വസന്തം പോയതറിയാതെ -10 [ദാസൻ] 696

അങ്കിൾ ഒരു പണിയിലാണ് അത് എപ്പോൾ കഴിയും എന്ന് അറിയില്ല എന്ന് പറഞ്ഞു. കഴിഞ്ഞപ്പോൾ ഇവിടെ വരെ വരണമെന്ന് പറഞ്ഞ് വലിയച്ഛൻ ഫോൺ വെച്ചു. വല്യച്ചൻ ഞങ്ങളോട് പറഞ്ഞു

” ഷിബു ഹാർബറിൽ പണിയിലാണ്. അതുകഴിഞ്ഞ് അവൻ ഇവിടെ എത്തും.”

ഉച്ചകത്തെ ഭക്ഷണമൊക്കെ കഴിച്ച് അങ്കിളിനെയും നോക്കി ഞങ്ങൾ ഇരുന്നു. അങ്കിൾ വന്നു, വലിയച്ഛൻ വിവരങ്ങൾ പറഞ്ഞപ്പോൾ

” അതിന് പോലീസ് സ്റ്റേഷൻ വരെ ഒന്നും പോകണ്ട. ഈ സംഭവം നടന്നു കഴിഞ്ഞപ്പോൾ ആ വഴി വന്ന സണ്ണി വിളിച്ച് വിനുവിനോട് കാര്യം പറഞ്ഞു. അവൻ രാത്രിക്ക് രാത്രി തന്നെ സ്ഥലത്ത് എത്തി. രാവിലെ ഞാൻ പറഞ്ഞില്ലേ ഒരു പണിയുണ്ടെന്നു. അവൻ ഒറ്റയ്ക്ക് പോയി ചെയ്തോളാം എന്നു പറഞ്ഞതാണ്, എന്നാലും ഞങ്ങൾ പഴയകാല സുഹൃത്തുക്കൾ ആണല്ലോ കൂടെ ഞങ്ങളും പോയി. ആദ്യം അവനോട് മര്യാദയുടെ ഭാഷയിൽ സംസാരിച്ചു, പക്ഷേ അവൻ അടി ഇരന്നു വാങ്ങുകയാണ് ചെയ്തത്. ഞങ്ങൾ കൂടെ പോയി എന്നു മാത്രമേയുള്ളൂ ബാക്കി ഒക്കെ ചെയ്തത് വിനുവാണ്. കയ്യും കാലും തല്ലിയൊടിച്ച് വണ്ടിയിൽ എടുത്ത് അവന്റെ അപ്പന്മാരുടെ മുമ്പിൽ കൊണ്ടുപോയിട്ടു. എന്നിട്ട് അപ്പന്മാരോട് പറഞ്ഞു. ‘ നിന്റെയും നിന്റെ അപ്പന്റെയും കന്നം തിരിവു കൊണ്ടാണു ഞങ്ങൾ ഈ നാട് വിട്ടു പോയത്. എന്നിട്ടും ഇമ്മാതിരി പോക്രിത്തരം കാണിച്ചാൽ നിന്റെയൊക്കെ പരമ്പര തന്നെ ഞാൻ തീർത്തു തരും.