വൈഷ്ണവം 13 (മാലാഖയുടെ കാമുകൻ) 1084

വൈഷ്ണവം 13

മാലാഖയുടെ കാമുകൻ

Previous Part

 

Hi All..

സുഖമല്ലേ…? ഇവിടെ സുഖം..

ശാന്തമായ.. മഞ്ഞു വീഴുന്ന തണുത്ത രാത്രികൾ..
എങ്ങും നക്ഷത്രങ്ങൾ കണ്ണ് ചിമ്മി കത്തുന്ന.. അലങ്കരിച്ച കൊച്ചു കൊച്ചു വിളക്കുകൾ മിന്നുന്ന കാലം.. അതെ.. ക്രിസ്തുമസ് ഇങ്ങു അടുത്ത് അടുത്ത് വരുന്നു..

അതിന്റെ ആവേശത്തിൽ ആണ്‌ ലോകം മുഴുവൻ..

Silent and chilling Christmas nights are ahead.. ?⛄ Have a blast!

Season’s Greetings!!

തുടർന്ന് വായിക്കുക.. സ്നേഹത്തോടെ… എംകെ

വൈഷ്ണവി അകത്തേക്ക് പോയപ്പോൾ വിഷ്ണു ഒരു നിമിഷം അവൾ പോയ വഴിയേ ഒന്ന് നോക്കി..

“ഇതെന്ത് കുരിശ്..?”

വിഷ്ണു തലക്ക് കൈകൊടുത്ത് അവിടെ ഇരുന്നു..

അല്പ സമയം കടന്ന് പോയി..

“വിഷ്ണു…വാ കഴിക്കാം..”

വൈഷ്ണവി അവന്റെ അടുത്ത് ചെന്ന് പറഞ്ഞപ്പോൾ അവൻ അവളെ ഒന്ന് നോക്കി.

കുളിച്ചു വേഷം മാറിയിട്ടുണ്ട്.

ഇളം പിങ്ക് നിറത്തിൽ ബനിയനും ഒരു കറുത്ത പാന്റും..

നന്നായി ചേരുന്നുണ്ട്..

കഴുത്തിൽ ഒരു സ്വർണ മാല അല്ലാതെ വേറെ ആഭരണങ്ങൾ ഒന്നും ഇല്ല.

മുടി പുറകിൽ കെട്ടി വച്ചിരിക്കുന്നു..

അവൾക്ക് വലിയ മാറ്റം ഒന്നും ഇല്ലെന്നു അവന് തോന്നി.

പക്ഷെ പണ്ടത്തെ ഉന്മേഷവും കളിചിരിയും ഒന്നും ഇല്ല..

“വിഷ്ണു..?”

അവൾ വിളിച്ചപ്പോൾ ആണ്‌ ഇത്ര നേരം താൻ അവളുടെ മുഖത്ത് നോക്കി ഇരിക്കുകയായിരുന്നു എന്ന് അവന് മനസിലായത്..

“എന്തെങ്കിലും പറയാനുണ്ടോ വിഷ്ണുവിന്..?”

അവൾ അത്‌ ചോദിച്ചപ്പോൾ ആ കണ്ണുകളിൽ ഒരു പ്രതീക്ഷയുടെ തിളക്കം അവൻ ശ്രദ്ധിച്ചു..

“എന്ത് പറയണം എന്ന് എനിക്കറിയില്ല വൈഷ്ണു.. മനസ് ആകെ കുഴഞ്ഞു കിടക്കുകയാണ്..”

അവൻ മെല്ലെ എഴുന്നേറ്റ് പുറത്തേക്ക് നോക്കി നിന്നു..