വസന്തം പോയതറിയാതെ – 8[ദാസൻ] 570

അതിന് മോളുടെ മറുപടി എടുത്തടിച്ചവണ്ണം ആയിരുന്നു.

” അതിന് ഞാനൊന്നും മറന്നിട്ടില്ല, അമ്മ ആവശ്യമില്ലാതെ ഓരോന്ന് പറഞ്ഞ് പ്രശ്നം ഉണ്ടാക്കുകയാണ് “

” മോളെ ഞാനെന്തു പ്രശ്നമുണ്ടാക്കാൻ. മോളുടെ പ്രവർത്തി കുറേ നാളുകളായി ഞാൻ കാണുന്നുണ്ട്.”

” ഞാൻ എന്തു ചെയ്തിട്ടാണ് അമ്മ ഇങ്ങനെ ഓരോ കുത്തുവാക്ക് പറയുന്നത്. ഇങ്ങനെ കണക്കു പറയാനാണെങ്കിൽ എന്നെ എന്തിന് എടുത്തുവളർത്തി “

ഈ സംസാരം അത്ര നല്ല രീതിയിൽ അല്ല എന്ന് കണ്ടതോടെ ഞാൻ ഇടപെട്ടു.

” ആരും അങ്ങുമിങ്ങും കണക്കു പറയേണ്ട. നിർത്തി പോയേ. മോൾക്ക് ക്ലാസ്സ് ഉള്ളതുകൊണ്ട് അല്ലേ വരുന്നില്ല എന്ന് പറഞ്ഞത്. അമ്മ പോയി കഴിക്കാൻ വല്ലതും എടുത്തു വയ്ക്ക് എനിക്ക് വിശക്കുന്നു.”

അമ്മയെ ഉന്തിത്തള്ളി ഞാൻ അടുക്കളയിലേക്ക് വിട്ടു. പോകുന്നവഴി അമ്മ എന്നോട്

” എപ്പോഴാണ് മോനെ നമുക്ക് പോകേണ്ടത് “

” നാളെ വെളുപ്പിന് തന്നെ നമുക്ക് പുറപ്പെടാം.”

അമ്മ അടുക്കളലേക്ക് പോയ പുറകെ മോളും മുറിയിലേക്ക് പോയി. എന്നെ കണ്ടതായിപ്പോലും ഭവിച്ചില്ല. ഞാൻ അധികം വൈകാതെ ഉറങ്ങാൻ പോയി, നാളെ വെളുപ്പിന് തന്നെ തിരിക്കാനുള്ളതാണ്. 6-7മണിക്കൂർ യാത്ര ഉള്ളതിനാൽ രണ്ടു മണിക്ക് തന്നെ എഴുന്നേറ്റു. ഞങ്ങൾ വെളുപ്പിന് മൂന്നുമണിക്ക്  ഇറങ്ങാൻ നേരത്താണ് ഏട്ടത്തി എഴുന്നേറ്റ് വരുന്നത്.ഏട്ടത്തി യോട് യാത്രയും പറഞ്ഞ് ഞാനും അമ്മയും വണ്ടിയിൽ കയറി യാത്രയായി. യാത്രയിൽ മുഴുവൻ അമ്മ രണ്ടു ഗൗരി മാരെ പറ്റിയുള്ള സംസാരത്തിലായിരുന്നു.

