമായി ഭദ്രയെ നോക്കി..

“നിന്റെ കെട്ടിയവൻ..!”

ഭദ്ര അതും പറഞ്ഞു ദേഷ്യത്തോടെ ബെഡിൽ ഇരുന്നു..

“നീ ഇപ്പോൾ പറഞ്ഞത് തന്നെയല്ലേ അതിന്റെ ഉത്തരം..?”

വൈഷ്ണവി ചിരിയോടെ ചോദിച്ചപ്പോൾ ഭദ്ര അവളെ തറപ്പിച്ചു നോക്കി..

“ഇത്ര നേരം കരച്ചിലും പിഴിച്ചിലും ആയിരുന്നല്ലോ..? എന്താ പെട്ടെന്ന് ഒരു പുഞ്ചിരി ഒക്കെ..?”

അവളുടെ ചോദ്യം കേട്ടപ്പോൾ വൈഷ്ണവിക്ക് ചിരി വന്നു..

“ചിരിച്ചാൽ എന്താ..? ഞാൻ ഹാപ്പിയാ..എന്നും ഹാപ്പിയാ വൈഷ്ണവി..”

അവൾ അതും പറഞ്ഞു ഭദ്രയുടെ അടുത്ത് വന്നിരുന്ന് അവളെ മുറുക്കെ കെട്ടിപിടിച്ചു ഇരുന്നു..

അവളുടെ നെഞ്ച് പിടക്കുന്നത് ഭദ്രക്ക് അറിയാമായിരുന്നു..

അവൾ ഒന്നും മിണ്ടിയില്ല..

തുടരും