വസന്തം പോയതറിയാതെ -10 [ദാസൻ] 697

” നിങ്ങൾക്കൊന്നും അവനെ മനസ്സിലാക്കാൻ കഴിഞ്ഞിട്ടില്ല. എല്ലാം മനസ്സിലാക്കുന്ന ഒരു സമയം വരും ”

ഇതൊക്കെ കേട്ടപ്പോൾ അമ്മ കണ്ണുതുടക്കുന്നത് കണ്ടു. വല്യച്ഛൻ പറഞ്ഞതിന് എനിക്ക് മറുപടി ഇല്ലാഞ്ഞിട്ടല്ല എന്നാലും, ഞാൻ മിണ്ടാതെ എന്റെ മുറിയിലേക്ക് പോയി. രണ്ടുമൂന്നു ദിവസം കഴിഞ്ഞപ്പോൾ അച്ഛൻ തിരിച്ചുപോയി എന്നറിഞ്ഞു. ഞാൻ വീട്ടിൽ ഉള്ള സമയം ഈ മൂന്ന് ദിവസങ്ങളിലും വന്നിട്ടില്ല. എത്ര വേഗമാണ് മാസങ്ങൾ കടന്നു പോകുന്നത്. സെക്കൻഡ് ഇയർ പരീക്ഷയ്ക്ക് ഒരു മാസം പോലുമില്ല. കുറച്ചുനാളുകളായി ഒരു ഫസ്റ്റ് ഇയർ ഡിഗ്രി പയ്യൻ എന്റെ പുറകെ കൂടിയിട്ട്. ആദ്യമൊക്കെ ചെറിയ ചെറിയ ശല്യങ്ങൾ ആയിരുന്നു ഇപ്പോൾ ദേഹത്ത് സ്പർശിച്ചുള്ള ശല്യമായി. ഏതോ ദിവാകരൻ മുതലാളിയുടെ കൊച്ചുമകൻ ആണെന്നാണ് അറിഞ്ഞത്. ഇവന്റെ അച്ഛന്റെ പേര് ഗിരീഷ് എന്നോ മറ്റോ ആണ്, വലിയ മുതലാളി ആണെന്നും കുടുംബത്തിൽ കളക്ടർ ഉണ്ടെന്നും ഉള്ള അഹങ്കാരമാണ് പയ്യന്. അവൻ ഒരു ഗൗരിയമ്മായിയുടെ കാര്യം പറയുന്നത് കേൾക്കാം.

” നിന്റെ അച്ചൻ കാരണം ഞങ്ങൾക്ക് ഗൗരിയമ്മായിയെ നഷ്ടപ്പെട്ടു. അതിനുള്ള ശിക്ഷയാണ് ഇത് എന്ന് കൂട്ടിക്കോ ”

” എടാ ചെക്കാ, നീ എന്റെ അടുത്ത് കളിക്കരുത് “