” എന്തു പറ്റി എന്നാവോ എന്റെ മോൾക്ക്, മോൻ പുറകീന്ന് മാറാത്ത  പെണ്ണായിരുന്നു. ഇപ്പോൾ കണ്ടഭാവം നടിക്കുന്നില്ല. വല്യച്ഛനും വല്യമ്മച്ചിയും എന്നുപറഞ്ഞാൽ എന്താ വായിൽനിന്നും തേൻ ഒഴുകുക അല്ലേ “

ഞാൻ പറഞ്ഞു

” എന്തായാലും എന്താ, നമ്മുടെ മോളല്ലേ. ചേട്ടനും ഏട്ടത്തിയും അല്ലേ സ്നേഹിക്കട്ടെ എന്ന് മോളെ, മാറ്റിനിർത്തി ഒന്നും ഇല്ലല്ലോ. അവരുടെl മകളെ പോലെ തന്നെ സ്നേഹിക്കുന്നു. അതുകണ്ട് നമ്മൾ സന്തോഷിക്കുകയല്ലേ വേണ്ടത്. “

” എന്നാലും നിന്നെ ഇങ്ങനെ ഒഴിവാക്കുമ്പോൾ ഒരു വിഷമവും തോന്നുന്നില്ലെ “

” എന്തിന്, ഗൗരി നമ്മുടെ മോളല്ലേ. “

“നീ അങ്ങനെയൊക്കെ പറയുന്നുണ്ടെങ്കിലും നിന്റെ, വാക്കുകളിൽ അറിയാം നിന്റെ വിഷമം. ഗൗരി എന്നുപേരുള്ള മറ്റൊരുത്തി എന്റെ മോന്റെ ജീവിതം നശിപ്പിച്ചു.”

” വെറുതെ എന്തിനാ അമ്മേ ഇങ്ങനെയൊക്കെ പറയുന്നു. നമ്മൾ നല്ലൊരു കാര്യത്തിനു വേണ്ടി അമ്പലത്തിൽ പോകുന്നതല്ലേ. നമുക്ക് അമ്പലത്തിൽ കയറിയിട്ട് ചായ കുടിച്ചാൽ പോരെ, അതോ അതിനുമുമ്പ് കുടിച്ചിട്ട് കയറണോ. “

“വേണ്ട. നമുക്ക് അമ്പലത്തിൽ കയറിയിട്ട് കുടിച്ചാൽ മതി.”

” ഒരു കാലി ചായ കുടിക്കാം നമുക്ക് “

അമ്മ അതിന് മറുപടി പറഞ്ഞില്ല. വിഷയം മാറ്റാൻ ആണ് അത് പറഞ്ഞത് എങ്കിലും അമ്മ പിന്നെയും രണ്ടു ഗൗരി മാരെ പറ്റി ഇങ്ങനെ പറഞ്ഞു കൊണ്ടേയിരുന്നു. അമ്മ ഇങ്ങനെ സംസാരിക്കുന്നതുകൊണ്ട് ഡ്രൈവിംഗ് ക്ഷീണം അറിയുന്നുണ്ടായിരുന്നില്ല. അമ്പലം അടുക്കാൻ ഇനി 20 കിലോമീറ്റർ മാത്രം. അടുത്തുകണ്ട ഒരു ചായക്കടയിൽ നിർത്തി രണ്ടു ചായ പറഞ്ഞു. കുടി കഴിഞ്ഞ് വീണ്ടും യാത്ര. അമ്പലത്തിൽ എത്തിയപ്പോൾ ഉഷസ് പൂജയുടെ സമയം. മകൾക്കുവേണ്ടി ഒരുപാട് വഴിപാടുകൾ അമ്മ എഴുതിക്കുന്നു ഉണ്ട്. ഞാൻ നേർന്ന് വഴിപാടും അമ്മ എഴുതിച്ചു. വഴിപാടുകൾ ഒക്കെ നടത്തി പുറത്തിറങ്ങി. അവിടെയൊന്നും നല്ല ഹോട്ടൽ കാണാത്തതുകൊണ്ട് വണ്ടിയിൽ കയറി പുറകോട്ട് എടുക്കുമ്പോൾ ഒരു വണ്ടി വന്നു പുറകിൽ വട്ടം നിർത്തി. ഞാൻ പെട്ടെന്ന് ബ്രേക്ക് ചവിട്ടി അതുകൊണ്ട് അപകടം ഒന്നും പറ്റിയില്ല.