വിലക്കപ്പെട്ട കനി ???

നൗഫു

“”കൊല്ലണം.. അവനെ കൊല്ലണം…””

മൃഗ രാജാവിന്റെ അന്നത്തെ സംഘടന ക്ലാസിൽ ഇരിക്കുകയായിരുന്നു മറ്റു സിംഹങ്ങൾ…

“”സെക്രട്ടറി ആരെ കൊല്ലുന്ന കാര്യമാണ് അങ്ങ് മൊഴിയുന്നത്…””

“”മങ്കിളി കാട്ടിലെ സിങ്കം പാർട്ടിയിലെ രാജീവ്‌ സിംഹത്തെ തന്നെ.. അവന്റെ സംഘടന പ്രവർത്തനം ഇപ്പൊ നമ്മുടെ ഏരിയയിൽ എത്തിയിരിക്കുന്നു..
അവന്റെ വിചാരം എന്താണ്.. കൊത്തി കൊത്തി മുറത്തിൽ കൊത്താമെന്നോ…””

പാർട്ടി നേതാവ് തന്റെ ഭാഗം വളരെ വ്യക്തമായി തന്നെ പറഞ്ഞു കൊണ്ടിരുന്നു…

“”അവനെ കൊന്നാൽ അവന്റെ മങ്കിളി കാട്ടിലെ ആധിപത്യം നമുക്ക് തകർക്കാം.. കൂടേ ഇനി വരുന്നവർക്ക് അതൊരു പേടിപ്പെടുത്തുന്ന സാഹചര്യവും ഉണ്ടാക്കും…””

സുക്കൂർ സിംഹം അത്രയും പറഞ്ഞു തന്റെ മുന്നിൽ ഇരിക്കുന്ന പ്രവർത്തകരെ മുഴുവനായി ഒന്ന് നോക്കി…

ശരീരത്തിൽ വീര്യം കൂടിയ മയക്കു മരുന്ന് കേറ്റിയത് കൊണ്ട് അവരുടെ ഉള്ളിൽ അതിന്റെ വീര്യം പ്രവർത്തനം തുടങ്ങിയിരുന്നു…

“”ഉണ്ണി.. നീ ആയിരിക്കണം അവനെ വീഴ്ത്തേണ്ടത്.. രാത്രി അവന് കാട്ടിലൂടെ ഒറ്റക്കൊരു നടത്തമുണ്ട്… കൂടേ ആരും ഉണ്ടാവില്ല.. ആ സമയം ആയിരിക്കണം നമ്മൾ അവന്റെ മേലേക്ക് ചാടി വീഴേണ്ടത്…പ്രതികരിക്കാൻ സമയം കൊടുക്കുന്നതിനു മുമ്പ് ജട പിടിച്ചു വലിക്കണം..””

സുക്കൂർ സിംഹം തന്റെ ചോരക്കണ്ണ് കൊണ്ട് ചുറ്റിലുമുള്ളവരെ നോക്കി പദ്ധതി വിശദീകരിച്ചു …

പിന്നെ മുന്നിൽ കിടക്കുന്ന മാനിറച്ചിയിൽ ഒരു കടി കടിച്ചു…