വിലക്കപ്പെട്ട കനി [നൗഫു] 3771

“”വ്യക്തമായ ഒരു പ്ലാൻ ഇല്ലാതെ നമുക്ക് അവനെ കടിച്ചു കീറാൻ കഴിയില്ല…
സാബു അവന്റെ പിറകിലെ കാലിൽ കടിച്ചു വീഴത്തണം… വയറു പിളർത്താൻ ഉള്ള കർമ്മം നൗഫലിനാണ്‌… ബാക്കി ഉള്ളവർ മൂന്നു പേര് ആ സമയം മങ്കിളി കാട്ടിൽ ഭീകരന്തരീക്ഷം ഉണ്ടാക്കണം….””

സുകൂറിന്റെ വാക്കുകൾ കേട്ട് മുന്നിലിരിക്കുന്ന ആറു യുവാക്കളായ സിംഹങ്ങൾ ഒന്ന് മുന്നിലേക്ക് കാലുകൾ വെച്ച് മൂരി നിവർന്നു.. ആ കാടു വിറക്കുമാർ ശബ്ദത്തിൽ അലറി…

“”ധീരരെ.. ഇത് നമുക്ക് വന്നു ചേർന്ന ഒരു അവസരം ആണ്…നമ്മുടെ സംഘടന ശക്തിയെ ലോകം അറിയാൻ പോകുന്നു… നമുക്ക് എതിരെ നിൽക്കുന്നവർക് നാശമാണ് അവസാനമെന്ന് അറിയിക്കണം… വീരന്മാർക് ഒരൊറ്റ മരണമേ ഉള്ളൂ… പക്ഷെ അവന്റെ കൈയ് കൊണ്ട് എത്ര പേര് കാലപുരി പൂകി എന്ന് ലോകം വാഴ്ത്തണം…
നമ്മൾ നമ്മുടെ സംഘടന വളർത്താനായി പട പൊരുതാൻ പടർ കളത്തിൽ ഇറങ്ങുവാൻ സമയമായി.. ആദ്യം നമ്മുടെ ഇരയുടെ സംഘടനയുടെ അടിവേര് തന്നെ നമുക്ക് പിഴുതു മാറ്റാം…. ഈ കാട്ടിൽ ഒരൊറ്റ സംഘടന മതി.. അത് നമ്മുടെ ആയിരിക്കണം.. വിജയം നമ്മുടേതാണ്.. ഇന്ന് തന്നെ നമ്മുടെ വിജയം ആഘോഷിക്കാം…””

സുക്കൂർ അവരോടായി പറഞ്ഞു എഴുന്നേറ്റു…

“”നിങ്ങൾക് പുറപ്പെടാൻ സമയമായി.. പിടിക്കപ്പെട്ടാൽ ഒരിക്കലും എന്റെ പേരോ സംഘടനയുടെ പേരോ നാവിൽ നിന്നും പുറത്തേക്കു വന്നു പോകരുത്.. അറിയാമല്ലോ…””

ഒരു ഭീഷണി പോലെ അതും കൂടേ പറഞ്ഞു സുക്കൂർ അവരെ നോക്കി…

“”അല്ല… നേതാവ് വരുന്നില്ലേ…””

കൂട്ടത്തിൽ ചെറുപ്പക്കാരനായ രാഹുൽ സിംഹം ചോദിച്ചു…

“”അയ്യോ.. ഞാനൊക്കെ ഇത്രയും വളർന്നത് തന്നെ ഇത് പോലെ ഓരോ പ്രവർത്തനങ്ങൾ പാർട്ടി ഏൽപ്പിച്ചത് വെടിപ്പായി ചെയ്തിട്ടാണ്.. ഇനി നിങ്ങൾക്കാണ് അവസരം… ഇത് നിങ്ങളെ സംഘടന ഏൽപ്പിക്കുന്ന ദൌത്യമാണ്…””

സുക്കൂർ കുറച്ചു ദേശ്യത്തിൽ രാഹുലിനോ നോക്കി മുരണ്ടു…