വസന്തം പോയതറിയാതെ -10 [ദാസൻ] 696

ഇതൊക്കെ കേട്ടിരുന്ന അമ്മ

” എന്നിട്ട് എന്റെ മോനെവിടെ? ”

” വിനു, ചേട്ടന്റെ ഓഫീസിലുണ്ട്. അവരുടെ നിലപാട് അറിഞ്ഞിട്ടേ വിനു പാലക്കാട്ടേക്ക് പോകൂ. അതുമല്ല ചേട്ടന് റസ്റ്റ് ആവശ്യമാണെന്ന് അറിഞ്ഞിട്ടുണ്ട്. എന്നാൽ ഞാൻ ഇറങ്ങട്ടെ, എന്തെങ്കിലും ആവശ്യമുണ്ടെങ്കിൽ വിളിച്ചാൽ മതി. ”

അപ്പോൾ അമ്മ

” മോനെ അവനോട് ഒന്ന് ഇവിടെ വരെ വരാൻ പറയൊ ”

” ഞാൻ ഈ വിവരം ഇവിടെ വന്നു പറഞ്ഞു എന്ന് അറിഞ്ഞാൽ പിന്നെ പറയേണ്ടതില്ലല്ലോ ”

അപ്പോഴേക്കും വലിയമ്മ ചായയുമായി വന്നു. ചായകുടി കഴിഞ്ഞ് അങ്കിൾ ഇറങ്ങി. അമ്മയ്ക്ക് പിന്നെ വേവലാതി ആയിരുന്നു, അച്ഛന് എന്തെങ്കിലും സംഭവിക്കുമോ എന്നുള്ളതായിരുന്നു. വല്യച്ഛൻ രണ്ടുദിവസം കഴിഞ്ഞ് ഹാർബറിൽ ചെന്നപ്പോഴേക്കും അച്ഛൻ പോയി കഴിഞ്ഞിരുന്നു. രാത്രി ഭക്ഷണം കഴിക്കാൻ ഇരിക്കുമ്പോൾ എല്ലാവർക്കും അച്ഛന്റെ കാര്യം പറയാൻ മാത്രമേ നേരം ഉണ്ടായിരുന്നുള്ളൂ. രാവിലെ തന്നെ റെഡിയായി കോളേജിലേക്ക് പുറപ്പെട്ടു. അന്നത്തെ സംഭവത്തിനുശേഷം ഇന്നാണ് ഞാൻ കോളേജിൽ പോകുന്നത്. എന്നെ ഭയത്തോടെയാണ് നോക്കുന്നത് പ്രത്യേകിച്ച്, സീനിയർ വിദ്യാർത്ഥികൾ വരെ എന്റെ അടുത്തേക്ക് വന്നില്ല. വീട്ടിൽ ചെല്ലുമ്പോൾ പരിചയമില്ലാത്ത ഒരു കാർ കിടക്കുന്നു. വണ്ടിയിലുള്ള ചെറിയൊരു ബോർഡ് ലെതർ കവർ വച്ച് മൂടിയിരിക്കുന്നു. വെള്ളയും വെള്ളയും ധരിച്ച ഡ്രൈവർ കാറിൽ ഇരിപ്പുണ്ട്.