വസന്തം പോയതറിയാതെ – 8[ദാസൻ] 570

അമ്മ പറയും

“മോൾക്ക് ഞാൻ ഒരു ഗ്ലാസ് ചായ ഇട്ടു തരാം”

അപ്പോൾ ഗൗരി

”വേണ്ടമ്മെ ഞാൻ തന്നെ ഇട്ടു കുടിച്ചോളാം”

അമ്മ വീണ്ടും കിടക്കും. പിന്നീട് എഴുന്നേൽക്കുന്നത്, അഞ്ചരയ്ക്ക് ഗൗരി ചായയുമായി ചെല്ലുമ്പോഴാണ്. ആ ചായ ഏട്ടത്തിക്ക് വരെ ചെല്ലും. അച്ഛൻ എഴുന്നേൽക്കാൻ വൈകുന്നതു കൊണ്ട്, അച്ഛൻ അമ്മയാണ് ചായ കൊണ്ടുപോയി കൊടുക്കുന്നത്. ഞാൻ മിക്കവാറും ഫാമിൽ ആയിരിക്കും, അല്ലാത്ത സമയത്ത് എനിക്കും കിട്ടും ഗൗരിയുടെ ചായ. ആ ചായ സൽക്കാരം കഴിഞ്ഞ് ഗൗരിയുടെ തകൃതിയായ ഒരുക്കം ആണ്. ഒരുക്കം കഴിഞ്ഞു പഠിച്ചു കഴിഞ്ഞോ എന്ന് ഉള്ള ഫൈനൽ ടച്ചിങ് ആണ്. ഏകദേശം എട്ടരയോടു കൂടി കോളേജിലേക്ക് പോകാൻ ഇറങ്ങും.

“അല്ല മാഷേ, ഞാൻ പറയുന്നത് വല്ലതും കേൾക്കുന്നുണ്ടോ”

ഏട്ടത്തിയുടെ ശബ്ദം സ്ഥലത്തേക്ക് കൊണ്ടുവന്നു. സമയം നോക്കിയപ്പോൾ ഒരു മണി കഴിഞ്ഞിരിക്കുന്നു. ഞാൻ ഏട്ടത്തിയോട്

“നമുക്ക് ഭക്ഷണം കഴിച്ചിട്ട് ഇനിയുള്ള യാത്ര”

ഏട്ടത്തി

“നമുക്ക് വീട്ടിലെത്തിയിട്ട് കഴിച്ചാൽ പോരെ “

ഞാൻ പറഞ്ഞു

“ഇനിയും രണ്ടു മണിക്കൂർ യാത്രയുണ്ട്. നമുക്ക് നല്ലൊരു ഹോട്ടലിൽ കയറി ഭക്ഷണം കഴിക്കാം.”

അങ്ങനെ നല്ലൊരു വെജിറ്റേറിയൻ ഹോട്ടലിൽ കയറി, ശല്യം ഇല്ലാതിരിക്കാൻ ഫാമിലി റൂമിൽ ഇരിക്കുമ്പോൾ ഏട്ടത്തി

“എടാ വിനു, ഞാനൊരു കാര്യം കേട്ടിരുന്നു. നമ്മുടെ കളക്ടർ ആ ഗൗരി ആണെന്ന്, സത്യമാണോഡാ.”

“ആവോ എനിക്കറിയില്ല ഏട്ടത്തി”

ഇതിനിടയിൽ സപ്ലൈയ്സ് വന്നു ഭക്ഷണം വെച്ചു പോയി.

” നീ നുണ പറയണ്ട. നീ അവളെ കണ്ടിരുന്നൊ?”

“ഞാൻ ആരെയും കാണാൻ പോയില്ല”

“നീ കളക്ടറേറ്റിൽ ഒരാവശ്യത്തിനും ഇതുവരെ പോയില്ലേ?”

ഞാൻ നുണ പറഞ്ഞു.

” അണ്ണന്മാരാണ് പോകുന്നത്”

“അത് നീ ചുമ്മാ പറയുന്നതാണ് എന്ന് എനിക്കറിയില്ലെ”

” ഇല്ലേട്ടത്തി, ഞാൻ കാണാൻ പോയില്ല.”